15/03/2020 09:24 GMT+7 Email Print Like 0

ປະ​ຊາ​ຄົມ​ຊາວ​ຫວຽດ​ນາມ​ອາ​ໄສ​ຢູ່​ຕ່າງ​ປະ​ເທດ​ຮ່ວມ​ແຮງ​ຮ່ວມ​ໃຈ​ປ້ອງ​ການ, ຕ້ານ​ໂລກ​ລະ​ບາດ COVID-19

ຕໍ່ໜ້າການຜັນແປອັນສັບສົນຂອງພະຍາດອັກເສບປອດ COVID-19, ສະຖານທູດຫວຽດນາມ ປະຈຳເຢຍລະມັນ ໄດ້ປະກາດບັນດາຂໍ້ມູນຂ່າວທີ່ຈຳເປັນ ໃນເວັບໄຊຂອງສະຖານທູດ, ຜ່ານຊ່ອງທາງຕ່າງໆຄື: ສະມາຄົມຊາວຫວຽດນາມ ແລະ ສື່ມວນຊົນປະຊາຄົມຕ່າງໆກ່ຽວກັບສະພາບການໂລກລະບາດ. ມາຮອດຈຸດເວລານີ້ ຢູ່ເຢຍລະມັນ ຍັງບໍ່ທັນມີຊາວຫວຽດນາມ ຕິດເຊື້ອໄວຣັດ COVID-19 ຈັກຄົນເທື່ອ.

ສະມາຄົມນັກສຶກສາຫວຽດນາມຢູ່ສ.ເກົາຫຼີສົ່ງນ້ຳລ້າງມືໃຫ້ນັກສຶກສາຫວຽດນາມຢູ່ນະຄອນ 
Daegu ແລະ Gyeongsang ເໜືອ (ພາບ: TTXVN)

ຢູ່ປະເທດ ສ.ເຊັກໂກ, ປະຈຸບັນ, ໂລກລະບາດ COVID-19  ກໍ່ຍັງບໍ່ທັນໄດ້ສົ່ງຜົນສະທ້ອນ ຕໍ່ຊີວິດອິນຊີ ກໍ່ຄືການເຄື່ອນໄຫວດຳເນີນທຸລະກິດຂອງຊາວຫວຽດນາມໃນບໍລິເວນ ຍ້ອນມີການກະກຽມດ້ານຈິດໃຈ ແລະ ບັນດາມາດຕະການຮັບມື. ສະມາຊົມຊາວຫວຽດນາມ ອາໄສຢູ່ ເຊັກໂກ ພ້ອມກັບບັນດາອົງການຈັດຕັ້ງສະມາຄົມ, ຄະນະທີ່ກ່ຽວຂ້ອງ ໄດ້ເຝົ້າລະວັງເປັນປະຈຳ ແລະ ສົມທົບກັບບັນດາຊ່ອງຂໍ້ມູນຂ່າວສານຂອງສະມາຄົມຊາວຫວຽດນາມ ຢູ່ທີ່ນີ້ ເພື່ອອອກແຈ້ງການໃຫ້ເໝາະສົມກັບບັນດາມາດຕະການຂອງລັດຖະບານ ເຊັກໂກ ໂດຍໄວ ເພື່ອແນໃສ່ຮັບມືກັບໂລກລະບາດ.

   ໃນຂະນະນັ້ນ, ຢູ່ ສ.ເກົາຫຼີ, ສະມາຄົມນັກສຶກສາຫວຽດນາມ ກໍ່ໄດ້ອັບເດດຂ່າວກ່ຽວກັບສະພາບການຂອງໂລກລະບາດຢ່າງລຽນຕິດ ພ້ອມທັງຍູ້ແຮງການແຈ້ງຂ່າວທາງ fanpage, website ຂອງສະມາຄົມ, ຕັກເຕືອນບັນດາເພື່ອນນັກສຶກສາຫວຽດນາມ ຢູ່ ສ.ເກົາຫຼີ ປະຕິບັດບັນດາການແນະນຳ ກ່ຽວກັບການກຳນົດການປ້ອງກັນ, ຕ້ານໂລກລະບາດ COVID-19 ຂອງອົງການມີໜ້າທີ່ຮັບຜິດຊອບຂອງ ສ.ເກົາຫຼີ ແລະ ຫວຽດນາມ.

 (ແຫຼ່ງຄັດຈາກ VOV)