27/01/2021 08:19 GMT+7 Email Print Like 0

ປະ​ຊາ​ຊົນ​ທົ່ວ​ປະ​ເທດ​ເຊື່ອ​ໝັ້ນ​ວ່າ ກອງ​ປະ​ຊຸມ​ໃຫຍ່​ຄັ້ງ​ທີ 13 ຂອງ ພັກ ຈະ​ສ້າງ​ບາດ​ກ້າວ​ກະ​ໂດດ​ຂັ້ນ

ຕອນເຊົ້າວັນທີ 26 ມັງກອນ ປະຊາຊົນຢູ່ນະຄອນ ໂຮ່ຈີມິນ ແລະ ເຂດກໍ້າຕາເວັນອອກພາກໃຕ້ໄດ້ຕິດຕາມວາລະໄຂກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງ ພັກ XIII. ບັນດາພະນັກງານ, ສະມາຊິກພັກ ແລະ ປະຊາຊົນ ໄດ້ຕັ້ງຄວາມຫວັງ ແລະ ເຊື່ອໝັ້ນຕໍ່ຜົນສຳເລັດຂອງກອງປະຊຸມໃຫຍ່ຄັ້ງນີ້, ເພື່ອນຳປະເທດຊາດສືບຕໍ່ພັດທະນາໃນໄລຍະຈະມາເຖິງ.
ອ້າຍ ຫງວຽນງອກດິ້ງ, ປະຊາຊົນຢູ່ນະຄອນ ຖູເຢົາໂມດ, ແຂວງ ບິ່ງເຢືອງ (ພາບ: VOV)

ອ້າຍ ຫງວຽນງອກດິ້ງ, ປະຊາຊົນຢູ່ນະຄອນ ຖູເຢົາໂມດ, ແຂວງ ບິ່ງເຢືອງ ຫວັງວ່າ:

        “ຂ້າພະເຈົ້າປາດຖະໜາວ່າ ກອງປະຊຸມໃຫຍ່ຄັ້ງນີ້ ຈະບັນລຸໄດ້ຕາມມາດຕະຖານ ເຊິ່ງມະຕິໄດ້ວາງອອກ, ມີຄວາມສາມັກຄີ ແລະ ນຳປະເທດພວກເຮົານັບມື້ນັບໝັ້ນຄົງ, ເຂັ້ມແຂງ, ສ້າງຄວາມໄວ້ເນື້ອເຊື່ອໃຈໃຫ້ແກ່ປະຊາຊົນ, ຊຸກຍູ້ກຳລັງໜູນແກ່ການພັດທະນາປະເທດຊາດໃຫ້ນັບມື້ນັບດີຂຶ້ນ. ຂ້າພະເຈົ້າມີຄວາມເຊື່ອໝັ້ນຢ່າງແນວແນ່ວ່າ ກອງປະຊຸມໃຫຍ່ຄັ້ງທີ 13 ຂອງ ພັກ ຈະປະສົບຜົນສຳເລັດຢ່າງຈົບງາມ ແລະ ເປັນແປ້ນຢັນໃຫ້ຊຸມປີຕໍ່ໄປ”.

        ເອື້ອຍ ເລທິທື ຢູ່ນະຄອນ ບ່າເຣ້ຍ, ແຂວງ ບ່າເຣ້ຍ - ຫວູງເຕົ່າ ກໍຕັ້ງຄວາມຫວັງຫຼາຍຢ່າງຕໍ່ກອງປະຊຸມໃຫຍ່ຄັ້ງທີ 13 ຂອງ ພັກກອມມູນິດ ຫວຽດນາມ.

        “ຂ້າພະເຈົ້າຫວັງວ່າ ກອງປະຊຸມໃຫຍ່ຄັ້ງນີ້ ຈະຍົກສູງກທາງດ້ານວິທະຍາສາດ - ເຕັກໂນໂລຢີ, ເຕັກນິກ, ລົງທຶນກໍ່ສ້າງຕົວເມືອງອັດສະລິຍະ ແລະ ມີການກຳນົດທິດ ແລະ ລັດຖະນະໂຍບາຍທີ່ເໝາະສົມເພື່ອເຊື່ອມໂຍງເຂົ້າກັບເສດຖະກິດສາກົນ”.

        ສ່ວນພໍ່ແມ່ປະຊາຊົນບັນດາເຜົ່າຢູ່ເຂດທາງທິດຕາເວັນຕົກສ່ຽງເໜືອ ຫວັງວ່າ ກອງປະຊຸມໃຫຍ່ຄັ້ງນີ້ ຈະສືບຕໍ່ວາງແຜນນະໂຍບາຍ, ນະໂຍບາຍສຳລັບປະຊາຊົນບັນດາເຜົ່າສ່ວນໜ້ອຍ, ເຂດຊາຍແດນທີ່ປະສົບກັບຄວາມຫຍຸ້ງຍາກເປັນພິເສດ ແລະ ຊ່ວຍເຫຼືອພໍ່ແມ່ປະຊາຊົນໃນການອະນຸລັກຮັກສາ, ເສີມຂະຫຍາຍສີສັນວັດທະນະທຳຂອງເຜົ່າຕົນ.

(ແຫຼ່ງຄັດຈາກ VOV)