26/05/2021 10:45 GMT+7 Email Print Like 0

ມີກຸ່ມບໍລິສັດ, ວິສາຫະກິດຫຼາຍແຫ່ງສະໜັບສະໜູນກອງທຶນຊື້ ວັກຊິນກັນໂຄວິດ - 19

      ວັນທີ 25 ພຶດສະພາ, ທ່ານ ຫງວຽນແທັງລອງ, ລັດຖະມົນຕີກະຊວງສາທາລະນະສຸກ ຫວຽດນາມ ໄດ້ຮັບເງິນເປັນຈຳນວນ 125 ຕື້ດົ່ງ, 1 ລ້ານ USD ແລະ ວັກຊິນກັນໂຄວິດ - 19 ຈຳນວນ 1 ລ້ານໂດສ ຈາກບັນດາກຸ່ມບໍລິສັດ, ວິສາຫະກິດ ຊ່ວຍໜູນແກ່ການຊື້ ແລະສັກວັກຊິນກັນໂຄວິດ - 19.
ຕາງໜ້າກຸ່ມບໍລິສັດ T&T Group ໄດ້ມອບວັກຊິນ 1 ລ້ານໂດສເພື່ອໜູນຊ່ວຍວຽກງານປ້ອງກັນ,
ສະກັດກັ້ນໂລກລະບາດໂຄວິດ - 19 (ພາບ: TTXVN)
      ກ່າວຄຳເຫັນທີ່ພິທີມອບຮັບ, ທ່ານ ຫງວຽນແທັງລອງ ໃຫ້ຮູ້ວ່າ ການໜູນຊ່ວຍອັນລ້ຳຄ່າຂອງບັນດາກຸ່ມບໍລິສັດ, ວິສາຫະກິດມີປະສິດທິຜົນຢ່າງແທ້ຈິງ, ປະກອບສ່ວນເຂົ້າຜົນສຳເລັດຂອງການຕໍ່ສູ້ຕ້ານໂລກລະບາດໂຄວິດ - 19 ຢູ່ ຫວຽດນາມ. ກະຊວງສາທາລະນະສຸກຫວັງວ່າ ບັນດາຫົວໜ່ວຍສືບຕໍ່ຮ່ວມເດີນທາງພ້ອມກັບຂະແໜງສາທາລະນະສຸກ ແລະ ທົ່ວປະເທດ ໃນບັ້ນຕໍ່ສູ້ຕ້ານໂລກລະບາດໂຄວິດ - 19. ທັດສະນະຊີ້ນຳຂອງກົມການເມືອງ ແມ່ນລະດົມທຸກແຫຼ່ງກຳລັງໃນສັງຄົມເພື່ອເຮັດແນວໃດເພື່ອໃຫ້ຫວຽດນາມ ອາດສາມາດ ສຳຜັດກັບວັກຊິນກັນໂຄວິດ - 19 ໄວທີ່ສຸດ ແລະ ຮັບປະກັນເລື່ອງປະຊາຊົນໄດ້ສຳຜັດກັບວັນຊິນຢ່າງກ້ວາງຂວາງ, ເພື່ອແນໃສ່ຄວບຄຸມໂລກລະບາດໂຄວິດ - 19 ແລະ ນຳຊີວິດຂອງປະຊາຊົນກັບຄືນສູ່ສະພາບປົກກະຕິ. ພ້ອມກັບຄວາມມານະພະຍາຍາມສຳຜັດ, ຊອກຫາວັກຊິນຈາກພາຍນອກ, ກະຊວງສາທາລະນະສຸກ ໄດ້ ແລະ ພວມຕັ້ງໜ້າ ເຮັດວຽກກັບບັນດາຄູ່ຮ່ວມມື, ລະດົມບາງກຸ່ມບໍລິສັດ, ວິສາຫະກິດເຂົ້າຮ່ວມການຜະລິດວັກຊິນກັນໂຄວິດ - 19 ຢູ່ພາຍໃນປະເທດ, ດ້ວຍເປົ້າໝາຍຮອດປີ 2022, ຈະມີວັກຊິນກັນໂຄວິດ - 19 ໂດຍ ຫວຽດນາມຜະລິດ.
(ແຫຼ່ງຄັດຈາກ VOV)