27/01/2016 10:20 GMT+7 Email Print Like 0

ລັດຖະມົນຕີວ່າການກະຊວງການຕ່າງປະເທດອາເມລິກາຢ້ຽມຢາມ ຳປູເຈຍ

(ທ່ານລັດຖະມົນຕີ​ວ່າການ​ກະຊວງ​ການ
ຕ່າງປະ​ເທດ ອາ​ເມ​ລິ​ກາ John Kerry)
          ຕອນ​ຄ່ຳ​ວັນ​ທີ 25/01, ທ່ານລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ ອາ​ເມ​ລິ​ກາ John Kerry ​​ໄດ້​ເດີນ​ມາງໄປ​ຍັງ​ນະຄອນຫລວງ ພະນົມ​​ເປັນ ປະ​ເທດກຳປູ​ເຈຍ, ​ເລີ່​ມຕົ້ນ​ການ​ຢ້ຽມຢາມ ກຳປູ​ເຈຍ ​ເປັນ​ເວລາ 2 ວັນ ​ເພື່ອ​ແນ​ໃສ່​ເພີ່ມ​ທະວີ​ການ​ພົວພັນ ​ແລະ ການຮ່ວມ​ມື 2 ຝ່າຍ. ຄາດ​ຄະ​ເນ​ວ່າ: ທ່ານ John Kerry ຈະ​ມີ​ການ​ພົບ​ປະ​ເຈລະຈາ​ກັບ​ທ່ານ​ຮອງ​ນາຍົກລັດຖະມົນຕີທັງ​ເປັນລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ ກຳປູ​ເຈຍ Hor Namhong ​ແລະ ​ເຂົ້າ​ຢ້ຽມ​ຂ່ຳນັບ​ທ່ານ​ນາຍົກລັດຖະມົນຕີ Hun Sen ຕາມ​ພິທີການ​ທູດ. ຕາມ​ແຈ້ງ​ການ​ຂອງ​ກະຊວງ​ການ​ຕ່າງປະ​ເທດ​ ອາ​ເມ​ລິ​ກາ, ທ່ານ​ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ John Kerry ຈະ​ປຶກສາ​ຫາລື​ກ່ຽວ​ກັບ​ການ​ຮ່ວມ​ມື 2 ຝ່າຍ ​ແລະ ກອງ​ປະຊຸມ​ຂັ້ນ​ສູງ​ພິ​ເສດ​ລະຫວ່າງ ອາ​ເມ​ລິ​ກາ ​ແລະ ສະມາຄົມ​ປະຊາ​ຊາດ​ອາຊີ​ຕາ​ເວັນ​ອອກ​ສ່ຽງ​ໃຕ້ (ອາ​ຊຽນ) ຈະ​ມາ​ເຖິງ​ຢູ່ Sunnylands, ລັດ ກາລີ​ຟໍ​ເນຍ, ອາ​ເມ​ລິ​ກາ, ພ້ອມ​ກັບ​ບັນດາ​ບັນຫາ​ເສດຖະກິດ ​ແລະ ສະພາບ​ການ​ດ້ານ​ການເມືອງ. ພາຍຫລັງ​ການ​ຢ້ຽມຢາມ ລາວ ​ເຊິ່ງ​ແມ່ນ​ປະ​ເທດ​ທີ່​ພວມ​ເປັນ​ປະທານອາ​ຊຽນຜັດປ່ຽນ​ກັນ, ທ່ານ​ John Kerry ​ຈຶ່ງ​ເດີນທາງ​ໄປຢ້ຽມຢາມ ກຳປູ​ເຈຍ.
 (ແຫຼ່ງຄັດຈາກ VOV)