03/07/2015 00:01 GMT+7 Email Print Like 0

ຊີເກມ 28
ຜົນງານດີເດັ່ນຂອງ ຫວຽດນາມ ຢູ່ ຊີເກມ 28

ທີ່ ຊີເກມ ຄັ້ງທີ 28 ໄຂຂຶ້ນຢູ່ປະເທດ ສິງກະໂປ, ຄະນະ ນັກກິລາ ຫວຽດນາມ ຍາດໄດ້ຜົນງານດີເດັ່ນໃນການ ແຂ່ງຂັນຢູ່ຫຼາຍປະເພດກິລາ, ເປັນຕົ້ນແມ່ນບັນດາປະເພດກິລາ ໂອແລມປີກ ຄື: ລອຍນ້ຳ, ແລ່ນ, ກາຍະກຳ ແລະ ອື່ນໆ.

ລວມທັງໝົດ, ຄະນະນັກກິລາ ຫວຽດນາມ ຍາດໄດ້ 73 ຫຼຽນຄຳ, 53 ຫຼຽນເງິນ ແລະ 60 ຫຼຽນທອງ, ເປັນອັນດັບ ສາມໃນຕາຕະນາງຫຼຽນທີ່ຍາດໄດ້, ອັນດັບໜຶ່ງແມ່ນ ປະເທດ ໄທ ແລະ ອັນດັບສອງແມ່ນປະເທດເຈົ້າພາບ ສິງກະໂປ.
 
ໃນຈຳນວນ 73 ຫຼຽນຄຳຂອງຄະນະນັກກິລາ ຫວຽດນາມ, ນັກລອຍນ້ຳ ຫງວຽນທິແອງວຽນ ຍາດໄດ້ 8 ຫຼຽນຄຳ, 1 ຫຼຽນເງິນ ແລະ 1 ຫຼຽນທອງ, ທຳລາຍສະຖິຕິຂອງ ຊີເກມ 8 ປະເພດ. ລາວເປັນນັກກິລາຍາດໄດ້ຫຼາຍຫຼຽນທີ່ສຸດໃຫ້ຄະນະນັກກິລາ ຫວຽດນາມ ແລະ ກໍ່ເປັນນັກກິລາຍາດໄດ້ຫຼຽນຄຳ ຫຼາຍທີສອງຂອງ ຊີເກມ, ໜ້ອຍກວ່ານັກກິລາ Joseph Schooling ຂອງ ສິງກະໂປໜຶ່ງຫຼຽນເທົ່ານັ້ນ. 

ນັກລອຍນ້ຳ ຫງວຽນທິແອງວຽນຍາດໄດ້ຫຼຽນຄຳ
ໃນປະເພດກິລາລອຍແບບແມງກະເບື້ອໄລຍະທາງ 200 ແມັດສຳລັບຍິງ. ພາບ: ກວັກແຄງ/VNA


ນັກກິລາ ໂດ໋ທິຖາວ ດີໃຈທີ່ໄດ້ຮັບຫຼຽນຄຳ ໃນປະເພດ
ກິລາ ແລ່ນໄລຍະທາງ 1.500 ແມັດສຳລັບຍິງ. ພາບ: ກວັກແຄງ/VNA


ນັກກິລາ ຫງວຽນວັນລາຍ (ໝາຍເລກເສື້ອ 325) ຍາດໄດ້ ຫຼຽນຄຳໃນປະເພດກິລາແລ່ນ
ໄລຍະທາງ 5.000 ແມັດ ສຳລັບຊາຍ. ພາບ: ກວັກແຄງ/VNA


ນັກກິລາ ຟານທິຮ່າແທງ ຍາດໄດ້ຫຼຽນຄຳໃນປະເພດກິລາ
ກາຍະກຳສຳລັບຍິງ. ພາບ: ກວັກແຄງ/VNA


ນັກກິລາ ເຈີ່ນທິແລນ (ເບື້ອງຂວາ) ຍາດໄດ້ຫຼຽນຄຳໃນ
ປະເພດກິລາຟັນດາບສາມຫຼ່ຽມ ສຳລັບຍິງ. ພາບ: ກວັກແຄງ/VNA


ຄວາມດີໃຈຂອງກອງເຊຍ ຫວຽດນາມ ຢູ່ ຊີເກມ 28. ພາບ: ກວັກແຄງ/VNA
 
ນອກຈາກ ແອງວຽນ, ດິງເຟືອງແທ່ງ ກໍ່ຍາດໄດ້ ຜົນງານ ດີເດັ່ນໃນການແຂ່ງຂັນຢູ່ວິຊາກາຍະກຳ ເມື່ອຍາດໄດ້ ທັງໝົດ 4 ຫຼຽນຄຳໃນປະເພດຄານດ່ຽວ, ຄານຄູ່, ທິມ ແລະ ສະແດງຄວາມສາມາດຮອບດ້ານ.
 
ນັກກິລາ ຟານທິຮ່າແທງ ສືບຕໍ່ສະແດງຄວາມສາມາດຂອງຕົນເມື່ອຍາດໄດ້ 3 ຫຼຽນຄຳໃນວິຊາກາຍະກຳ ຢູ່ປະເພດສະແດງຄວາມສາມາດຮອບດ້ານສຳລັບຍິງ, ຂົວຕີລັງກາ, ໂດດຄ້ຳມື ແລະ ໜຶ່ງຫຼຽນທອງປະເພດ ສະແດງກາຍະກຳ. ລວມທັງໝົດ, ທິມກາຍະກຳຍາດໄດ້ 9 ຫຼຽນຄຳມາໃຫ້ແກ່ຄະນະກິລາຫວຽດນາມ.
 
ວິຊາຟັນດາບ ແລະ Rowing ບັງເອີນກາຍເປັນຄວາມ ເອກອ້າງທະນົງໃຈຂອງຄະນະກິລາ ຫວຽດນາມ ເມື່ອບັນດານັກກິລາຍາດມາໄດ້ 8 ຫຼຽນຄຳຢູ່ທຸກໆ ປະເພດ, ສະແດງ ໃຫ້ເຫັນການພັດທະນາ ຢ່າງກະໂດດ ຂັ້ນຖ້າທຽບກັບ ຊີເກມ ຫຼາຍຄັ້ງກ່ອນ.
 
ວິຊາແລ່ນ ແລະ ລານສືບຕໍ່ແມ່ນທ່າແຮງຂອງ ຫວຽດນາມດ້ວຍ 11 ຫຼຽນຄຳ, 15 ຫຼຽນເງິນ ແລະ 8 ຫຼຽນທອງ, ທຳລາຍ 7 ສະຖິຕິຂອງ ຊີເກມ. ຢູ່ວິຊາມວນທຸກປະເພດ, Judo ຍາດໄດ້ 2 ຫຼຽນຄຳ, Pencak Silat ຍາດໄດ້ 3 ຫຼຽນຄຳ.
 
ໃນນັ້ນ, Taekwondo ສືບຕໍ່ເປັນ “ຄວາມສາມາດ ຈຳເພາະ” ຂອງ ຫວຽດນາມ ດ້ວຍ 5 ຫຼຽນຄຳ, ຫຼາຍກວ່າໝູ່ໃນປະເພດກິລາມວຍ.
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ