28/05/2015 00:01 GMT+7 Email Print Like 0

ປູກຕົ້ນມັກກາ ຢູ່ ຫວຽດນາມ

ດ້ວຍຄຸນຄ່າທາງດ້ານເສດຖະກິດ ແລະ ທາດບຳລຸງສູງ, ປະຈຸບັນ, ຕົ້ນມັກກາ (Macadamia) ພວມເປັນພືດຊະນິດໜຶ່ງ ທີ່ດຶງດູດຄວາມສົນໃຈ ແລະ ມີຄວາມປາດຖະໜາເປັນຕົ້ນໄມ້ທີ່ຊ່ວຍເຫຼືອຊາວກະສິກອນບັນດາແຂວງເຂດຕາເວັນຕົກສ່ຽງເໜືອ ແລະ ເຂດພູພຽງທິດຕາເວັນຕົກ ຫວຽດນາມ ຫຼຸດພົ້ນອອກຈາກຄວາມທຸກຍາກໄດ້. 
ໂດຍໄດ້​ຮັບ​ການ​ຄົ້ນຄວ້າ ​ແລະ ປູກ​ທົດ​ລອງ​ຢູ່​ເຂດ ຕາ​ເວັນ​ຕົກ​ສ່ຽງ​​ເໜືອ ​ແລະ ​​​ເຂດ​ພູ​ພຽງທິດ​ຕາ​ເວັນ​ຕົກ ມາ​ເປັນ​ເວລາ​ 10 ກວ່າປີ, ​ຕົ້ນມັກ​ກາ (Macadamia) ​ເປັນ​ຕົ້ນ​ໄມ້​ຊະນິດ​ໜຶ່ງ​ມີ​ຄຸນຄ່າ​ດ້ານ​ເສດຖະກິດ​ສູງ ເພາະ​ວ່າ​ຕົ້ນ​ມັກ​ກາ​ເໝາະ​ກັບ​ດິນ​ຟ້າ​ອາກາດ​ຢູ່​ຂົງ​ເຂດ​ດັ່ງກ່າວ. ​ໄດ້​ຮັບ​ນາມມະຍົດ​​ວ່າ​ເປັນ “​ລາ​ຊິນີ ຂອງ​ໝາກ​ໄມ້​ແຫ້ງ”, ​ຫມາກ​ມັກ​ກາ​ໄດ້​ຮັບ​ການ​ຕີ​ລາຄາ​ສູງ ດ້ານຄຸນ​ຄ່າ​ທາດບຳລຸງ​ ກໍ່​ຄື​ລົດ​ຊາດ​ພິ​ເສດ​ສະ​ເພາະ​ຕົວ​ມັນ​ເອງ. ​​ໃນຫມາກ​ມັກ​ກາ​ມີ​ຮູບ​ມົນ​ຄື​ແກ່ນ​ໝາກ​ລຳ​​ໄຍ, ທາງ​ໃນ​​ເປັນ​ສີ​ນ້ຳນົມ ​ແລະ ​ເຫຼື້ອມ​​ເປັນ​ເງົາ, ​​ມີເສັ້ນ​ຜ່າ​​ກາງ​ 2-3 ຊັງ​ຕີ​ແມັດ, ​ຫມາກ​ມັກ​ກາ​ມີ​ກິ່ນ​ຫອມ​ອ່ອນ​ຄື​ນ້ຳມັນ​ເບີ. ​ປະຈຸ​ບັນ, ຜະລິດ​ຕະພັນ​ຈາກ​ໝາກມັກ​ກາ​ຢູ່ ຫວຽດນາມ ມີ​ປະມານ 32 ຊະນິດ, ລວມ ມີ​​​ທັງ​​ຫມາກມັກ​ກາ​ຈາກ​ທຳ​ມະ​ຊາດ ຫຼື ​​​ຫມາກມັກ​ກາເອືອບ​ເຄື່ອງ​ເທບ,  ​ຫມາກ​ມັກ​ກາ​ຂົ້ວ ​ແລະ ມີ​ຫຼາຍ​ລົດ​ຊາດ​ພິ​ເສດ​ຄື: ລົດ​ເຄັມ, ​ກິ່ນມູຕາດ (Mutarde), ​ກິ່ນນ້ຳ​ເຜິ້ງ, ​​ກິ່ນຜັກ​ອີ່​ຕູ່, ລົດເຜັດ, ​ກິ່ນຜັກທຽ​ມ, ກາ​ເຟ, ​ຊອັກ​ໂກ​ເລັດ​ດຳ ​ແລະ ຂາວ, ​ກິ່ນ​ຫອມ​ເປືອ​ກແຄ່ ​ແລະ ອື່ນໆ.
ເບັ້ຍຕົ້ນ​ມັກ​ກາ​. ພາບ: ​ເຕິ​ດ​ເຊີນ/VNP

ສວນ​ກ້າ​ເບ້ຍ​ມັກ​ກາ ທີ່​ແຂວງ ດຽນບຽນ. ພາບ: ​ເອກະສານ

ຕົ້ນ​ມັກ​ກາ​ຢູ່ ດຽນບຽນ ມີປະ​ສິດ​ທິ​ຜົນ​ສູງ​ທາງ​ດ້ານ​ປະ​ລິ​ມານ. ພາບ: ​ເອກະສານ

ໝາກ​ຕົ້ນມັກ​ກາ​ທີ່​ໄດ້​ປູກ​ຢູ່​ເຂດ​ຕາ​ເວັນ​ຕົກ​ສ່ຽງ​ເໜືອ ຫວຽດນາມ. ພາບ: ​ເຕິ​ດ​ເຊີນ/VNP

ໝາກມັກ​ກາ​ສຳ​ເລັດ​ຮູບ​ທີ່ ​ເກັບ​ກ່ຽວ​ໄດ້​ຢູ່ຫວຽດນາມ. ພາບ: ​ເຕິ​ດ​ເຊີນ/VNP

ຕາມ​ດຳລັດເລກ​ທີ່ 210/2013
/NĐ-CP ກຳນົດ​ວ່າ: ບັນດາ​ໂຄງການ​ປູກ​ຕົ້ນ​ມັກ​ກາ​ທີ່​ມີ​ຂະໜາດ​ແຕ່ 50 ​ເຮັກຕາ​ຂຶ້ນ​ໄປ ​​ໄດ້ລັດຖະບານມີ​ນະ​ໂຍ​ບາຍ​ຊ່ວຍ​​ເຫຼືອ 15 ລ້ານ​ດົ່ງ​ຕໍ່​​ເຮັດຕາ; ຊ່ວຍ​ເຫຼືອໃນ​ການ​ກໍ່ສ້າງ​ພື້ນ​ຖານ​ກ້າ​ເບ້ຍຕົ້ນມັກ​ກາ​ໃນ​ຂະ​ໜາດ 500.000 ຕົ້ນ​ຕໍ່​ປີ​ຂຶ້ນ​ໄປ ຈະ​ໄດ້​ຮັບ​ການ​ຊ່ວຍ​ເຫຼືອ​ດ້ານ​ທຶນ​ຮອນ​ສູງ​ສຸດ​ແມ່ນ 70% ​ຂອງ​ມູນ​ຄ່າ​ການ​ລົງ​ທຶນ.

ແຕ່​ປີ 2002, ສູນຄົ້ນຄວ້າ​ແນວ​​ພັນ​ໄມ້​ປ່າ (ຂຶ້ນ​ກັບ​ສະ​ຖາ​ບັນ​ວິທະຍາສາດການປ່າ​ໄມ້ ຫວຽດນາມ) ​ແລະ ອົງການ​ຕ່າງໆ ຈຳນວນ​ໜຶ່ງ​ ໄດ້​ມີ​ການ​ຄົ້ນຄວ້າ ​ແລະ ທົດ​ລອງປູກ​ຕົ້ນມັກ​ກາ ຢູ່ ​​ເຂດຕາ​ເວັນ​ຕົກ​ສ່ຽງ​ເໜືອ, ​​ເຂດ​ຕາ​ເວັນ​ຕົກ​ເຂດ​ພູ​ພຽງ ​​ແລະ ບັນດາ​ແຂວງ​ພາກ​ກາງ, ​ໃນ​ເບື້ອງ​ຕົ້ນ​ແມ່ນ​ເອົາແນວ​​ພັນນຳ​ເຂົ້າ​ມາ​ຈາກ ຈີນ, ຫຼັງ​ຈາກ​ນັ້ນ​ແມ່ນ​ນຳ​ເຂົ້າ​ມາ​ຈາກ ​ໄທ ​ແລະ ອົສຕາ​ລີ. ພາຍຫຼັງການ​ຄົ້ນຄວ້າ ​ແລະ ປູກ​ທົດ​ລອງ​ຕົ້ນ​ມັກ​ກາ ມາ​ເປັນ​ເວລາ​ 10 ກວ່າປີ ຢູ່ 16 ​ແຂວງ ໂດຍ​ມີ 20 ຕົວ​ແບບ​ທົດ​ລອງ , ມີ​​​​ເນື້ອ​ທີ່​ປູກ​ທັງ​ໝົດ 35 ​ເຮັກ​ຕາ, ​ມີຕົ້ນ​ມັກ​ກາ​ຫຼາຍກ​ວ່າ 10 ຊະນິດ​ທີ່​ເໝາະ​ສົມ​ກັບ​ດິນ​ຟ້າ​ອາກາດ​ຢູ່​ເຂດ​​ຕາ​ເວັນ​ຕົກ​ເຂດ​ພູ​ພຽງ ​ແລະ ​ເຂດ​ຕາ​ເວັນ​ຕົກ​ສ່ຽງ​​ເໜືອ. ປະຈຸ​ບັນ, ​ໄດ້​ມີວິ​ສາ​ຫະກິດ​ຈຳ​ນວນ​ໜຶ່ງມີ​ການ​ລົງທຶນ​​ປູກ, ປຸງ​ແຕ່ງ, ຄ້າຂາຍ​​ຜະລິດ​ຕະພັນ​ມັກ​ກາ ​ແລະ ​ໄດ້​ຮັບ​ການຈຳໜ່າຍ​ເປັນ​ຢ່າງ​ດີ​ຕາມທ້ອງຕະຫຼາດ. ໃນຕົວ​ຈິງ, ທະນາຄານ CMTP ລຽນ-ຫວຽດ (ທະ​ນາຄາ​ນການ​ຄ້າ​ຫຸ້ນ​ສ່ວນ​ໄປ​ສະນີ ລຽນ-ຫວຽດ) ກຳ​ລັງ​ປະຕິບັດ​​​ໂຄງການໃຫ້​ຊາວ​ກະສິກ​ອນ​ກູ້​ຢືມ​ເງິນ 10.000 ຕື້​ດົ່ງ​ເພື່ອ​ປູກ​ຕົ້ນ​ໄມ້​ຊະນິດດັ່​ງກ່າວ. ບໍລິສັດ​ຫຸ້ນ​ສ່ວນ Vinamacca ກໍ່​​ມີ​ສ່ວນ​ຮ່ວມໃນ​ການ​ຈັດ​ຝຶກ​ອົບຮົມ, ​ແນະ​ນຳ​ເຕັກນິກ​ການ​ປູກ ​ແລະ ​ການບົວລະບັດ​ຮັກ​ສາ​ຕົ້ນມັກ​ກາ, ສ້າງ​ສວນ​ກ້າ​ເ​ບັ້ຍ​​ຂະໜາດ​ໃຫຍ່  3 ແຫ່ງ​ຄື: ທີ່​ເມືອງ ອຽນ​ຖຸຍ (ຮວ່າ​ບິນ), ​ເມືອງ ​ເກີ​ຣົງ ນັງ ​ແລະ ບໍລິສັດ​ກາ​ເຟ 715B ​​ແອັມເດີຣາກ (​ແຂວງ ດັກ​ລັກ). ນອກຈາກ​ນັ້ນ, ບໍລິສັດ​ຫຸ້ນ​ສ່ວນ Vinamacca ​ແຂວງ ດຽນບຽນກໍ່​ໄດ້​ຈັດ​ຕັ້ງ​ຜັນ​ຂະຫຍາຍ​ໂຄງການປູກປ່າສົມ ທົບ​ກັບ​ການ​ປູກ​ຕົ້ນ​ມັກ​ກາ ​ຈຳ​ນວນ​ 3.400 ​ເຮັກ​ຕາ​​ຂຶ້ນທີ່​ເ​ມື​ອງ ຕວ່ນຢາ​ວ, ​ແຂວງ ດຽນບຽນ.


ໝາກມັກ​ກາໄດ້​ຮັບ​ນາມມະຍົດ​ທີ່​ເປັນ “ລາ​ຊິນີຂອງ​ໝາກ​ໄມ້​ແຫ້ງ” ຍ້ອນ​ຄຸນ​ຄ່າທາດບຳລຸງ​ສູງ ​ແລະ ນຳ​ລາຍ​ໄດ້ໃຫ້​ແກ່​ຜູ້​ປູກຝັງ​ສູງ.  ພາບ: ​ເຕິ​ດ​ເຊີນ/VNP

ຜະລິດ​ຕະພັນ​ມັກ​ກາ​ຕ່າງໆທີ່ໄດ້​​ປຸງ​ແຕ່ງ ​ແລະ ຫຸ້ມ​ຫໍ່​ຢູ່ ຫວຽດ​ນາມ. ພາບ: ​ເຕິ​ດ​ເຊີນ/VNP

ຜະລິດ​ຕະພັນຄຣິມບຳລຸງ​ຜິວ​ທີ່ປຸງ​ແຕ່ງຈາກ​ໝາກມັກ​ກາ. ພາບ: ​ເຕິ​ດ​ເຊີນ/VNP

ຜະລິດ​ຕະພັນ​ທີ່ປຸງ​ແຕ່ງຈາກ​ໝາກມັກ​ກາ. ພາບ: ​ເອກະສານ

ຮູບ​ຮ່າງຫມາກມັກ​ສາ​ສຳ​ເລັດ​ຮູບ​ໄດ້​ວາງ​ສະ​ແດງ​ ໃນງານ​ມະ​ໂຫລານ Macadamia 2015
ທີ່​ຈັດ​ຂຶ້ນ​ຢູ່​ນະ​ຄອນ​ຫຼວງ ຮ່າ​ໂນ້ຍ. ພາບ: ​ເຕິ​ດ​ເຊີນ/VNP

ລູກ​ຄ້າທົດ​ລອງ​ໃຊ້ຄຣິມບຳລຸງ​ຜິວ​ທີ່​ປຸງ​ແຕ່ງຈາກ​ໝາກມັກ​ກາ. ພາບ: ​ເຕິ​ດ​ເຊີນ/VNP

ລູກ​ຄ້າ​​ໄດ້​ຢ້ຽມຊົມ​ໝາກ​ມັກ​ກາ​​ໃນງານ​ມະ​ໂຫລານ Macadamia 2015
ທີ່​ຈັດ​ຂຶ້ນ​ຢູ່​ນະ​ຄອນ​ຫຼວງ ຮ່າ​ໂນ້ຍ. ພາບ: ​ເຕິ​ດ​ເຊີນ/VNP

ປະຈຸ​ບັນ, ຕະຫຼາດໝາກມັກ​ກາ​ຢູ່ ຫວຽດນາມ ​ເລີ່​ມຟົດ​ຟື້ນ​ຂຶ້ນ​ດ້ວຍ​ການ​ມີ​ສ່ວນ​ຮ່ວມ​ຂອງ​ບັນດາ​ນັກວິທະຍາສາດ, ວິ​ສາ​ຫະກິດ​ປູກ, ​ປຸງ​ແຕ່ງ ​ແລະ ນຳ​ເຂົ້າ-​ສົ່ງ​ອອກ ​ໄປພ້ອມ​ໆກັບ​ຊາວ​ກະສິກອນ​​ໃນຂົງ​ເຂດ​​ດັ່ງ​ກ່າວ​ເປັນ​ຜູ້ປູກ​ຕົ້ນ​ໄມ້ຊະນິດ​ນີ້. ​ທີ່​ຮ່າ​ໂນ້ຍ, “ງານ​ມະ​ໂຫລານ Macadamia 2015” ຫາກໍ່​ໄດ້​ຈັດ​ຕັ້ງ​ຂຶ້ນກໍ່​ໄດ້​ນຳ​ສະ​ເໜີເຖິງ​​ປະ​ຊາ​ຄົມຜູ້​ບໍລິ​​ໂພ​ກ​ຜະລິດ​ຕະພັນ​ປຸງ​ແຕ່ງ​ຈາກຫມາກ​ມັກ​ກາ ​ແລະ ​ໂອກາດ​ລົງທຶນ​ຕ່າງໆກ່ຽວ​ກັບ​ຕົ້ນ​ໄມ້​ຊະນິດ​ນີ້. ການ​ນຳ​ຈາກ​ບັນດາ​ກະຊວງ, ຂະ​ແໜງ​ການ​ສູນ​ກາງ, ທ້ອງ​ຖິ່ນ​ຫຼາຍ​ຄົນ ​ແລະ ບັນດາ​ນັກ​ວິທະ​ຍາ​ສາດ, ວິ​ສາ​ຫະກິດ, ນັກ​ລົງທຶນໄດ້​ພົບ​ປະ​ກັນ​ໃນ​ເວທີ​ປາ​ໄສ ​ເພື່ອ​ຄົ້ນ​ຄວ້າພິ ຈາລະນາ, ຊອກ​ຫາ​ມາດ​ຕາ​ການ, ທິດ​ທາງ​ພັດທະນາ​​ການ​ປູກ​ຕົ້ນມັກ​ກາ​ຢ່າງ​​ຮອບດ້ານ.
ບົດ: ບິ​ກ​ເວີນ - ພາບ: ​ເຕິດ​ເ​ຊີ​ນ, ​ເອກະສານ​ຂອງ IDT

ບັນດາບົດທີ່ຖືກນຳສະເໜີ