24/01/2016 22:06 GMT+7 Email Print Like 0

ປີ 2016: ປີແຫ່ງການຍາດແຍ່ງແຂ່ງຂັນ ແລະ ທ້າທາຍ

ເສດຖະກິດປີ 2015 ຜ່ານມາມີສິ່ງທ້າທາຍ ຫຼາຍຢ່າງ ແຕ່ກໍ່ ບັນລຸໄດ້ ຜົນສຳເລັດຈຳນວນໜຶ່ງທີ່ໜ້າຈົດຈຳ. ພ້ອມທັງເປັນ ຂີດໝາຍບາດກ້າວທີ່ສຳຄັນ ໃນການຕັ້ງໜ້າເຂົ້າຮ່ວມເຊັນສັນ ຍາການຄ້າເສລີສະບັບຕ່າງໆ. ປີ 2016, ຫວຽດນາມ ຈະກ້າວ ເຂົ້າສູ່ການເຊື່ອມໂຍງຢູ່ໃນລະດັບທີ່ເລິກເຊິ່ງກວ້າງຂວາງ ກວ່າເກົ່າ. ແລະ ຕໍ່ບັນຫາດັ່ງກ່າວໄດ້ພະຍະກອນວ່າ ເສດຖະ ກິດຫວຽດນາມຈະຕ້ອງປະສົບກັບຄວາມຫຍຸ້ງຍາກ ໃນສະ ເພາະໜ້າ; ໃນນັ້ນ, ໂດຍສະເພາະແມ່ນກຸ່ມວິສາຫະກິດ. ລຸ່ມ ນີ້ແມ່ນບາງຄຳເຫັນຂອງທ່ານ ບຸ່ຍກວງວິງ, ລັດຖະມົນຕີວ່າ ການກະຊວງແຜນການ ແລະ ການລົງທຶນ ແລະ ນັກຂ່າວຂ່າວ ສານຫວຽດນາມສຳພາດກ່ຽວກັບບັນຫາດັ່ງກ່າວ. 

ທ່ານລັດຖະມົນຕີວ່າການກະຊວງແຜນການ ແລະ ການລົງທຶນ ບຸ່ຍກວາງວິງ. ພາບ: ດຶກຕ໋າມ/VNP
 
ນັກຂ່າວ: ຮຽນທ່ານລັດຖະມົນຕີ, ປີ 2015 ເປັນປີຂີດໝາຍຂອງ ບາດລ້ຽວທີ່ສຳຄັນໃນການເຊື່ອມໂຍງກັບເສດຖະກິດສາກົນຂອງຫວຽດນາມ. ດັ່ງນັ້ນ, ຫວຽດນາມຈະຕ້ອງປະເຊີນໜ້າກັບ ສິ່ງທ້າທາຍໃດແດ່ໃນການເຊື່ອມໂຍງ?

ທ່ານລັດຖະມົນຕີບຸ່ຍກວາງວິງ: ຫວຽດນາມພວມຕັ້ງໜ້າທີສຸດ ໃນການລົງນາມບັນດາສັນຍາການຄ້າເສລີ (FTA) ແລະ ກ້າວ ເຂົ້າສູ່ປີ 2016, ຫວຽດນາມຈະລິເລີ່ມກ້າວເຂົ້າສູ່ການເຊື່ອມໂຍງ ຢູ່ອັນດັບສູງກ່ວາເມື່ອທຽບໃສ່ການເຊື່ອມໂຍງປັດຈຸບັນ.

ອັນທີໜຶ່ງແມ່ນພວກເຮົາເຂົ້າຮ່ວມການຈັດຕັ້ງປະຊາຄົມອາຊຽນ (ASEAN) ຂຶ້ນ; ໃນນັ້ນ, ມີປະຊາຄົມເສດຖະກິດອາຊຽນໃນ ວັນທີ 31/12/2015. ເມື່ອເຂົ້າຮ່ວມປະຊາຄົມນີ້, ພວກເຮົາ ຈະໄດ້ປະເຊີນໜ້າກັບ ສິ່ງທ້າທາຍ 3 ປະການຄື: ການເຄື່ອນຍ້າຍ ສິນຄ້າເສລີ, ໝູນວຽນການລົງທຶນ ແລະ ເສລີເຄື່ອນຍ້າຍ ແຮງ ງານ ທີ່ມີເຕັກນິກສູງ.

ຕາມຂ້າພະເຈົ້າແລ້ວ, ຖ້າຫາກວ່າບໍ່ຍົກສູງຄວາມສາມາດ ໃນການຍາດແຍ່ງແຂ່ງຂັນ, ພວກເຮົາອາດຈະເສຍວຽກງານ “ຢູ່ພາຍໃນບ້ານເຮົາເອງ”. ເຊັ່ນຕົວຢ່າງ: ການຄັດເລືອກຜູ້ບໍລິການໆ ບິນຂອງບໍລິສັດການບິນ Vietnam Airlines ໄລຍະຜ່ານມາ. ຖ້າວ່າກ່ອນໜ້ານີ້ ຄັດເລືອກແຮງງານມີແຕ່ຢູ່ພາຍໃນປະເທດ, ແຕ່ປັດຈຸບັນ, Vietnam Airlines ສາມາດເລືອກເຟັ້ນໃນຂອບເຂດທົ່ວພາກພື້ນອາຊຽນ (ASEAN) ແລະ ນີ້ຄືສິ່ງທ້າທາຍ ທີ່ປະ ກົດຂຶ້ນໃນສະເພາະໜ້າ.

ມາປີ 2016 ນີ້, ຫວຽດນາມຕ້ອງກ້າວເຂົ້າສູ່ການປະຕິບັດ FTA ຫວຽດນາມ-ສ.ເກົາຫຼີ ຊຶ່ງມີຜົນສັກສິດແຕ່ວັນທີ 1/1/2016. ເປັນ FTA ໜຶ່ງອີກລະຫວ່າງຫວຽດນາມ ແລະ ສະຫະພັນເສດຖະກິດ ອາຊີ- ເອີຣົບທີ່ພວມກະກຽມອະນຸມັດຜ່ານ. ຍັງບໍ່ທັນຄິດໄລ່ເຖິງ FTA ອື່ນໆກຳລັງລໍຖ້າຈັດຕັ້ງປະຕິບັດເຊັ່ນ: ຫວຽດນາມ-ອີຢູ; TPP… ເພາະສະນັ້ນ, ສາມາດເວົ້າໄດ້ວ່ານີ້ແມ່ນບັນດາບັນຫາທີ່ໃຫຍ່ສຸດ, ແມ່ນບາດລ້ຽວໃນການເຊື່ອມໂຍງເສດຖະກິດສາກົນຂອງຫວຽດນາມ.

ນັກຂ່າວ: ຮຽນທ່ານລັດຖະມົນຕີ, ການເຊື່ອມໂຍງເສດຖະກິດນີ້ຈະມີຜົນສະທ້ອນເຖິງພື້ນຖານເສດຖະກິດຂອງຫວຽດນາມຄືແນວໃດໃນໄລຍະທີ່ຈະມາເຖິງນີ້? ລັດຖະບານຫວຽດນາມ ແລະ ວິສາຫະກິດຫວຽດນາມໄດ້ກະກຽມສິ່ງໃດແດ່ແລ້ວເພື່ອຕ້ອນຮັບກາລະໂອກາດຈາກ FTA?

ທ່ານລັດຖະມົນຕີບຸ່ຍກວາງວິງ: ສະພາແຫ່ງຊາດ ແລະ ບັນດານັກຊ່ຽວຊານເສດຖະກິດ, ໜັງສືພິມໄດ້ເວົ້າຫຼາຍກ່ຽວກັບບັນຫານີ້. ຕາມຂ້າພະເຈົ້າແລ້ວ, ມີສອງກະແສທັດສະນະ. ກະແສທັດສະ ນະໜຶ່ງແມ່ນວ່າ, ພວກເຮົາ, ລັດຖະບານ ແລະ ວິສາຫະກິດ ໄດ້ກະກຽມເປັນຢ່າງດີ. 

ກະແສທັດສະນະທີ່ໃຫຍ່ກວ່ານັ້ນເຫັນວ່າ, ພວກເຮົາຕ້ອງມີແຜນການທີ່ຈະແຈ້ງ, ລະອຽດກວ່າ ເພື່ອໃຫ້ແຕ່ລະວິສາຫະກິດ ແລະ ປະຊາຊົນແຕ່ລະຄົນເຂົ້າໃຈໄດ້ວ່າເປັນກາລະໂອກາດເມື່ອ ບັນດາສັນຍາດັ່ງກ່າວເປັນຜົນ ແລະ ຊີ້ນຳວິທີການເຮັດແນວໃດເພື່ອຫມູນໃຊ້ກາລະໂອກາດ, ພ້ອມກັນນັ້ນ ຕ້ອງຊີ້ແຈງໃຫ້ໄດ້ສິ່ງທ້າທາຍໃນແຕ່ລະຂະແໜງການ, ແຕ່ລະຂົງເຂດ.

ຂ້າພະເຈົ້າເວົ້າແນວນັ້ນຍ້ອນວ່າແຕ່ລະສັນຍາບໍ່ຄືກັນ. ບໍ່ແມ່ນ FTA ໃດກໍຄືກັນຫມົດ. ແຕ່ລະສັນຍາຕ່າງກໍ່ມີບາງຈຸດເປັນອັນລວມ, ຍົກຕົວຢ່າງຄືຂະແໜງການຕຳ່ແຜ່ນຕັດຫຍິບຈະມີສິ່ງທ້າທາຍຫນຶ່ງ, ຂົງເຂດເຕັກໂນໂລຊີເອເລັກຕໂຣນິກຈະມີສີ່ງທ້າທາຍຫນຶ່ງ, ຂົງເຂດກະສິກຳກໍ່ມີສີ່ງທ້າທາຍຫນຶ່ງທີ່ແຕກຕ່າງກັນລ້ວນໆ. ສະນັ້ນ, ແຕ່ລະຂົງເຂດ, ບັນດາກະຊວງ, ຂະແໜງການຕ້ອງຊີ້ບອກສິ່ງທ້າທາຍທີ່ມີຕໍ່ແຕ່ລະສັນຍາການຄ້ານັ້ນຄືແນວໃດ. ແລະ ຕ້ອງຕີລາຄາໃຫ້ໄດ້ຄູ່ແຂ່ງຂອງຕົນ.

ຂ້າພະເຈົ້າຍົກຕົວຢ່າງເຊັ່ນ: FTA ສອງຝ່າຍຫວຽດນາມ-ສ.ເກົາຫຼີ, ເບິ່ງວ່າສ.ເກົາຫຼີມີຄວາມເຂັ້ມແຂງດ້ານໃດ ແລະ ບໍ່ເຂັ້ມແຂງດ້ານໃດເມື່ອທຽບກັບຫວຽດນາມ. ຖ້າຫາກວ່າ FTA ຫວຽດນາມ-ສ.ເກົາຫຼີເປີດຂຶ້ນ ຜົນກະທົບຂອງສ.ເກົາ ຫຼີຕໍ່ຫວຽດ ນາມ ເມື່ອ ເປີດປະຕູຈະເປັນແນວໃດ? ແລະ ກົງກັນຂ້າມ ພວກເຮົາມີກາລະໂອກາດຫຍັງເມື່ອສົ່ງອອກໄປຍັງສ.ເກົາຫຼີ.

ນັ້ນຄືບັນຫາຕົວຈິງສຸດທີ່. ຂ້າພະເຈົ້າຄິດວ່າ, ພວກເຮົາໄດ້ເຮັດ ສຳເລັດບາງບັນຫາພື້ນຖານກ່ຽວກັບຂໍ້ມູນຂ່າວສານເຖິງວິສາຫະກິດ, ປະເພດສິນຄ້າແຕ່ກໍ່ຍັງເຮັດບໍ່ທັນຄົບຖ້ວນບາງສິ່ງດັ່ງທີ່ຂ້າພະເຈົ້າຫາກໍກ່າວມາຂ້າງເທິງ.

ຕາມຂ້າພະເຈົ້າແລ້ວ, ພວກເຮົາຕ້ອງໂຮມຕົວບັນດາສະມາຄົມ ແລະ ປຶກສາຫາລືກັບບັນດາວິສາຫະກິດ. ຈາກນັ້ນສ້າງບັນດາກົນໄກນະໂຍບາຍຊຸກຍູ້ກຳລັງແຮງພາຍໃນ, ສາມາດໝູນໃຊ້ກາລະໂອກາດທີ່ FTA ນຳມາໃຫ້ຢ່າງສຸດຂີດ ແລະ ສ້າງແຜນການຜ່ານຜ່າສິ່ງທ້າທາຍດັ່ງກ່າວ.

ຂ້າພະເຈົ້າເຫັນວ່າ, ຄວາມຮັບຜິດຊອບຂອງລັດຖະບານ ແລະ ບັນດາກະຊວງ, ຂະແໜງການແມ່ນຕ້ອງໄດ້ເຮັດຫຼາຍກວ່ານັ້ນ, ຕົ້ນຕໍແມ່ນພວກເຮົາຍັງມີເວລາ. ຍ້ອນວ່າ, ສັນຍາໃຫຍ່ສຸດທີ່ພວກເຮົາຕ້ອງປະເຊີນໜ້າແມ່ນ FTA ຫວຽດນາມ-EU ແລະ TPP.

ຕ້ອງຮຽບຮຽງແຜນການເປັນອັນລະອຽດເພື່ອສວຍໃຊ້ທ່າໄດ້ປຽບຕ່າງໆທີ່ມີ, ຜ່ານຜ່າສິ່ງທ້າທາຍທີ່ຈະຕ້ອງປະເຊີນໜ້າເມື່ອເຂົ້າຮ່ວມບັນດາ FTA ທົ່ວໂລກ.

ຫວຽດນາມຈະໄດ້ຮັບຜົນກະທົບແນ່ນອນຕໍ່ໜ້າບັນຫາການເຄື່ອນຍ້າຍແຮງງານທີ່ມີເຕັກນິກສູງເສລີໃນກຸ່ມອາຊຽນ. ພາບ: ຫວູຊິງ/VNA


ຂະແໜງການຜະລິດ ແລະ ປະກອບລົດພາຍໃນປະເທດ ອາດຖືກກົດດັນຈາກລົດນຳເຂົ້າ. ພາບ: ເຈີ່ນຫວຽດ/VNA


ປະຊາຄົມອາຊຽນກຳເນີດຂຶ້ນຈະມີຜົນສະທ້ອນເຖິງການ ຮັບສະຫມັກແຮງງານຂອງຂະແໜງການການບິນຫວຽດນາມ. ພາບ: ຢຸຍເຄືອງ/VNA


ເມື່ອເຂົ້າຮ່ວມປະຊາຄົມອາຊຽນ, ຫວຽດນາມຈະຕ້ອງໄດ້ ປະເຊີນໜ້າກັບສິ່ງທ້າທາຍກັບການຈໍລະຈອນສິນຄ້າເສລີ. ພາບ: ດວ່ານແມ້ງເຢືອງ/VNA
 
ນັກຂ່າວ: ມີຫຼາຍຄຳເຫັນເວົ້າວ່າ, ວິສາຫະກິດເອກະຊົນ, ວິສາຫະກິດຂະໜາດນ້ອຍ ແລະ ກາງປະຈຸບັນແມ່ນໂດດດ່ຽວທີສຸດ, ຍັງບໍ່ທັນໄດ້ຮັບບຸລິມະສິດເທົ່າທຽມກັບບັນດາວິສາຫະກິດລົງທຶນ ຈາກຕ່າງປະເທດ. ທ່ານລັດຖະມົນຕີຕີລາຄາແນວໃດກ່ຽວກັບຄວາມຄິດເຫັນດັ່ງກ່າວ?

ທ່ານລັດຖະມົນຕີບຸ່ຍກວາງວິງ: ທ່ານລັດຖະມົນຕີບຸ່ຍກວາງວິງ: ຕາມຂ້າພະເຈົ້າແລ້ວ, ລັດຖະ ບານຖືສຳຄັນທຸກໆພາກສ່ວນເສດຖະກິດ ແລະ ລັດຖະບານກໍກຳ ລັງເຮັດຫຼາຍວຽກໃຫ້ແກ່ກຸ່ມວິສາຫະກິດນີ້. ບໍ່ພຽງແຕ່ລັດຖະບານ ເທົ່ານັ້ນ ຫາກທັງສະພາແຫ່ງຊາດອີກດ້ວຍ, ລວມທັງລະບົບການ ເມືອງກໍເຂົ້າຮ່ວມນຳ.

ລາຍລະອຽດແມ່ນລະບົບກົດໝາຍຕ່າງໆໄດ້ກຳເນີດຂຶ້ນຄື: ກົດໝາຍ ວ່າດ້ວຍການລົງທຶນ, ກົດໝາຍວ່າດ້ວຍວິສາຫະກິດ ສະບັບປັບປຸງ ແລະ ບັນດາກົດໝາຍວ່າດ້ວຍອາກອນ ສະບັບ ປັບປຸງໄລຍະຜ່ານມາລ້ວນແຕ່ໃຫ້ບຸລິມະສິດຕໍ່ແກ່ວິສາຫະກິດ ຂະຫນາດນ້ອຍ ແລະ ກາງ, ວິສາຫະກິດເອກະຊົນ.

ແຕ່ເຖິງຢ່າງໃດກໍ່ດີ,  ຍັງມີການປຽບທຽບວ່າວິສາຫະກິດ FDI ໄດ້ຮັບຄວາມບຸລິມະສິດຫຼາຍກວ່າ. ຕໍ່ບັນຫາດັ່ງກ່າວ, ອາດຈະ ຖືກໃນແງ່ໃດໜຶ່ງ ແຕ່ກໍ່ບໍ່ແມ່ນທັງໝົດ, ຍ້ອນວ່າ, ກົດໝາຍແມ່ນ ກົດຫມາຍລວມ ຕໍ່ທຸກໆພາກສ່ວນ. ຂ້າພະເຂົ້າຂໍຍົກຕົວຢ່າງ: ບໍ່ແມ່ນກົດໝາຍວ່າດ້ວຍເຕັກໂນໂລຊີສູງຮັບໃຊ້ພຽງແຕ່ວິສາຫະ ກິດ FDI ເທົ່ານັ້ນ.

ກົດໝາຍວ່າດ້ວຍເຕັກໂນໂລຊີສູງແມ່ນຮັບໃຊ້ໃຫ້ທັງວິສາຫະກິດພາຍໃນ ແລະ ວິສາຫະກິດຕ່າງປະເທດ. ຈະມີບັນຫາຢູ່ບ່ອນວ່າ ບັນດາວິສາຫະກິດພາຍໃນຈະສາມາດເຂົ້າເຖິງ ແລະ ມີເງື່ອນໄຂ ຄົບຖ້ວນບໍ່ທີ່ຈະຮັບບຸລິມະສິດນີ້ ແລະ ຈະຈົດທະບຽນຈັດຕັ້ງ ປະຕິບັດໄດ້ບໍ?

ແລະ ກົດໝາຍດັ່ງກ່າວກໍ່ບໍ່ໄດ້ກຳນົດວ່າສະຫງວນໃຫ້ແກ່ວິ ສາຫະກິດຕ່າງປະເທດ. ແຕ່ຍ້ອນວ່າວິສາຫະກິດຕ່າງປະເທດເປັນກຸ່ມບໍລິສັດລາຍໃຫຍ່ສາກົນ, ເຂົາເຈົ້າມີຜະລິດຕະພັນທີ່ບັນ ລຸຄຸນນະພາບສູງ ແລະ ຕອບສະໜອງໄດ້ຄວາມຕ້ອງການ.

ນັກຂ່າວ: ຮຽນທ່ານລັດຖະມົນຕີ, ສຳລັບກະຊວງແຜນການ ແລະ ການລົງທຶນໄດ້ເຮັດ ແລະ ກຳລັງເປັນເສນາທິການໃຫ້ແກ່ລັດຖະ ບານໄດ້ສ້າງແລວນິຕິກຳຄືແນວໃດເພື່ອສ້າງເງື່ອນໄຂໃຫ້ແກ່ວິສາ ຫະກິດເອກະຊົນຂະຫຍາຍຕົວ?

ທ່ານລັດຖະມົນຕີບຸ່ຍກວາງວິງ: ຂ້າພະເຈົ້າຂໍເປັນເອກະພາບກັບຄວາມຄິດທີ່ວ່າພວກເຮົາຍັງບໍ່ທັນ ມີຄວາມເອົາໃຈໃສ່ ຢ່າງພຽງພໍ ແລະ ຍັງບໍ່ທັນມີກົດໝາຍຄົບຖ້ວຍເພື່ອສ້າງເງື່ອນໄຂສະດວກໃຫ້ແກ່ວິສາຫະກິດເອກຊົນ, ວິສາຫະກິດຂະໜາດ ກາງ ແລະ ນ້ອຍຂອງຫວຽດນາມຂະຫຍາຍຕົວ. ນີ້ກໍແມ່ນສິ່ງ ທີ່ເຮັດໃຫ້ຂ້າພະເຈົ້າຄິດຫລາຍ.

ເຖິງວ່າໄດ້ຮັບຄວາມບຸລິມະສິດແລ້ວແຕ່ກໍ່ຕ້ອງໄດ້ເຮັດ ແລະ ເຮັດໄປເລື້ອຍໆເພື່ອໃຫ້ວິສາຫະກິດຍັງອ່ອນນ້ອຍບືນຂຶ້ນ ແລະ ເຂັ້ມແຂງກວ່າເກົ່າ ເພື່ອກາຍເປັນກຳລັງຫຼັກແຫຼ່ງຂອງພື້ນຖານ ເສດຖະກິດຫວຽດນາມ.

ດ້ວຍເຫດນັ້ນ, ກະຊວງແຜນການ ແລະ ການລົງທຶນໄດ້ສ້າງ ກົດໝາຍຫຼາຍສະບັບ; ໃນນັ້ນ, ມີຫຼາຍສະບັບໄດ້ສ້າງເງື່ອນ ໄຂທີ່ສະດວກໃຫ້ແກ່ວິສາຫະກິດເຊັ່ນ: ກົດໝາຍວ່າດ້ວຍການ ລົງທຶນ, ກົດໝາຍວ່າດ້ວຍວິສາຫະກິດສະບັບປັບປຸງ.  ແລະ ໃນໄລຍະທີ່ຈະມາເຖິງນີ້, ພວກຂ້າພະເຈົ້າຈະເຮັດວຽກ ຫຼາຍກວ່າ ນີ້ອີກ. ປີ 2015, ລັດຖະບານໄດ້ອະນຸຍາດກະຊວງແຜນການ ແລະ ການລົງທຶນສ້າງຕັ້ງກອງທຶນຊ່ວຍໜູນວິສາຫະກິດຂະໜາດ ນ້ອຍ ແລະ ກາງ.

ກອງທຶນນີ້ແມ່ນນຳໃຊ້ງົບປະມານເພື່ອໃຫ້ບັນດາວິສາຫະກິດ ຂະໜາດກາງ ແລະ ນ້ອຍກູ້ຢືມໂດຍຜ່ານບາງທະນາຄານການ ຄ້າ. ກະຊວງແຜນການ ແລະ ການລົງທຶນກຳລັງເປັນເຈົ້າຂອງ ກອງທຶນຊ່ວຍຫນູນດັ່ງກ່າວ.

ໃນໄລຍະຈະມາເຖິງນີ້, ພວກຂ້າພະເຈົ້າກຳລັງຮຽບຮຽງກົດໝາຍ ຊ່ວຍໜູນວິສາຫະກິດຂະໜາດນ້ອຍ ແລະ ກາງບໍ່ພຽງແຕ່ຢູ່ໃນລະ ດັບລັດຖະດຳລັດ ແລະ ວຽກງານດັ່ງກ່າວໄດ້ຮັບຄວາມເປັນ ເອ ກະສັນຈາກສະພາແຫ່ງຊາດແລ້ວ. ປະຈຸບັນ, ຄະນະຮຽບຮຽງ ກຳລັງເຮັດວຽກຢ່າງຕັ້ງໜ້າເພື່ອໃຫ້ມີສະບັບຮ່າງທຳອິດເພື່ອສົນທະນາກ່ຽວກັບນະໂຍບາຍບຸລິມະສິດຊ່ວຍໜູນໃຫ້ແກ່ວິສາຫະ ກິດຂະໜາດນ້ອຍ ແລະ ກາງ.

ນອກຈາກນັ້ນ, ພວກຂ້າພະເຈົ້າກຳລັງນຳສະເຫນີຕໍ່ລັດຖະບານ, ສ້າງຕັ້ງ ສູນບົ່ມເຜາະບັນດາວິສາຫະກິດກໍຄືບ່ອນຊ່ວຍໜູນດ້ານຫົວຄິດປະດິດສ້າງ. ເນື່ອງຈາກວ່າຄວາມຄິດປະດິດຄິດສ້າງ ດັ່ງ ກ່າວແມ່ນຈະເລີ່ມຈາກປະຊາຊົນທຸກຄົນ ແລະ ທຸກພາກສ່ວນໃນສັງຄົມ.

ພວກເຮົາຕ້ອງສົ່ງເສີມລຸ້ນໄວໜຸ່ມ, ບັນດາຜູ້ທີ່ມີລະດັບຄວາມ ຮູ້ເພື່ອໃຫ້ເຂົາເຈົ້າສາມາດຈິນຕະນາການເຖິງຄວາມປະດິດສ້າງ, ແນວຄວາມຄິດແບບໃໝ່, ກ້າສ່ຽງລົງທຶນຈາກນັ້ນສົ່ງເສີມບັນດາ ພາກສ່ວນວິສາຫະກິດໜຸ່ມຂະຫຍາຍຕົວ.
ປະຕິບັດ: VNA/VNP
ບັນດາບົດທີ່ຖືກນຳສະເໜີ