02/08/2018 09:06 GMT+7 Email Print Like 0

ພິທີໄຂຊຸດເຝິກອົບຮົມວິຊາຊີບການປະຕິບັດຄຳຕັດສິນຂອງສານສຳລັບຄະດີແພ່ງໃຫ້ຄູອາຫານ,ພະນັກງານລາວ

ຕອນບ່າຍວັນທີ 31 ກໍລະກົດ, ຢູ່ຮ່າໂນ້ຍໄດ້ໄຂຊຸດກໍ່ສ້າງວິຊາຊີບປະຕິບັດຄຳຕັດສິນຂອງສານທາງແພ່ງໃຫ້ຄູ່ອາຫານ, ພະນັກງານລາວ ພວມປະຕິບັດງານໃນຂົງເຂດປະຕິບັດຄຳຕັດສິນຂອງສານສຳລັບຄະດີແພ່ງໂດຍສະຖານບັນຍຸດຕິທຳຫວຽດນາມ ຈັດຕັ້ງ.

(ທ່ານຫົວໜ້າສະຖານບັນຍຸດຕິທຳ ດ່ວານຈຸງກຽນ)

ຊຸດຮຽນລວມມີນັກຮຽນດີເດັ່ນ 30 ຄົນ. ເຂົ້າຮ່ວມພິທີໄຂຍັງມີການນຳກະຊວງຍຸຕິທຳ, ຜູ້ຕາງໜ້າສະຖານທູດລາວປະຈຳຫວຽດນາມ, ພ້ອມກັບບັນດາຄູອາຈານຂອງສະຖາບັນ. ກ່າວຄຳເຫັນທີ່ພິທີໄຂ, ທ່ານຫົວໜ້າສະຖານບັນຍຸດຕິທຳ ດ່ວານຈຸງກຽນ, ໃຫ້ຮູ້ວ່າ.

        “ສະຖານບັນຍຸດຕິທຳຫວຽດນາມ ມີຄວາມເປັນກຽດ ແລະ ມີຄວາມເອກອ້າງທະນົງໃຈເມື່ອໄດ້ຮັບມອບສິດຈາກກະຊວງຍຸຕິທຳຫວຽດນາມ ເປັນຫົວໜ່ວຍປະຕິບັດໂຄງການໜູນຊ່ວຍສະຖາບັນຍຸຕິທຳລາວ. ບົນພື້ນຖານບັນດາບົດຮຽນທີ່ສະສົມໄວ້ໄດ້ໃນປະຫວັດສາດ 20 ປີແຫ່ງການກໍ່ສ້າງ ແລະ ພັດທະນາ. ສະຖາບັນຍຸຕິທຳຫວຽດນາມ ໄດ້ຕັ້ງໜ້າ, ເປັນເຈົ້າການເປີດບັນດາຊຸດເຝິກອົບຮົມໃຫ້ແກ່ຄູອາຈານ, ພະນັກງານຍຸຕິທຳລາວ. ພິທີໄຂຊຸດເຝິກອົບຮົມວິຊາຊີບມື້ນີ້ແມ່ນໜຶ່ງໃນບັນດາໝາກຜົນເບື້ອງຕົ້ນໃຫ້ແກ່ຄວາມມານະພະຍາຍາມຜັນຂະຫຍາຍປະສິດທິຜົນບັນດາການເຄື່ອນໄຫວຂອງໂຄງການ”.


(ທ່ານ ຄຳໂກ ຈັນທະວົງ, ຮອງຫົວໜ້າສະຖາບັນຍຸຕິທຳພາກກາງຂອງລາວ)

ໃນການຮຽນເປັນເວລາເກືອບ 3 ເດືອນ, ບັນດາສຳມະນາກອນຈະໄດ້ຮຽນຮູ້ ແລະ ຄົ້ນຄວ້າ ແລະ ປະຕິບັດທັກສະ ການປະຕິບັດຄຳຕັດສິນຂອງສານສຳລັບຄະດີແພ່ງ. ນອກຈາກທີ່ຮຽນຢູ່ຫ້ອງຮຽນແລ້ວ, ບັນດາສຳມະນາກອນຈະລົງຕົວຈິງຢູ່ບາງແຂວງ, ນະຄອນຂອງຫວຽດນາມ.

(ແຫຼ່ງຄັດຈາກ VOV)