26/09/2018 17:01 GMT+7 Email Print Like 0

ຜູ້ຮັກສາອາຊີບເຮັດໂຄມໄຟ ໄຫວ້ພະຈັນ ຢູ່ພາກໃຕ້

ໃກ້ຈະເຖິງບຸນໄຫວ້ພະຈັນ, ຄອບຄົວລຸງ ຫງວຽນຈ້ອງແທ່ງ ຢູ່ບ້ານ ຝູ໋ບິ່ງ, ເມືອງ 11 ນະຄອນ ໂຮ່ຈີມິນ ພວມພະຍາຍາມເຮັດໃຫ້ສຳເລັດໂຄມໄຟຫຼາຍໜ່ວຍເພື່ອສົ່ງໃຫ້ລູກຄ້າ. ໄດ້ສືບທອດອາຊີບຂອງພໍ່, ເຖິງປະຈຸບັນ ລຸງ ຫງວຽນຈ້ອງແທ່ງ ໄດ້ທຳ ອາຊີບດັ່ງກ່າວ ມາເປັນເວລາກວ່າ 50 ປີ.
“ຕັ້ງແຕ່ຕອນພໍ່ຂ້ອຍຍັງໜຸ່ມ, ແຕ່ ນາມດິ້ງ ມານີ້ ທຳມາຫາກິນ ດ້ວຍອາຊີບເຮັດໂຄມໄຟ ແລ້ວຖ່ອຍທອດຄືນໃຫ້ລູກຫຼານ” - ລຸງ ແທ່ງ ເລົ່າສູ່ໃຫ້ພວກຂ້າພະເຈົ້າຟັງກ່ຽວກັບ “ຕົ້ນກຳເນີດ” ຂອງອາຊີບທີ່ເພ່ິ່ນໄດ້ທຳໃນຕະຫຼອດເວລາກວ່າ 50 ປີຜ່ານມາ. ບ້ານ ຝູ໋ບິ່ງ ມີຫຼາຍຄອບຄົວທຳອາຊີບເຮັດໂຄມໄຟ, ແຕ່ເຮັດ ໄດ້ໂຄມໄຟຂະໜາດໃຫຍ່, ມີຈຸດພິເສດສະເພາະ ແມ່ນມີແຕ່ ຄອບຄົວລຸງ ແທ່ງ ເຮັດໄດ້ເທົ່ານັ້ນ. ເຖິງບຸນໄຫວ້ພະຈັນ, ຄອບຄົວເພ່ິນໄດ້ຈຳໜ່າຍອອກໂຄມໄຟຫຼາຍພັນໜ່ວຍ ດ້ວຍຂະໜາດ ແລະ ຮູບຊົງແຕກຕ່າງກັນ.

ລຸງ ແທ່ງ ໃຫ້ຮູ້ວ່າ ການເຮັດໂຄມໄຟທັງສັບສົນ ທັງງ່າຍດາຍ. ຜູ້ເຮັດພຽງແຕ່ກຳໃຫ້ໄດ້ 4 ຂັ້ນຕອນພື້ນຖານແມ່ນ: ຜ່າໄມ້ໄຜ່, ສ້າງຂອບໂຄງໄຟ, ຕິດເຈ້ຍ ແລະ ແຕ້ມລວດລາຍປະດັບປະດາແມ່ນສາມາດເຮັດໄດ້ໂຄມໄຟໜ່ວຍໜຶ່ງຕາມໃຈມັກ. 


ລຸງ ຫງວຽນຈ້ອງແທ່ງ ມີປະສົບການໃນອາຊີບເຮັດໂຄມໄຟມາເປັນເວລາກວ່າ 50 ປີ.


ເພື່ອເຮັດໄດ້ສຳເລັດໂຄມໄຟໜ່ວຍໜຶ່ງ ເຮົາຕ້ອງຜ່ານຫຼາຍ ຂັ້ນຕອນ.


ໄມ້ໄຜ່ ເປັນວັດຖຸຕົ້ນຕໍ ໃນການເຮັດໂຄມໄຟ. ທ່ອນໄມ້ໄຜ່ ຕ້ອງອ່ອນ ຈຶ່ງສ້າງໄດ້ຂອບໂຄມໄຟທີ່ມີຮູບຊົງສວຍງາມ. 


ຄອບຄົວເພິ່ນ ຈະເຮັດໂຄມໄຟຂະໜາດໃຫຍ່ ເພື່ອຮັບໃຊ້ໃຫ້ບັນດາງານບຸນ.


ຟອຍແຕ້ມຫຼາຍໜ່ວຍ ມີຄວາມສະໜິດຕິດພັນກັບອາຊີບ
ເຮັດໂຄມໄຟຂອງຄອບຄົວລຸງ ຫງວຽນຈ້ອງແທງ.



ນຳ້ສີ ໄດ້ນຳໃຊ້ເພື່ອປະດັບປະດາໃຫ້ໂຄມໄຟ.


ຂັ້ນຕອນການຕິດເຈ້ຍເຫຼື້ອມແກ້ວ.


 
ໃນບັນດາຂັ້ນຕອນການເຮັດໂຄມໄຟ, ຂັ້ນຕອນແຕ້ມຮູບໃສ່
ເຈ້ຍເຫຼື້ອມແກ້ວ ແມ່ນຍາກກວ່າໝູ່. 



ຂັ້ນຕອນແຕ້ມລວດລາຍປະດັບປະດາ ຮຽກຮ້ອງການໃຊ້ເວລາ
ແລະ ຄວາມຄ່ອງແຄ້ວ, ລະອຽດລະອໍຂອງນາຍຊ່າງ.



ບັນດາລາຍແຕ້ມທີ່ລະອຽດ ຈະເຮັດໃຫ້ໂຄມໄຟ ໄດ້ມີຊີວິດຊີວາກວ່າ. 


ໂຄມໄຟມູນເຊື້ອທີ່ມີຮູບສັດ ໄດ້ຮັບການນິຍົມຊົມຊື້ຫຼາຍກວ່າ ໃນໄລຍະບຸນໄຫວ້ພະຈັນ.

ລຸງ ແທ່ງ ໃຫ້ຮູ້ວ່າ ຊຸມປີມໍ່ໆ ມານີ້, ເຖິງບຸນໄຫວ້ພະຈັນ, ໄດ້ມີລູກຄ້າມາສັ່ງຊື້ໂຄມໄຟຫຼາຍກວ່າເກົ່າ. ໂຄມໄຟມູນເຊື້ອທີ່ມີຮູບສັດ ໄດ້ຮັບການນິຍົມຊົມຊື້ຫຼາຍກວ່າ ຍ້ອນມັນມີຫຼາຍຮູບແບບ ແລະ ງາມກວ່າ ເມື່ອທຽບກັບໂຄມໄຟ ເອເນັກໂຕນິກ. ໂຄມໄຟໜ່ວຍໜຶ່ງຂະໜາດນ້ອຍຈະມີລາຄາປະມານ 20.000 ດົ່ງ (1 USD), ສຳລັບໂຄມໄຟທີ່ມີຂະໜາດໃຫຍ່ ຈະມີລາຄາປະມານ 200.000 ດົ່ງ/ໜ່ວຍ.

ຄອບຄົວລຸງ ແທ່ງ ເຮັດໂຄມໄຟ ບໍ່ພຽງແຕ່ຮັບໃຊ້ໃຫ້ແກ່ ບຸນໄຫວ້ພະຈັນເທ່ົານັ້ນ, ຫາກຍັງຮັບໃຊ້ໃຫ້ງານບຸນຕ່າງໆອີກດ້ວຍ. ລຸງ ແທ່ງ ໃຫ້ຮູ້ວ່າ: “ທຳມະດາກໍ່ມີຫຼາຍຄົນມາສັ່ງຊື້, ເປັນຕົ້ນແມ່ນໃນໄລຍະງານບຸນ, ພວກຂ້າພະເຈົ້າຈະເຮັດ ໂຄມໄຟຕາມສັ່ງ. ເພື່ອຮັບໃຊ້ໃຫ້ບຸນໄຫວ້ພະຈັນ, ພວກຂ້າພະເຈົ້າຕ້ອງກະກຽມວັດຖຸດິບ ກ່ອນໜ້ານັ້ນ 2 ເດືອນ. ໂຄມໄຟ ໄຫວ້ພະຈັນ ໄດ້ຂາຍແຕ່ເດືອນ 6-8 ຕາມ ຈັນທະປະຕິທິນ, ຂາຍໄດ້ດີກວ່າໝູ່ແມ່ນເດືອນ 7”.
 
ໂຄມໄຟ ໜ່ວຍໃຫຍ່ທີສຸດ ທີ່ຄອບຄົວລຸງ ແທ່ງ ເຄີຍໄດ້ເຮັດ ມີຂະໜາດໃຫຍ່ກວ່າ 3 ແມັດ ແລະ ເຮັດສຳເລັດໃນ 3 ວັນ.

ແຕ່ກ່ອນ, ຈຳນວນ ໂຄມໄຟ ທີ່ເຮັດມາຍັງມີໜ້ອຍ, ສ່ວນຫຼາຍ ແມ່ນໄປຂາຍຍ່ອຍ.  ປະຈຸບັນ, ໂຄມໄຟເຮັດມາຫຼາຍສຳ່ໃດ ຈະມີພໍ່ຄ້າຊາວຂາຍມາເກັບຊື້ໝົດສຳ່ນັ້ນ. ໂຮງງານຜະລິດໂຄມໄຟຂອງຄອບຄົວລຸງ ແທ່ງ ບໍ່ພຽງແຕ່ຮັບໃຊ້ໃຫ້ຕະຫຼາດ ນະຄອນ ໂຮ່ຈີມິນ ເທົ່ານັ້ນ, ຫາກຍັງໄດ້ຈຳໜ່າຍອອກສູ່ຫຼາຍແຂວງແຕ່າງໆ ໃນທົ່ວປະເທດອີກດ້ວຍ. ຄອບຄົວລຸງ ແທ່ງ ກໍ່ຈຳໜ່າຍໂຄມໄຟ ອອກສູ່ຕ່າງປະເທດ ເພື່ອຮັບໃຊ້ໃຫ້ແກ່ ປະຊາຊົນຊາວ ຫວຽດນາມ ທີ່ພວມອາໄສຢູ່ຕ່າງປະເທດ ໃນໄລຍະບຸນໄຫວ້ພະຈັນ.

ໂຄມໄຟຈຳນວນໜຶ່ງ ໂດຍຄອບຄົວລຸງ ຫງວຽນຈ້ອງແທ່ງ ເປັນຜູ້ເຮັດ:

















 
ປະຕິບັດ: ທົງຫາຍ
ບັນດາບົດທີ່ຖືກນຳສະເໜີ