07/09/2018 09:28 GMT+7 Email Print Like 0

ພິທີປະດັບຫຼຽນໄຊຂອງລັດແລະກະຊວງປ້ອງກັນປະເທດລາວ

      ວັນທີ 06 ກັນຍາ, ຢູ່ຮ່າໂນ້ຍ, ໄດ້ດຳເນີນພິທີປະດັບຫຼຽນໄຊຂອງລັດ ແລະ ກະຊວງປ້ອງກັນປະເທດລາວ ໃຫ້ແກ່ບັນດາໝູ່ຄະນະ ແລະ ສ່ວນບຸກຄົນຂຶ້ນກັບກອງທັບປະຊາຊົນຫວຽດນາມ.

ພິທີປະດັບຫຼຽນໄຊຂອງລັດແລະກະຊວງປ້ອງກັນປະເທດລາວ
(ພາບ: TTXVN)
      ນີ້ແມ່ນບັນດາໝູ່ຄະນະ, ສ່ວນບຸກຄົນທີ່ມີຜົນງານຫຼາຍຢ່າງ, ມີການປະກອບສ່ວນສຳຄັນ, ເຂົ້າໃນການປັບປຸງ, ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດລະຫວ່າງ 2 ປະເທດ.
        ກ່າວຄຳເຫັນທີ່ພິທີ, ພົນໂທ ຈັນສະໝອນ ຈັນຍາລາດ, ລັດຖະມົນຕີກະຊວງປ້ອງກັນປະເທດລາວ ໄດ້ຕີລາຄາສູງບັນດາການເຄື່ອນໄຫວພົບປະແລກປ່ຽນລະຫວ່າງກອງທັງຂອງ 2 ປະເທດ ໃນໄລຍະຜ່ານມາ. ບັນດາການເຄື່ອນໄຫວດັ່ງກ່າວໄດ້ປະກອບສ່ວນສຶກສາອົບຮົມລຸ້ນໜຸ່ມກ່ຽວກັບມູນເຊື້ອຄວາມສາມັກຄີ, ມິດຕະພາບ, ການຮ່ວມມື ແລະ ການຊ່ວຍເຫຼືອເຊິ່ງກັນແລະກັນໃນອະດີດ ກໍຄືໃນປະຈຸບັນ; ພ້ອມທັງເພີ່ມທະວີການຮ່ວມມືດ້ານປ້ອງກັນຊາດລະຫວ່າງ 2 ປະເທດ ແລະ ສືບຕໍ່ແມ່ນເສົາຄ້ຳສຳຄັນໃນສາຍພົວພັນສາມັກຄີແບບພິເສດລະຫວ່າງ 2 ປະເທດ, ປະກອບສ່ວນຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບດ້ານການເມືອງ - ສັງຄົມ ແລະ ນ້ຳໃຈສາມັກຄີມິດຕະພາບຫວຽດນາມ - ລາວ ໃຫ້ສວຍສົດງົດງາມ, ໝັ້ນຄົງຂະໜົງແກ່ນຈົນຊົ່ວກາລະນານ.
 (ແຫຼ່ງຄັດຈາກ VOV)