03/06/2019 09:12 GMT+7 Email Print Like 0

ພິທີສະເຫຼີມສະຫຼອງລະດັບຊາດວັນຄ້າຍວັນເກີດທ່ານຫົວໜ້າຄະນະປະຈໍາສະພາແຫ່ງຊາດ ຫງວຽນວັນໂຕ໊ ຄົບຮອບ 130 ປີ

ຄະນະບໍລິຫານງານສູນກາງພັກກອມມູນິດຫວຽດນາມ, ສະພາແຫ່ງຊາດຫວຽດນາມ, ປະທານປະເທດ, ລັດຖະບານ, ຄະນະກໍາມະການສູນກາງແນວໂຮມປະເທດຊາດຫວຽດນາມ, ນະຄອນຮ່າໂນ້ຍ ໄດ້ສົມທົບກັນຈັດຕັ້ງພິທີສະເຫຼີມສະຫຼອງລະດັບຊາດວັນຄ້າຍວັນເກີດທ່ານຫົວໜ້າຄະນະປະຈໍາສະພາແຫ່ງຊາດຫວຽດນາມ ຫງວຽນວັນໂຕ໊.

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ    ກ່າວຄໍາເຫັນທີ່ພິທີສະເຫຼີມສະຫຼອງ (ພາບ:quochoi.vn)

ຕອນເຊົ້າວັນທີ 02 ມິຖຸນາ, ຢູ່່ຮ່າໂນ້ຍ, ຄະນະບໍລິຫານງານສູງກາງພັກກອມມູນິດຫວຽດນາມ, ສະພາແຫ່ງຊາດຫວຽດນາມ, ປະທານປະເທດ, ລັດຖະບານ, ຄະນະກໍາມະການສູນກາງແນວໂຮມປະເທດຊາດຫວຽດນາມ, ນະຄອນຮ່າໂນ້ຍ ໄດ້ສົມທົບກັນຈັດຕັ້ງພິທີສະເຫຼີມສະຫຼອງລະດັບຊາດວັນຄ້າຍວັນເກີດທ່ານຫົວໜ້າຄະນະປະຈໍາສະພາແຫ່ງຊາດຫວຽດນາມ ຫງວຽນວັນໂຕ໊ (5/6/1889 – 5/6/2019). ເຂົ້າຮ່ວມພິທີດັ່ງກ່າວ ມີທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ, ທ່ານ ເຈິ່ນກວ໊ກເວື້ອງ ຜູ້ປະຈໍາການຄຄະນະເລຂາສູນກາງພັກ ພ້ອມດ້ວຍອະດີີດການນໍາພັກ, ລັດ, ສະພາແຫ່ງຊາດຫວຽດນາມ.

        ກ່າວຄໍາເຫັນທີ່ພິທີສະເຫຼີມສະຫຼອງ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ເນັ້ນໜັກວ່າ:

        “ໜຶ່ງໃນບັນດາການອຸທິດສ່ວນອັນໃຫຍ່ຫຼວງຂອງທ່ານ ຫງວຽນວັນໂຕ໊ ໃນຖານະເປັນຫົວໜ້າຄະນະປະຈໍາສະພາແຫ່ງຊາດຫວຽດນາມ ແມ່ນ ບໍລິຫານສະພາແຫ່ງຊາດ, ປະກອບຄໍາເຫັນ, ສ້າງ ແລະ ຮັບຮອງເອົາລັດຖະທໍາມະນູນສະບັບທໍາອິດຂອງປະເທດຫວຽດນາມ, ນັ້ນແມ່ນ ລັດຖະທໍາມະນູນທີ່ໄດ້ປະກາດໃຊ້ເມື່ອ ປີ 1946. ດ້ວຍບັນດາເນື້ອໃນແນວຄິດອັນກ້າວໜ້າ, ມີຄຸນຄ່່າແບບຍືນຍົງ ແລະ ເລິກເຊິ່ງຈົນເຖິງທຸກວັນນີ້, ລັດຖະທໍາມະນູດສະບັບດັ່ງກ່າວ ໄດ້ຢັ້ງຢືນພື້ນຖານເອກະລາດ, ເສລີພາບຂອງຊາດ, ຄວາມຜາສຸກຂອງປະຊາຊົນຫວຽດນາມ; ຢັ້ງຢືນສິດເປັນເຈົ້າຂອງປະເທດ, ຂອງພົນລະເມືອງທຸກຄົນ, ສິດ ແລະ ພັນທະສ້າງສາປະເທດຊາດ ຂອງປະຊາຊົນ, ໂດຍປະຊາຊົນ ແລະ ເພື່ອປະຊາຊົນ”.

 (ແຫຼ່ງຄັດຈາກ VOV)