08/01/2015 10:22 GMT+7 Email Print Like 0

ລັດຖະບານລີບີ ຫ້າມຊາວ ປາແລດສຕິນ, ຊີຣີ ແລະ ຊູດັງ ເຂົ້າເມືອງ

(ພາບປະກອບ: middleeastmonitor.com)

ທ່ານ​ລັດຖະມົນຕີ​ວ່າການ​ກະຊວງ​ພາຍ​ໃນ​ລີ​ບີ Omar al Sanki ໃຫ້​ຮູ້​ວ່າ, ລັດຖະບານ​​ທາງການ​ຂອງ​ປະ​ເທດ​ນີ້ ໄດ້​ປະກາດ​ຄຳ​ສັ່ງ​ຫ້າ​ມບໍ່​ໃຫ້ຊາວປາ​ແລດ​ສຕິນ, ຊີຣີ ແລະ ຊູ​ດັງ ເຂົ້າ​ເມືອງ ຍ້ອນ​ອຳນາດ​ການ​ປ​ົກຄອງ​ຂອງ​ເຂົາ​ເຈົ້າທຳລາຍ​ຄວາມ​ສະຫງົບຂອງ​ລີ​ບີ. ທ່ານ​ລັດຖະມົນຕີ​ວ່າການ Sanki ໃຫ້​ຮູ້​ວ່າ, ຄຳ​ສັ່ງ​ຫ້າມ​ດັ່ງກ່າວ​ໄດ້​ຮັບ​ການ​ປະກາດ​ພາຍຫຼັງ​ບັນດາ​ອົງການ​ສືບລາຊະການ​ລັບ ແລະ ຕຳຫຼວດ​ລີ​ບີ ໃຫ້​ຂໍ້​ສັງ​ເຫດ​ວ່າ ບາງ​ປະ​ເທດ​ອາຣັບ ກ່ຽວຂ້ອງ​ເຖິງ​ການ​ທຳລາຍ​ສະຖຽນ​ລະ​ພາບ ແລະ ອະທິປະ​ໄຕ​ຂອງ​ລີ​ບີ. ແຕ່​ວ່າ, ລັດຖະບານ​ຂອງ​ນາຍົກລັດຖະມົນຕີ Abdullah al Thinni ພຽງ​ແຕ່​ສາມາດ​ປະຕິບັດ​ໄດ້​ຄຳ​ສັ່ງ​ຫ້າມ​ບິນ​ຢູ່ 2 ສະໜາມ​ບິນ Tobruk ແລະ Labraq ທາງ​ທິດຕາ​ເວັນ​ອອກ ກໍ່​ຄື​ຢູ່​ດ່ານຊາຍ​ແດນ​ທາງບົກຕິດ​ກັບ​ອີ​ຍີບ ຍ້ອນ​ປະຈຸ​ບັນ, ລັດຖະບານ​ພຽງ​ມີ​ສິດ​ບໍລິຫານ​ລັດໜຶ່ງ​ຢູ່ທາງ​ທິດຕາ​ເວັນ​ອອກ​ເທົ່າ​ນັ້ນ.

 (ແຫຼ່ງຄັດຈາກ VOV)