03/02/2018 12:54 GMT+7 Email Print Like 0

ລັດຖະບານຈັດຕັ້ງກອງປະຊຸມປະຈຳເດືອນ ມັງກອນ 2018

ວັນທີ 02 ກຸມພາ, ພາຍໃຕ້ການເປັນປະທານຂອງທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ, ລັດຖະບານໄດ້ປະຊຸມວາລະປະຈຳເດືອນ ມັງກອນ 2018.

 ກອງປະຊຸມປະຈຳເດືອນ ມັງກອນ 2018

ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ຕີລາຄາວ່າ ເລີ່ມຕົ້ນປີໃໝ່ 2018 ມີບາງຕົວເລກຄາດໝາຍປະຕິບັດໄດ້ດີກ່ວາເມື່ອທຽບໃສ່ໄລຍະດຽວກັນຂອງປີ 2017 ເປັນຕົ້ນແມ່ນບັນດາສູນເສດຖະກິດໃຫຍ່. ເຖິງຢ່າງໃດກໍ່ຕາມ, ທ່ານນາຍົກລັດຖະມົນຕີຮຽກຮ້ອງໃຫ້ບັນດາກະຊວງ, ຂະແໜງການ ແລະ ທ້ອງຖິ່ນບໍ່ໄດ້ລະເຫລີງ, ບໍ່ປະໝາດ, ບໍ່ພໍໃຈກັບໝາກຜົນຂອງເດືອນ ມັງກອນ 2018. ຕໍ່ໜ້າກັບສະພາບໜາວຈັດທີ່ພວມເກີດຂຶ້ນ, ທ່ານນາຍົກລັດຖະມົນຕີສະເໜີວ່າ:

        “ນີ້ແມ່ນເດືອນໜາວຈັດທີ່ສຸດ, ພິເສດ ແມ່ນຍັງມີເວລາພຽງກ່ວາ 10 ວັນເທົ່ານັ້ນ ກໍ່ຈະຮອດບຸນເຕັດ ດັ່ງນັ້ນ ໃນກອງປະຊຸມນີ້ ຂ້າພະເຈົ້າສະເໜີວ່າ ຕ້ອງເອົາໃຈໃສ່ກ່ວາອີກເຖິງບັນຫາສຸຂະພາບຂອງປະຊາຊົນ. ໄປຄຽງຄູ່ກັນນັ້ນ ແມ່ນແຜນການປູກພືດລ້ຽງສັດໃນສະພາບໜາວຈັດແກ່ຍາວ ແມ່ນຕ້ອງຊີ້ນຳຄືແນວໃດ. ນີ້ແມ່ນເລື່ອງທີ່ຂະແໜງກະສິກຳ, ຂະແໜງສາທາລະນະສຸກຕ້ອງມີມາດຕະການແກ້ໄຂ.

        ບຸນເຕັດແມ່ນຮີດຄອງປະເພນີທີ່ເປັນມູນເຊື້ອມາແຕ່ດົນນານແລ້ວ, ມີຜົນກະທົບຕໍ່ ການເຄື່ອນໄຫວທັງໝົດໃນຊີວິດສັງຄົມ, ທ່ານນາຍົກລັດຖະມົນຕີຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນຮັບປະກັນກ່ຽວກັບລະຫວ່າງການສະໜອງກັບຄວາມຕ້ອງການ, ກ່ຽວກັບຄວາມປອດໄພໃນສັງຄົມ, ການຈາລາຈອນຄົມມະນາຄົມ…

(ແຫຼ່ງຄັດຈາກ VOV)