30/12/2014 09:57 GMT+7 Email Print Like 0

ມອບທຶນສຶກສາ “ຮ່ວມແຮງຮ່ວມໃຈ ປົກປັກຮັກສາອະທິປະໄຕ ເຂດທະເລຕາເວັນອອກ”


(ພາບ: http://biendong.tuoitre.vn/ 
)

ວັນ​ທີ 28/12, ຢູ່​ນະຄອນ​ຫາຍ​ຟ່ອງ, ໜັງສືພິມ​ຕວຍ​ແຈ (ແປວ່າ​ໄວ​ໜຸ່ມ) ສົມທົບ​ກັບ​ກອງ​ບັນຊາ​ການ​ເຫຼົ່າ​ທັບ​ເຮືອ ໄດ້​ຈັດ​ພິທີ​ມອບ​ທຶນສຶກສາ ຮ່ວມແຮງຮ່ວມໃຈປົກປັກຮັກສາອະທິປະໄຕເຂດທະເລຕາເວັນອອກ” ໃຫ້​ແກ່ບັນດາ​ນັກຮຽນ​ຊື່​ງແມ່ນ​ລູກ​ຫຼານ​ຂອງ​ພະນັກງານ​, ທະຫານ​ເຮືອ. ທຶນ​ສຶກສາມີ​ມູນ​ຄ່າ 3 ລ້ານ​ດົ່ງ/ຄົນ ພ້ອມ​ດ້ວຍ​ຂອງຂວັນ​ຂອງ​ນັກ​ອຸປະຖຳ​ແມ່ນ​ບໍລິສັດ​ຫຸ້ນ​ສ່ວນ​ດົ່ງ​ເຕີມ. ນັກ​ຮຽນຜ່ານ​ຜ່າ​ຄວາມ​ຫຍຸ້ງຍາກ​ຮຽນ​ເກັ່ງ 120 ຄົນຊື່​ງ​ແມ່ນລູກ​ຫຼານ​ຂອງ​ພະນັກງານ​, ທະຫານ​ເຮືອພວມ​ຮ່ຳຮຽນ​ຢູ່​ນະຄອນ​ຫາຍ​ຟ່ອງ ແລະ ບັນດາ​ແຂວງ​ອ້ອມ​ຂ້າງ​ໄດ້​ຮັບທຶນ​ສຶກສາຄັ້ງນີ້.

          ໂຄງການ  “ຮ່ວມແຮງຮ່ວມໃຈປົກປັກຮັກສາອະທິປະໄຕເຂດທະເລຕາເວັນອອກ” ໂດຍໜັງສືພິມ​ຕວຍ​ແຈປຸກລະດົມນັບ​ແຕ່​ເດືອນ 5/2014 ໄດ້​ຮັບ​ເງິນ​ບໍລິຈາກ 55 ຕື້​ດົ່ງ​ຈາກ​ບັນດາ​ອົງການ​ສຳນັກງານ, ຫົວໜ່ວຍ ແລະ ຜູ້​ອ່ານໜັງສືພິມ​ຕວຍ​ແຈ​ເປັນ​ຈຳນວນ​ຫຼວງ​ຫຼາຍ. ຈຳນວນ​ເງິນ​ດັ່ງກ່າວ​ສ່ວນ​ຫຼາຍ​​ຖືກ​ນຳ​ໃຊ້​ເຂົ້າ​ໃນ​ການຊື້​ເຄື່ອງອຸປະກອນຮັບ​ໃຊ້​ການ​ເຮັດ​ວຽກ ແລະ ຊີ​ວິດ​ການ​ເປັນ​ຢູ່​ຂອງ​ພະ​ນັກ​ງານ, ທະຫານ​ເຮືອ, ຕຳຫຼວດ​ທະ​ເລ, ອົງການ​ກວດກາ​ການ​ປະມົງ ແລະ ມອບ​ທຶນ​ສຶກສາ​ໃຫ້ລູກ​ຫຼານ​ຊາວ​ປະມົງ./.

(​ແຫຼ່ງຄັດຈາກ VOV)