22/10/2018 11:15 GMT+7 Email Print Like 0

ພັດທະນາການຮ່ວມມືໃນຂະແໜງການທ່ອງທ່ຽວລະຫວ່າງ ການາດາ ແລະ ຫວຽດນາມ

ງານຕະຫຼາດນັດ ການທ່ອງທ່ຽວສາກົນ Montreal ຄັ້ງທີ 30 ໄດ້ດໍາເນີນແຕ່ວັນທີ 19 – 21 ຕຸລາ ຢູ່ນະຄອນ Montreal, ປະເທດ ການາດາ, ດ້ວຍການເຂົ້າຮ່ວມຂອງຫວຽດນາມ.  
ບັນດາສິ່ງພິມທີ່ໄດ້ນໍາມາວາງສະແດງທີ່ຮ້ານວາງສະແດງຂອງຫວຽດນາມ ທີ່ງານຕະຫຼາດນັດ ໄດ້ແນະນໍາ, ໂຄສະນາຄວາມສວຍສົດງົດງາມ, ຄວາມສາມາດບົ່ມຊ້ອນ ແລະ ທ່າໄດ້ປຽບຂອງຂະແໜງການທ່ອງທ່ຽວຫວຽດນາມ. ນັ້ນແມ່ນ ມີກວ່າ 20 ມໍລະດົດວັດທະນະທໍາທີ່ເປັນວັດຖຸ ແລະ ບໍ່ເປັນວັດຖຸຂອງໂລກ ເຊິ່ງໄດ້ຮັບການຮັບຮອງຈາກອົງການ UNESCO,   ນັ້ນແມ່ນຖະໜົນແຄມຝັ່ງທະເລທີ່ສວຍສົດງົດງາມຍາວນັບພັນ km, ອາຫານການກິນທີ່ເປັນເອກະລັກສະເພາະ... ຮ້ານວາງສະແດງຂອງຫວຽດນາມທີ່ງານຕະຫຼາດນັດ ການທ່ອງທ່ຽວ ສາກົນ Montreal ໄດ້ປະກອບສ່ວນເຂົ້າໃນການຍົກສູງຄວາມຮູ້ຂອງລູກຄ້າ ການາດາ ກ່ຽວກັບວັດທະນະທໍາຫວຽດນາມ,ເປີດກາລະໂອກາດ ເພື່ອເພີ່ມທະວີການພົວພັນ ແລກປ່ຽນປະຊາຊົນ ແລະ ພັດທະນາການທ່ອງທ່ຽວລະຫວ່າງສອງປະເທດ.
(ແຫຼ່ງຄັດຈາກ VOV)