15/10/2017 10:10 GMT+7 Email Print Like 0

ລັດຖະບານຈະສືບຕໍ່ສ້າງສັນ,ຮ່ວມເດີນທາງພ້ອມກັບວິສາຫະກິດ

      ວັນທີ 13 ຕຸລາ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ມີການພົບປະກັບສະພາສູນກາງບັນດາສະຫະສະມາຄົມວິສາຫະກິດຫວຽດນາມ ແລະ ນັກທຸລະກິດດີເດັ່ນບາງຄົນ.

(ທ່ານນາຍົກລັດຖະມົນຕີ ຫງວຽນຊວນຟຸກ ພົບປະກັບສະພາສູນກາງບັນດາ
ສະຫະສະມາຄົມວິສາຫະກິດຫວຽດນາມ ແລະ ນັກທຸລະກິດດີເດັ່ນບາງຄົນ)
      ທີ່ການພົບປະ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ, ລັດຖະບານຢຶດໝັ້ນທິດທາງສ້າງສັນ, ພັດທະນາ, ຮ່ວມເດີນທາງພ້ອມກັບວິສາຫະກິດ ເພື່ອໃຫ້ບັນດາວິສາຫະກິດຮ່ວມແຮງຮ່ວມໃຈພ້ອມກັບປະຊາຊົນໃນທົ່ວປະເທດ ສູ້ຊົນປະຕິບັດສຳເລັດບັນດາຄາດໝາຍດ້ານເສດຖະກິດ, ສັງຄົມຂອງທັງອາຍຸການ 2016 – 2021. ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ລັດຖະບານຈະສືບຕໍ່ປົກປ້ອງສິດ ແລະ ຜົນປະໂຫຍດອັນຊອບທຳຂອງວິສາຫະກິດຫວຽດນາມ ຢູ່ຕ່າງປະເທດ ແລະ ປາດຖະໜາວ່າ, ບັນດາວິສາຫະກິດສືບຕໍ່ຍູ້ແຮງການນຳໃຊ້ຄວາມກ້າວໜ້າດ້ານວິທະຍາສາດ, ເຕັກນິກ; ເອົາໃຈໃສ່ພັດທະນາແຫຼ່ງຊັບພະຍາກອນມະນຸດໃຫ້ມີຄຸນນະພາບສູງ. ທ່ານນາຍົກລັດຖະມົນຕີ ປາດຖະໜາວ່າ, ບັນດາວິສາຫະກິດສືບຕໍ່ຍູ້ແຮງວຽກງານສັງຄົມ, ເອົາໃຈໃສ່ ແລະ ແບ່ງປັນການຊ່ວຍເຫຼືອຄົນທຸກຍາກ, ຜູ້ທີ່ປະສົບກັບຄວາມຫຍຸ້ງຍາກໃຫ້ຫຼາຍກວ່າອີກ.
(ແຫຼ່ງຄັດຈາກ VOV)