10/07/2015 16:01 GMT+7 Email Print Like 0

ກອງປະຊຸມຂັ້ນສູງແມ່ນນຳ້ຂອງ-ຍີ່ປຸ່ນ ຄັ້ງທີ 7
ຜົນສຳເລັດຈາກການເຄື່ອນໄຫວ “ສອງຕໍ່ໜຶ່ງ” ຂອງທ່ານນາຍົກລັດຖະມົນຕີ ຫງວຽນເຕິນຢຸງ

ທ່ານນາຍົກລັດຖະມົນຕີ ຫງວຽນເຕິນຢຸງ ຫາກໍ່ສິ້ນສຸດການປະຕິບັດງານຢູ່ຕ່າງປະເທດທີ່ໄດ້ວົງການນັກຊ່ຽວຊານຕີລາຄາວ່າ “ສອງຕໍ່ໜຶ່ງ”, ນັ້ນແມ່ນການເຂົ້າຮ່ວມກອງປະຊຸມຂັ້ນສູງ ແມ່ນຳ້ຂອງ-ຍີ່ປຸ່ນ ຄັ້ງທີ 7 ແລະ ການຢ້ຽມຢາມ, ເຮັດວຽກກັບ ຍີ່ປຸ່ນ.


ທ່ານນາຍົກລັດຖະມົນຕີ ຍີ່ປຸ່ນ Shinzo Abe ຕ້ອນຮັບທ່ານນາຍົກ ລັດຖະມົນຕີ ຫງວຽນເຕິນຢຸງ
ທີ່ນະຄອນຫຼວງ ໂຕກຽວ, ຍີ່ປຸ່ນ. ພາບ: ດຶກຕ໋າມ/VNA

ຜົນງານທີ່ພົ້ນເດັ່ນຂອງກອງປະຊຸມຂັ້ນສູງ ແມ່ຂອງ-ຍີ່ປຸ່ນ ຄັ້ງນີ້ ແມ່ນເລື່ອງບັນດາການນຳ 5 ປະເທດແມ່ຂອງ ແລະ ຍີ່ປຸ່ນ ໄດ້ອະນຸມັດຜ່ານຍຸດທະສາດ ໂຕກຽວ 2015 ດ້ວຍການກຳນົດທິດ ຢ່າງຈະແຈ້ງໃຫ້ແກ່ການຮ່ວມມືລະຫວ່າງແມ່ຂອງ-ຍີ່ປຸ່ນ ໃນໄລຍະ 2016-2018 ດ້ວຍເປົ້າໝາຍແມ່ນຮັບປະກັນຄວາມໝັ້ນຄົງໃນ ຂົງເຂດ ແລະ ບັນລຸໄດ້ “ການເຕີບໂຕຢ່າງມີຄຸນນະພາບ” ທີ່ອະນຸ ພາກພື້ນແມ່ນຳ້ຂອງ.
 
ທ່ີກອງປະຊຸມ, ທ່ານນາຍົກລັດຖະມົນຕີ Shinzo Abe ໄດ້ປະກາດອອກການຕັດສິນຂອງ ຍີ່ປຸ່ນ ຈະສະຫງວນປ້ວງເງິນ 750 ຕື້ເຢັນໜູນຊ່ວຍທຶນ ODA ຊ່ວຍເຫຼືອໃຫ້ແກ່ບັນດາປະເທດ ອະນຸພາກພື້ນ ແມ່ນຳ້ຂອງໃນ 3 ປີຕໍ່ມາ. ນີ້ຈະແມ່ນແຫຼ່ງທຶນທີ່ສຳຄັນເພື່ອ ຜັນຂະຫຍາຍບັນດາເນື້ອໃນຮ່ວມມືຂອງຍຸດທະສາດໂຕກຽວ.
 
ໃນຖະແຫຼງການຍຸດທະສາດໂຕກຽວ 2015 ກ່ຽວກັບການຮ່ວມມືແມ່ນຳ້ຂອງ-ຍີ່ປຸ່ນ, ບັນດາການນຳໄດ້ເນັ້ນໜັກເຖິງຄວາມສຳຄັນ ຂອງມະຫາສະໝຸດ, ຊັບສົມບັດລວມຂອງໂລກ; ຢືນຢັນຄວາມ ສຳຄັນຂອງການຮ່ວມມືຢ່າງແໜ້ນແຟ້ນກວ່າເກົ່າເພື່ອຮັບປະກັນ ໃຫ້ຄວາມສະຫງົບຄວາມປອດໄພຂອງການເດີນເຮືອທະເລໃນພາກພື້ນ; ເນັ້ນໜັກເຖິງເລື່ອງຕ້ອງປະຕິບັດຖະແຫຼງການວ່າດ້ວຍ ການປະພຶດຕໍ່ຂອງຝ່າຍຕ່າງໆ ຢູ່ທະເລຕາເວັນອອກ (DOC) ຢ່່າງຄົບຖ້ວນ ແລະ ມີປະສິດທິພາບ ແລະ ບັນລຸໄດ້ປະມວນກົດລະບຽບການປະພຶດຕໍ່ ຂອງຝ່າຍຕ່າງໆ ຢູ່ທະເລຕາເວັນອອກ (COC) ໂດຍໄວ.
 
ບັນດາທ່ານຜູ້ນຳກໍ່ເວົ້າຄືນເຖິງຄຳໝັ້ນສັນຍາຮັບປະກັນສິດເສລີພາບໃນການເດີນເຮືອທະເລ ແລະ ການເດີນອາກາດ, ຄວາມສະຫງົບ ປອດໄພດ້ານເດີນເຮືອທະເລ ແລະ ແກ້ໄຂຂໍ້ຂັດແຍ້ງໂດຍສັນຕິວິທີ ຕາມກົດໝາຍສາກົນ, ໃນນັ້ນ ມີສົນທິສັນຍາຂອງສະຫະປະຊາຊາດວ່າດ້ວຍກົດໝາຍທາງທະເລ (UNCLOS) ປີ 1982. ການນຳບັນດາ ປະເທດໄດ້ສະແດງຄວາມເປັນຫ່ວງເປັນໃຍຕໍ່ບັນດາເຫດການທີ່ໄຂຂຶ້ນຢູ່ທະເລຕາເວັນອອກ ທີ່ເຮັດໃຫ້ສະພາບການສັບສົນຂຶ້ນ, ທຳລາຍຄວາມໄວ້ວາງໃຈ ແລະ ອາດຈະທຳລາຍສັນຕິພາບ, ສະຖຽນລະພາບ ແລະ ໝັ້ນຄົງຢູ່ພາກພື້ນອີກດ້ວຍ. 

ທ່ານນາຍົກລັດຖະມົນຕີ ຫງວຽນເຕິນຢຸງ ພ້ອມກັບຫົວໜ້າບັນດາ
ປະເທດຖ່າຍຮູບຮ່ວມກັນທີ່ກອງປະຊຸມຂັ້ນສູງແມ່ນຳ້ຂອງ-ຍີ່ປຸ່ນ ຄັ້ງທີ 7. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ທີ່ກອງປະຊຸມຂັ້ນສູງ ແມ່ນຳ້ຂອງ-ຍີ່ປຸ່ນ ຄັ້ງທີ 7. ພາບ: ດຶກຕ໋າມ/VNA

ພາບໃນກອງປະຊຸມຂັ້ນສູງ ແມ່ນຳ້ຂອງ-ຍີ່ປຸ່ນ ຄັ້ງທີ 7. ພາບ: ດຶກຕ໋າມ/VNA

ທ່ານນາຍົກລັດຖະມົນຕີ ຫງວຽນເຕິນຢຸງ ເຂົ້າຮ່ວມເວທີປາໄສ ເສດຖະກິດ 5 ປະເທດ
ເຂດອະນຸພາກພື້ນແມ່ນຳ້ຂອງ. ພາບ: ດຶກຕ໋າມ/
VNA


ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະກັບເຈົ້າຊີວິດ ຍີ່ປຸ່ນ Akihito. ພາບ: VNA

ທ່ານນາຍົກລັດຖະມົນຕີ ຫງວຽນເຕິນຢຸງ ພ້ອມກັບການນຳບັນດາ
ປະເທດແມ່ນຳ້ຂອງ ພົບປະກັບທ່ານປະທານສະພາສູງ ຍີ່ປຸ່ນ Masaaki Yamazaki. ພາບ: ດຶກຕ໋າມ/VNA

ທ່ານນາຍົກລັດຖະມົນຕີ ຫງວຽນເຕິນຢຸງ ພ້ອມກັບການນຳບັນດາ
ປະເທດແມ່ນຳ້ຂອງ ພົບປະກັບທ່ານປະທານສະພາຕຳ່ ຍີ່ປຸ່ນ Tadamori Oshima. ພາບ: ດຶກຕ໋າມ/VNA

ນອກຈາກບັນດາການເຄື່ອນໄຫວໃນຂອບເຂດຂອງກອງປະຊຸມຂັ້ນສູງ ແມ່ນຳ້ຂອງ-ຍີ່ປຸ່ນ, ທ່ານນາຍົກລັດຖະມົນຕີ ຫງວຽນເຕິນຢຸງ ຍັງມີການພົບປະກັບວົງການການເມືອງ ແລະ ຜູ້ນຳກຸ່ມເສດຖະກິດ, ວິສາຫະກິດແຖວໜ້າຂອງຍີ່ປຸ່ນກວ່າ 20 ແຫ່ງ, ເຂົ້າຮ່ວມໃນການ ພົບປະສົນທະນາກ່ຽວກັບເສດຖະກິດ ຫວຽດນາມ-ຍີ່ປຸ່ນ ແລະ ອື່ນໆ.
 
ທ່ານນາຍົກລັດຖະມົນຕີ Shinzo Abe ໄດ້ຕອບສະໜອງຢ່າງຕັ້ງໜ້າ ທຸກໆ ຂໍ້ສະເໜີກ່ຽວກັບການຮ່ວມມືໂດຍທ່ານນາຍົກລັດຖະມົນຕີຫງວຽນເຕິນຢຸງ ສະເໜີອອກ, ໃນນັ້ນມີເລື່ອງ: ສະໜອງປ້ວງເງິນ 300 ຕື້ເຢັນທຶນ ODA (ປະມານ 3 ຕື້ USD) ໃຫ້ແກ່ການຄັງປີ 2015, ສູງກວ່າບັນດາປີກ່ອນ; ເປັນເອກະສັນຈະສະໜອງທຶນ ODA ໃຫ້ແກ່ໂຄງການກໍ່ສ້າງໂຮງໝໍມິດຕະພາບ ຫວຽດ-ຍີ່ປຸ່ນ; ຕົກລົງຮ່ວມມືຄົ້ນຄວ້າກໍ່ສ້າງເສັ້ນທາງລົດໄຟດ່ວນຕອນໜຶ່ງເທິງສາຍທາງລົດໄຟເໜືອ-ໃຕ້; ສືບຕໍ່ໜູນຊ່ວຍຍຸດທະສາດຫັນເປັນອຸດສາຫະກຳຂອງຫວຽດນາມ; ລົງນາມໃນວິໄສທັດກາງ ແລະ ຍາວໃນການຮ່ວມມື້ດ້ານກະສິກຳລະຫວ່າງສອງປະເທດໂດຍໄວ... ພິເສດ, ສອງທ່ານ ຜູ້ນຳໄດ້ເປັນເອກະສັນໃນຖະແຫຼງການວ່າດ້ວຍການສິ້ນສຸດການເຈລະຈາສອງຝ່າຍໃນຂອບເຂດສັນຍາຄູ່ຮ່ວມມືຂ້າມມະຫາສະໝຸດປາຊີຟິກ (TPP) ແລະ ຈະພະຍາຍາມພ້ອມກັບບັນດາສະມາຊິກ ຕ່າງໆ ສິ້ນສຸດການເຈລະຈາ ແລະ ເສັນສັນຍາ TPP ໃນເວລາ ຈະມາເຖິງ.

ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະເຈລະຈາສອງຝ່າຍ
ກັບທ່ານນາຍົກລັດຖະມົນຕີ ຍີ່ປຸ່ນ Shinzo Abe. ພາບ: ດຶກຕ໋າມ/VNA


ສອງທ່ານຜູ້ນຳໄດ້ເປັນສັກຂີພິຍານໃນພິທີລົງນາມບັນດາເອກະສານ
ຮ່ວມມືລະຫວ່າງສອງປະເທດ. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ມາເຂົ້າຮ່ວມ ແລະ ກ່າວປາໄສ
ໃນການພົບປະສົນທະນາເສດຖະກິດ ຫວຽດນາມ-ຍີ່ປຸ່ນ. ພາບ: ດຶກຕ໋າມ/
VNA


ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະກັບປະທານ
ພັນທະມິດສະມາຊິກສະພາແຫ່ງຊາດມິດຕະພາບ ຍີ່ປຸ່ນ-ຫວຽດນາມ. ພາບ: ດຶກຕ໋າມ/VNA

ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະກັບທ່ານປະທານ
ສະພາບໍລິຫານກຸ່ມບໍລິສັດການເງິນ
Mitsui Sumitomo (MSBC) Masayuki Oku. ພາບ: ດຶກຕ໋າມ/VNA

ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ