10/02/2018 09:15 GMT+7 Email Print Like 0

ພຸດທະສາສະໜາຫວຽດນາມ ຍາມໃດກໍ່ຮ່ວມເດີນທາງພ້ອມກັບປະເທດຊາດ

      ເນື່ອງໃນໂອກາດກະກຽມຕ້ອນຮັບບຸນເຕັດປີຈໍ 2018, ຕອນເຊົ້າວັນທີ 09 ກຸມພາ, ຢູ່ຮ່າໂນ້ຍ, ທ່ານນາງຫົວໜ້າຄະນະຂົນຂວາຍປະຊາຊົນສູນກາງ ເຈືອງທິມາຍ ໄດ້ໃຫ້ການຕ້ອນຮັບຄະນະຜູ້ແທນພຸດທະສາສະໜາຫວຽດນາມ ໂດຍພະມະຫາອາຈານ ທິ໋ກແທງຍ້ຽວ, ຮອງປະທານຜູ້ປະຈຳການສະພາບໍລິຫານງານພຸດທະສາສະໜາຫວຽດນາມ ນຳໜ້າ.

ທ່ານນາງ ເຈືອງທິມາຍ ຕ້ອນຮັບພະມະຫາອາຈານ ທິ໋ກແທງຍ້ຽວ
(ພາບ: TTXVN)
      ທີ່ການຕ້ອນຮັບ, ທ່ານນາງ ເຈືອງທິມາຍ ເນັ້ນໜັກວ່າ: ດ້ວຍການກຳນົດທິດຍາມໃດກໍ່ຮ່ວມເດີນທາງພ້ອມກັບປະເທດຊາດ, ປະກອບສ່ວນສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ສະມາຄົມພຸດທະສາສະໜາຫວຽດນາມ ລ້ວນແຕ່ໄດ້ມີການປະກອບສ່ວນຫຼາຍຢ່າງ, ເຂົ້າຮ່ວມວຽກງານສັງຄົມ. ເນື່ອງໃນໂອກາດບຸນປີໃໝ່, ທ່ານນາງ ເຈືອງທິມາຍ ໄດ້ອວຍພອນໃຫ້ພະມະຫາອາຈານ ທິ໋ກແທງເຍິວ ແລະ ບັນດາພະມະຫາອາຈານໃນສະພາບໍລິຫານງານ, ສະພາສົງຈົ່ງມີສຸຂະພາບເຂັ້ມແຂງ, ສືບຕໍ່ໄດ້ຮັບຄວາມໄວ້ເນື້ອເຊື່ອໃຈຢ່າງສູງເພື່ອຊີ້ນຳນຳພາ, ກຳນົດທິດ, ນຳສະມາຄົມໃຫ້ນັບມື້ນັບພັດທະນາ, ຍາມໃດກໍ່ແມ່ນອົງການຈັດຕັ້ງສາສະໜາ ຮ່ວມເດີນທາງພ້ອມກັບປະເທດຊາດ.
        ສ່ວນພະມະຫາອາຈານ ທິ໋ກແທງຢ້ຽວ ຢືນຢັນວ່າ, ສະມາຄົມພຸດທະສາສະໜາຫວຽດນາມ ຈະສືບຕໍ່ຮ່ວມແຮງຮ່ວມໃຈພ້ອມກັບບັນດາສາສະໜາອື່ນໆ ກໍ່ຄືພໍ່ແມ່ປະຊາຊົນໃນທົ່ວປະເທດ, ສ້າງກຳລັງແຮງມະຫາສາມັກຄີທົ່ວປວງຊົນທັງຊາດ; ປະກອບສ່ວນສ້າງສາປະເທດແຫ່ງວັດທະນາຖາວອນ, ເພື່ອເປົ້າໝາຍສັງຄົມຍຸຕິທຳ, ປະຊາທິປະໄຕ, ສີວິໄລ.
 (ແຫຼ່ງຄັດຈາກ VOV)