14/10/2016 09:53 GMT+7 Email Print Like 0

ພະບາດສົມເດັດພະເຈົ້າມະຫາຊີວິດແຫ່ງລາຊະອານາຈັກໄທ ພູມີພົນ ອະດູນຢາເດດ ສະຫວັນນະຄົດ


ພະ​ບາດ​ສົມ​ເດັດ​ພະ​ເຈົ້າ​ມະ​ຫາ​ຊີ​ວິດ ພູ​ມີ​ພົນ ອະ​ດູ​ນຢາ​ເດດ ແຫ່ງ​ລາ​ຊະ​ອາ​ນາ​ຈັກ​ໄທ

      ພະ​ບາດ​ສົມ​ເດັດ​ພະ​ເຈົ້າ​ມະ​ຫາ​ຊີ​ວິດ ພູ​ມີ​ພົນ ອະ​ດູ​ນຢາ​ເດດ ແຫ່ງ​ລາ​ຊະ​ອາ​ນາ​ຈັກ​ໄທ ໄດ້ສະ​ຫວັນ​ນະ​ຄົດ​ໃນ​ເວ​ລາ 15ໂມງ 52 (8h52 GMT)  ວັນ​ທີ 13/10. ​ແຈ້ງ​ການ​ຂອງ​ພະ​ລາ​ຊະ​ວັງ​ໃຫ້​ຮູ້​ວ່າ:
      “ພະ​ບາດ​ສົມ​ເດັດ​ພະ​ເຈົ້າ​ມະ​ຫາ​ຊີ​ວິດຜູ້​ແສນ​ຮັກ​ຂອງ​ພວກ​​ຂ້າ​ພະ​ເຈົ້າ​ໄດ້​ສະ​ຫວັນ​ນະ​ຄົດູ່​ໂຮງ​ໝໍ Siriraj”, ສຳ​ນັກ​ຂ່າວ​ສານ​ Reuters ໄດ້​ຄັດ​ສະ​ເໜີ​ແຈ້ງ​ຂ່າວ​ ໃຫ້​ຮູ້​ວ່າ.
      ລູກ​ຊາຍ, ທັງ​ເປັນ​ຜູ້ສືບ​ບັນ​ລັງຂອງ​ພະ​ອົງ, ມົງ​ກຸດ​ລາ​ຊະ​ກຸມ​ມານ ມະ​ຫາ​ວາ​ຊີ​ຣາ​ລົງ​ກອນ, ອາ​ຍຸ 63 ປີ, ຄາດ​ວ່າ​ຈະ​ກາຍ​ເປັນພະ​ບາດ​ສົມ​ເດັດ​ພະ​ເຈົ້າ​ມະ​ຫາ​ຊີ​ວິດ​ອົງ​ໃໝ່​ຂອງ ໄທ.
      ທ່ານ​ນາ​ຍົກ​ລັດ​ຖະ​ມົນ​ຕີ ໄທ ປ​ຣາ​ຢຸດ ຈັນ​ໂອ​ຈາ ໃຫ້​ຮູ້​ວ່າ. ຜູ້​ສືບ​ບັນ​ລັງ ໄດ້​ຮັບ​ການ​ເລືອກ​ເຟັ້ນ​ແຕ່​ປີ 2002 ແລະ ຄະ​ນະ​ລັດ​ຖະ​ບານ​ຈະ​ແຈ້ງ​ໃຫ້​ສະ​ພາ​ແຫ່ງ​ຊາດ​ບັນ​ຫານີ້​ໂດຍ​ໄວ. ສະ​ພາ​ແຫ່ງ​ຊາດ​ໄທໄດ້​ຈັດ​ວາ​ລະ​ປະ​ຊຸມ​ພິ​ເສດ​ໃນ​ທ້າຍ​ວັນ​ທີ 13/10. ທ່ານ​ກໍ່​ຮຽກ​ຮ້ອງ​ໃຫ້​ປະ​ຊາ​ຊົນ​ໄທ​ມີ​ຄວາມ​ຮັກ​ແພງ​ກັນ ແລະ ປົກ​ປັກ​ຮັກ​ສາ​ປະ​ເທດ.
      ທ່ານ​ນາ​ຍົກ​ລັດ​ຖະ​ມົນ​ຕີ ໄທ ປ​ຣາ​ຢຸດ ຈັນ​ໂອ​ຈາ ປະ​ກາດ​ວ່າ, ໄທ​ຈະ​ໄຫວ້​ທຸກພະ​ບາດ​ສົມ​ເດັດ​ພະ​ເຈົ້າ​ມະ​ຫາ​ຊີ​ວິດ ພູ​ມີ​ພົນ ອະ​ດູ​ນາ​ເດດ​ໃນ​ໄລ​ຍະ​ເວ​ລາ​ໜຶ່ງ​ປີ, ຢຸດ​ຕິ​ທຸກ​ການ​ເຄື່ອນ​ໄຫວ​ບັນ​ເທິງ ແລະ ພິ​ທີ​ສືບບັນ​ລັງ​ຂອງ ມົງ​ກຸດ​ລາ​ຊະ​ກຸມ​ມານ ​ພຽງ​ແຕ່ດຳ​ເນີນ​ພາຍຫຼັງ​ໝົດ​ເວ​ລາ​ໄຫວ້​ທຸກ​ໃນ​ທົ່ວ​ປະ​ເທດ​ເທົ່າ​ນັ້ນ.
 (ແຫຼ່ງຄັດຈາກ VOV)