10/12/2015 09:53 GMT+7 Email Print Like 0

ປາດຖະຫນາຢາກນຳການພົວພັນລະຫວ່າງ ຫວຽດນາມ ແລະ ເບລາຣຸດ ຂຶ້ນສູ່ລະດັບຄູ່ຮ່ວມມືຍຸດທະສາດຮອບດ້ານ


ທ່ານປະທານປະເທດເຈືອງເຕີນຊາງແລະທ່ານ
ປະທານາທິບໍດີ ເບລາຣຸດ Alexander Lukashenko
​ພາບ:internet

        ໂດຍ​ຮັບ​ຄຳ​ເຊີນ​ຂອງ​ທ່ານ​ປະ​ທານ​ປະ​ເທດ​ເຈືອງ​ເຕີນ​ຊາງ, ຕອນ​ຄ່ຳ​ວັນ​ທີ 8/12, ປະ​ທາ​ນາ​ທິ​ບໍ​ດີ ເບ​ລາ​ຣຸດ Alexander Lukashenko ໄດ້​ເດີນ​ທາງ​ມາ​ຮອດ​ຮ່າ​ໂນ້ຍ ເລີ່ມ​ຕົ້ນ​ການ​ຢ້ຽມ​ຢາມ​ທາງ​ລັດ​ຖະ​ກິດ​ຫວຽດ​ນາມ ແຕ່​ວັນ​ທີ 8-9/12. ທີ່​ການ​ເຈ​ລະ​ຈາ​ພາຍ​ຫລັງ​ພິ​ທີ​ຕ້ອນ​ຮັບ​ຈັດ​ຂຶ້ນ​ໃນ​ຕອນ​ບ່າຍ​ວັນ​ທີ 9/12, ທ່ານ​ປະ​ທານ​ປະ​ເທດ​ເຈືອງ​ເຕີນ​ຊາງ ຢືນ​ຢັນ​ວ່າ: ແຜນ​ນະ​ໂຍ​ບາຍ​ສະ​ເຫມີ​ຕົ້ນ​ສະ​ເຫມີ​ປາຍ​ຂອງ​ການ​ນຳ​ຫວຽດ​ນາມ ແມ່ນ​ຖື​ເປັນ​ສຳ​ຄັນ ແລະ ເອົາ​ໃຈ​ໃສ່​ການ​ປັບ​ປຸງ, ພັດ​ທະ​ນາ​ການ​ພົວ​ພັນ​ມິດ​ຕະ​ພາບ​ທີ່​ເປັນ​ມູນ​ເຊື້ອ ແລະ ການ​ຮ່ວມ​ມື​ຫລາຍ​ດ້ານ​ກັບ ເບ​ລາ​ຣຸດ. ທ່ານ​ປະ​ທານ​ປະ​ເທດ ຖື​ວ່າ: ສອງ​ຝ່າຍ​ຄວນ​ຍົກ​ສູງ​ບົດ​ບາດ​ຂອງ​ຄະ​ນະ​ກຳ​ມະ​ການ​ລະ​ຫວ່າງ​ລັດ​ຖະ​ບານ ກວ່າ​ອີກ, ໃຫ້​ສັດ​ຕະ​ຍາ​ບັນ​ສັນ​ຍາ​ການ​ຄ້າ​ເສ​ລີ​ລະ​ຫວ່າງ​ຫວຽດ​ນາມ ແລະ ພັນ​ທະ​ມິດ​ເສດ​ຖະ​ກິດ ອາ​ຊີ ເອີ​ລົບ​ໂດຍ​ໄວ. ສອງ​ປະ​ເທດ ຄວນ​ຈັດ​ຕັ້ງ​ການ​ເຄື່ອນ​ໄຫວ​ສົ່ງ​ເສີມ​ການ​ລົງ​ທຶນ​ການ​ຄ້າ, ສືບ​ຕໍ່​ຍູ້​ແຮງ​ການ​ຮ່ວມ​ມື​ໃນ​ຂົງ​ເຂດ​ອຸດ​ສາ​ຫະ​ກຳ. ທ່ານ​ປະ​ທານ​ປະ​ເທດ ເຈືອງ​ເຕີນ​ຊາງ​ປາດ​ຖະ​ຫນາ​ຢາກ​ເປີດກວ້າງ​ການ​ຮ່ວມ​ມື​ໃນ​ຂົງ​ເຂດ​ວັດ​ທະ​ນະ​ທຳ ການ​ສຶກ​ສາ, ການ​ທ່ອງ​ທ່ຽວ, ກິ​ລາ, ວິ​ທະ​ຍາ​ສາດ​ເຕັກ​ໂນ​ໂລ​ຊີ.
        ປະ​ທາ​ນາ​ທິ​ບໍ​ດີ Alexander Lukashenko ຢືນ​ຢັນ: ຫວຽດ​ນາມ ແມ່ນ​ບຸ​ລິ​ມະ​ສິດ​ໃນ​ການ​ພົວ​ພັ​ນ​ຕ່າງ​ປະ​ເທດ​ຂອງ ເບ​ລາ​ຣຸດ ຢູ່ ອາ​ຊີ​ຕາ​ເວັນ​ອອກ​ສ່ຽງ​ໃຕ້ ແລະ ປາດ​ຖະ​ຫນາ​ຢາກ​ນຳ​ການ​ພົວ​ພັນ​ລະ​ຫວ່າງ​ສອງ​ປະ​ເທດ​ຂຶ້ນ​ສູ່​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ. ສອງ​ຝ່າຍ​ຄວນ​ໃຫ້​ສັດ​ຕະ​ຍາ​ບັນ​ສັນ​ຍາ FTA ແລະ ສ້າງ​ເງື່ອນ​ໄຂ​ສະ​ດວກ​ໃຫ້​ບັນ​ດາ​ວິ​ສາ​ຫະ​ກິດ​ຂອງ​ສອງ​ປະ​ເທດ ຊອກ​ຮູ້​ການ​ດຳ​ເນີນ​ທຸ​ລະ​ກິດ​ລົງ​ທຶນ​ຢູ່​ສອງ​ປະ​ເທດ.
ການ​ນຳ​ສອງ​ທ່ານ​ແບ່ງປັນ​ທັດສະນະ​ລວມກ່ຽວ​ກັບ​ຫຼາຍ​ບັນຫາ, ​ໃນ​ນັ້ນ​ມີ​ບັນຫາ​ສິດທິ​ມະນຸດ​ຢູ່​ສະຫະ​ປະຊາ​ຊາດ. ​ເບ​ລາຣຸດ ສະໜັບສະໜູນ​ຫວຽດນາມ​ ອອກ​ສະໝັກ​ເລືອກ​ຕັ້ງ​ເຂົ້າ​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ, ອາຍຸ​ການ 2020-2021, ສະໜັບສະໜູນ​ຮັກສາ​ບັນດາ​ຫຼັກການ​ຂອງ​ຂະ​ບວນການ​ບໍ່​ຮ່ວມ​ກຸ່ມ. ກ່ຽວ​ກັບ​ບັນຫາ​ທະ​ເລ​ຕາ​ເວັນ​ອອກ, ປະທານາທິບໍດີ​ເບ​ລາຣຸດ ຢືນຢັນ​ສະໜັບສະໜູນ​ຫຼັກ​ໝັ້ນ​ຂອງ​ຫວຽດນາມ ​ແລະ ອາ​ຊຽນ ​ແມ່ນ​ແກ້​ໄຂ​ການ​ຂັດ​ແຍ້​ງກັນ​ດ້ວຍ​ສັນຕິ​ວິທີ, ບໍ່​ນຳ​ໃຊ້​ກຳລັງ​ອາວຸດ ຫຼື​ນາບ​ຂູ່​ນຳ​ໃຊ້​ກຳລັງ​ອາວຸດ, ບົນ​ພື້ນຖານ​ບັນດາ​ຫຼັກການ​ຂອງ​ກົດໝາຍ​ສາກົນ, ​ໃນ​ນັ້ນ​ມີ​ສົນທິສັນຍາ​ສະຫະ​ປະຊາ​ຊາດ​ກ່ຽວ​ກັບ​ທະ​ເລ​ຕາ​ເວັນ​ອອກ​ປີ 1982… ທ່ານ​ປະທານ​ປະ​ເທດ ​ເຈືອງ​ເຕິ໋ນຊາງ, ຢືນຢັນ​ວ່າ:
        “ພວກ​ຂ້າພະ​ເຈົ້າ​ໄດ້​ປຶກສາ​ຫາລື​ບັນດາ​ມາດ​ຕະການ ​ເພື່ອ​ແນ​ໃສ່​ເພີ່ມ​ທະວີ​ວົງ​ເງິນ​ສອງ​ຝ່າຍ, ສ້າງ​ຄວາມ​ສົມ​ດຸນ​ດ້ານ​ການ​ຄ້າ, ​ເພີ່ມ​ທະວີ​ການ​ລົງທຶນ​ລະຫວ່າງ​ສອງ​ປະ​ເທດ. ສອງ​ຝ່າຍ​ເຫັນ​ດີ​ເພີ່ມ​ທະວີ​ປະສິດທິ​ຜົນ​ການ​ເຄື່ອນ​ໄຫວ​ຂອງ​ຄະນະ​ກຳມະການ​ລະຫວ່າງ​ລັດຖະບານ… ທັງ​ສອງ​ຝ່າຍ​ຢືນຢັນ​ເຖິງ​ຄວາມ​ສຳຄັນ​ຂອງ​ສັນຍາ​ການ​ຄ້າ​ເສລີ​ລະຫວ່າງ​ຫວຽດນາມ ​ແລະ ພັນທະ​ມິດ​ເສດຖະກິດ​ອາຊີ - ​ເອີ​ລົບ, ​ເຫັນ​ດີ​ໃຫ້​ສັດຕະຍາບັນ​ສັນຍາ​ໂດຍ​ໄວ ​ແລະ ສົມທົບ​ກັນ​ຮັບປະກັນ​ຜັນ​ຂະຫຍາຍ​ສັນຍາ​ນີ້​ພາຍຫຼັງ​ມີ​ຜົນ​ສັກສິດ​ຢ່າງ​ມີ​ປະສິດທິ​ຜົນ, ​ເພື່ອ​ສ້າງ​ບາດກ້າວ​ບຸກທະລຸ​ໃນ​ການ​ຮ່ວມ​ມື​ດ້ານ​ເສດຖະກິດ - ການ​ຄ້າ​ລະຫວ່າງ​ສອງ​ປະ​ເທດ​ໃນ​ໄລຍະ​ຈະ​ມາ​ເຖິງ“.
        ​ໃນ​ໂອກາດ​ນີ້, ການ​ນຳ​ທັງ​ສອງ​ທ່ານ​ໄດ້​ເປັນ​ສັກຂີ​ພິຍານ​ພິທີ​ລົງ​ນາມ​ໃນ​ເອກະສານ​ຮ່ວມ​ມື​ຫຼາຍ​ສະບັບ​ໃນ​ຂົງ​ເຂດ​ປ້ອງ​ກັນຊາ​ດ, ​ເສດຖະກິດ, ວິທະຍາສາດ, ການ​ສຶກສາ, ວັດທະນະທຳ, ການທ່ອງທ່ຽວ… ​ໃນ​ນັ້ນ​ມີ​ລາຍການ​ຮ່ວມ​ມື​ລະຫວ່າງ​ກວຽດນາມ - ​ເບ​ລາຣຸດ ​ໄລຍະ 2016-2018.
 (ແຫຼ່ງຄັດຈາກ VOV)