11/08/2016 09:51 GMT+7 Email Print Like 0

ສະເຫຼີມສະຫຼອງ55ປີແຫ່ງວັນວິນາດສະກຳທາດພິດສີສົ້ມຢູ່ຫວຽດນາມ:
ລະດົມກຳລັງໃຈຜູ້ປະສົບເຄາະຮ້າຍຜ່ານຜ່າຄວາມເຈັບປວດ, ບື່ນຕົວຂຶ້ນໃນຊີວິດການເປັນຢູ່

ທ່ານ ຮ່ວາງມິງທ໋ວານ ພ້ອມກັບລູກສອນຄົນຖືກຜົນສະທ້ອນຈາກທາດພິດສີສົ້ມ
      ເນື່ອງ​​ໃນ​ໂອກາດ​ສ​ະ​ເຫຼີ​ມສະຫຼອງ 55 ປີ​ແຫ່ງ​ວັນ​ວິນາດສະກຳ​ທາດ​ພິດ​ສີ​ສົ້ມ/ດີ​ໂອ​ຊິນ ຫວຽດນາມ (10/8/1961 – 10/8/2016), ສະມາຄົມ​ຜູ້​ປະສົບ​​ເຄາະ​ຮ້າຍ​ຈາກ​ທາດ​ພິດ​ສີ​ສົ້ມ/ດີ​ໂອ​ຊິນ ​ແຂວງ ລອງ​ອານ ​ໄດ້​ຈັດ​ຕັ້ງ​ການ​ເຄື່ອນ​ໄຫວ​ຫຼາຍຢ່າງ​ເບິ່ງ​ແຍງ​ດູ​ແລ, ລະດົມ​ກຳລັງ​ໃຈ​ບັນດາ​ຜູ້​ປະສົບ​ເຄາະ​ຮ້າຍ​ທັງ​ກ່ຽວ​ກັບ​ດ້ານ​ວັດ​ຖຸ ​ແລະ ຈິດ​ໃຈ. ຕາມ​ນັ້ນ​​ແລ້ວ, ສະມາຄົມ​ໄດ້​ມອບ​ເຮ​ືອນ​ແຫ່ງ​ສາຍ​ຈິດ​ມິດ​ໃຈ 5 ຫຼັງ, ​ແຕ່​ລະ​ຫຼັງ​ມີ​ມູນ​ຄ່າ 40 ລ້ານ​ດົ່ງ, ໜູນ​ຊ່ວຍ​ແຕ່​ລະ​ຄອບຄົວ​ຜູ້​ປະສົບ​​ເຄາ​ະຮ້າຍສ້ອມ​ແປງ​ເຮືອ​ຊານດ້ວຍ​ຈຳນວນ​ເງິນ 10 ລ້ານ​ດົ່ງ (ຈຳນວນ​ເງິນ​ນີ້​ໂດຍ​ບັນດາ​ວິ​ສາ​ຫະກິດ​ໃນ​ບໍລິ​ເວນ​​ແຂວງ ອຸປະຖຳ​). ນອກຈາກ​ນັ້ນ, ທາງສະມາຄົມ​ກໍ່​ໄດ້​ມອບ​ເງິນ​ກໍ່ສ​້າງ​ເຮືອນ​ແຫ່ງ​ສາຍ​ຈິດ​ມິດ​ໃຈ​ໃຫ້ 3 ຄອບຄົວ​ຜູ້​ປະສົບ​ເຄາະ​ຮ້າຍ​ທີ່​ປະສົບ​ກັບ​ຄວາມ​ຫຍູ້​ງຍາກ​ເປັນ​ພິ​ເສດ, ທີ່​ບໍ່​ມີ​ເຮືອນ​ຢູ່​ດ້ວຍ​ຈຳ​ນວນ​ເງິນ 150 ລ້ານ​ດົ່ງ, ຈັດ​ຕັ້ງ​ການ​ໄປ​ຢື້​ຢາມ​ຖາມ​ຂ່າວ ​ແລະ ມອບ​ຂອງຂວັນ​ໃຫ້ຜູ້​ປະສົບ​ເຄາະ​ຮ້າຍຈາກ​ທາດພິດ​ສີ​ສົ້ມ​ໃນ​ບໍລິ​ເວນ​ແຂວງ 150 ພູດ, ​ເພື່ອ​ແນ​ໃສ່​ລະດົມ​ກຳລັງ​ໃຈ​ບັນດາ​ຜູ້​ປະສົບ​ເຄາະ​ຮ້າຍຜ່ານ​ຜ່າ​ຄວາມ​ເຈັບ​​ປວດ, ສືບ​ຕໍ່​ບື່ນຕົວ​ຂຶ້ນ​ໃນ​ຊີວິດ​ການ​ເປັນ​ຢູ່.
      ວັນ​ທີ 9/8, ​ແຂວງ ດົ່ງ​ນາຍ ​ໄດ້​ຈັດ​ຕັ້ງ​ການ​ຍ້ອງ​ຍໍ​ຊົມ​ເຊີຍຜູ້​ປະສົບ​ເຄາະ​ຮ້າຍຈາກ​ທາດ​ພິດ​ສີສົ້ມ/ ດີ​ໂອ​ຊິນ​ເປັນ​ຄົນ​ພິການ 11 ຄົນ​​ແຕ່​ພະຍາຍາມ​ບື່ນຕົວ​ຂຶ້ນ​ໃນ​ການ​ດຳລົງຊີວິດ, ການ​ຮ່ຳຮຽນ, ການ​ອອກ​ແຮງ​ງານ​ທຳ​ການ​ຜະລິດ.
(ແຫຼ່ງຄັດຈາກ VOV)