11/11/2015 09:10 GMT+7 Email Print Like 0

ປະທານາທິບໍດີ ອີຕາລີ ສະໜັບສະໜູນຫຼັກໝັ້ນ ສັນຕິພາບຂອງ ຫວຽດນາມ ຢູ່ທະເລຕາເວັນອອກ

ທ່ານປະທານາທິບໍດີ ອີຕາລີ Sergio Mattarella ຫາກໍ່ສຳເລັດການ ຢ້ຽມຢາມທາງລັດຖະກິດ ຫວຽດນາມ (ແຕ່ວັນທີ 5-8 ພະຈິກ 2015). ນີ້ແມ່ນການຢ້ຽມຢາມຫວຽດນາມ ຄັ້ງທຳອິດ ຂອງປະທານາທິບໍດີແຫ່ງປະເທດ ອີຕາລີ ນັບແຕ່ທັງສອງປະເທດ ສ້າງຕັ້ງສາຍພົວພັນທາງດ້ານການທູດ, ເປັນຂີດໝາຍບາດກ້າວພັດທະນາທີ່ສຳຄັນ ໃນການພົວພັນຄູ່ຮ່ວມມືຍຸດທະສາດຫວຽດນາມ-ອີຕາລີ. 
ໃນກອບຂອງການຢ້ຽມຢາມ, ທ່ານປະທານາທິບໍດີ  Sergio Mattarella  ໄດ້ພົບປະເຈລະຈາກັບ ທ່ານປະທານປະເທດ ເຈືອງເຕິນຊາງ; ຢ້ຽມຂຳ່່ນັບທ່ານເລຂາທິການ ໃຫຍ່ ຫງວຽນຝູ໋ຈ້ອງ; ພົບປະແລກປ່ຽນຄວາມຄິດຄວາມເຫັນກັບ ທ່ານນາຍົກລັດຖະມົນຕີ ຫງວຽນເຕິນຢຸງ, ປະທານສະພາແຫ່ງຊາດ ຫງວຽນຊິງຮຸ່ງ, ເຂົ້າຮ່ວມ ເວທີປາໄສເສດຖະກິດ ຫວຽດນາມ-ອີຕາລີ ທີ່ນະຄອນ ໂຮ່ຈີມິນ ແລະ ຫຼາຍເຫດການທີ່ສຳຄັນຕ່າງໆ.
 
ໃນທຸກການພົບປະ, ທັງສອງຝ່າຍໄດ້ຕົກລົງໃນຕໍ່ໜ້າ ຈະເພີ່ມທະວີການພົວພັນ ຮ່ວມມືຂຶ້ນ​ຕື່ມ, ສົ່ງເສີມ ວິສາຫະກິດຂອງສອງປະເທດໃຫ້ມີການຮ່ວມສຳພັນທຸລະກິດ, ເປີດກວ້າງ ການຮ່ວມມືນຳກັນໃນຂົງເຂດຕ່າງໆທີ່ສອງຝ່າຍ ມີທ່າແຮງ​ເຊັ່ນ: ກົນຈັກ, ຕຳ່ແຜ່ນຕັດຫຍິບ, ຜະລິດເກີບ, ປຸງແຕ່ງໄມ້, ອຸດສາຫະກຳສຳຮອງ, ວັດຖຸກໍ່ສ້າງ, ພະລັງງານ, ກະສິກຳ ແລະ ປຸງແຕ່ງສະບຽງອາຫານ, ການຢາ, ສຳຫຼວດ ແລະ ຂຸດຄົ້ນນຳ້ມັນ ອາຍແກັດ ແລະ ອື່ນໆ.

ທ່ານປະທານປະເທດ ເຈືອງເຕິນຊາງ ຕ້ອນຮັບ
ທ່ານປະທານາທິບໍດີ Sergio Mattarella. ພາບ: ຫງວຽນຄາງ/VNA


ພິທີຕ້ອນຮັບທ່ານປະທານາທິບໍດີ Sergio Mattarella
ໄດ້ຮັບການຈັດຂຶ້ນຢ່າງສົມກຽດທີ່ສຳນັກງານປະທານ ປະເທດ. ພາບ: ຈ້ອງດຶກ/VNA


ທ່ານປະທານປະເທດ ເຈືອງເຕິນຊາງ ພົບປະເຈລະຈາກັບ
ທ່ານປະທານາທິບໍດີ Sergio Mattarella. ພາບ: ຫງວຽນຄາງ/VNA


ທ່ານປະທານປະເທດ ເຈືອງເຕິນຊາງ ແລະ ທ່ານປະທານາທິບໍດີ Sergio Mattarella
ໄດ້ເປັນ ສັກຂີພິຍານໃນພິທີລົງນາມ ແຜນການເຄື່ອນໄຫວ 2015-2016
ເພື່ອປະຕິບັດຄູ່ຮ່ວມມື ຍຸດທະສາດ ລະຫວ່າງ ຫວຍດນາມ ແລະ ອີຕາລີ. ພາບ: ຫງວຽນຄາງ/VNA

ກ່ຽວກັບບັນຫາໃນພາກພື້ນ, ສອງຝ່າຍໄດ້ແລກປ່ຽນຄວາມຄິດຄວາມເຫັນກ່ຽວກັບສະພາບການທີ່ນັບມື້ນັບມີການເພີ່ມທະວີການເຄື່ອນໄຫວທັບຖົມປົວແປງຫາດຫີນ, ສ້າງຄວາມບໍ່ສະຫງົບໃຫ້ແກ່ສັນຕິພາບ, ສະຖຽນລະພາບ,​ ຄວາມ ສະຫງົບ ແລະ ປອດໄພຂອງການເດີນທະເລ, ການເດີນອາກາດຢູ່ທະເລຕາເວັນອອກ, ບ່ອນທີ່ມີສາຍທາງເດີນທະເລສາກົນທີ່ໃຫຍ່ ແລະຮ່ວມສຳພັນການຄ້າ ລະຫວ່າງ ເອີຣົບ ແລະ ອາຊີຕາເວັນອອກ.
 
ບົນພື້ນຖານດັ່ງກ່າວ, ທ່ານປະທານາທິບໍດີ ອີຕາລີ ໄດ້ຢືນຢັນ ແລະ ສະໜັບສະໜູນຫຼັກໝັ້ນຂອງ ຫວຽດນາມ ທີ່ວ່າແກ້ໄຂຂໍ້ຂັດແຍ່ງ ດ້ວຍ ສັນຕິວິທີ, ເຄົາລົບກົດໝາຍສາກົນ, ຮັກສາເສລີພາບຂອງການເດີນທະເລ, ການເດີນອາກາດ ແລະ ຮັບປະກັນຄວາມສະຫງົບ, ຄວາມປອດໄພໃນພາກພື້ນ.

ທ່ານເລຂາທິການໃຫຍ່ ຫງວຽນຝູ໋ຈ້ອງ ຕ້ອນຮັບທ່ານ ປະທານາທິບໍດີ Sergio Mattarella. ພາບ: ຈີຢຸງ/VNA

ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະແລກປ່ຽນ
ຄວາມຄິດຄວາມເຫັນກັບທ່ານປະທານາທິບໍດີ Sergio Mattarella. 
ພາບ: ດຶກຕ໋າມ/VNA

ທ່ານປະທານສະພາແຫ່ງຊາດ ຫງວຽນຊິງຮຸ່ງ ພົບປະແລກປ່ຽນຄວາມຄິດຄວາມເຫັນ
ກັບ ທ່ານປະທານາທິບໍດີ Sergio Mattarella. ພາບ: ຈ້ອງດຶກ/VNA


ທ່ານປະທານາທິບໍດີ Sergio Mattarella ເຂົ້າຮ່ວມ ແລະ ກ່າວປາໄສທີ່ກອງປະຊຸມພົບປະສົນທະນາ
ຍຸດທະສາດ ຫວຽດນາມ-ອີຕາລີ ຢູ່ນະຄອນ ໂຮ່ຈີມິນ. ພາບ: ແທງຫວູ/
VNA


ທ່ານປະທານາທິບໍດີ Sergio Mattarella ຢ້ຽມຢາມ ວັນມຽວ-ກວັກຕື້ຢາມ (ຮ່າໂນ້ຍ),
ມະຫາວິທະຍາໄລ ແຫ່ງທຳອິດຂອງ ຫວຽດນາມ, ໄດ້ຮັບການກໍ່ສ້າງຫ່າງຈາກນີ້ 945 ປີ. ພາບ: ຈ້ອງດຶກ/VNA

ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ