06/08/2017 12:41 GMT+7 Email Print Like 0

ປະທານາທິບໍດີ ອາເມລິກາ, ຝຣັ່ງ ປຶກສາຫາລືກ່ຽວກັບການສົມທົບກັນກະທຳຢູ່ ຊີຣີ ແລະ ອີຣັກ

      ວັນທີ 4 ສິງຫາ, ທ່ານ Donald Trump, ປະທານາທິບໍດີ ອາເມລິກາ ແລະ ຄູ່ຕຳແໜ່ງ ຝຣັ່ງ ທ່ານ Emmanuel Macron ໄດ້ມີການໂອ້ລົມທາງໂທລະສັບປຶກສາຫາລືກ່ຽວກັບສະພາບການໂລກເຊິ່ງທັງ 2 ຝ່າຍຕ່າງກໍ່ມີຄວາມສົນໃຈ.

ທ່ານ Donald Trump, ປະທານາທິບໍດີ ອາເມລິກາ(ພາບປະກອບ)
      າມຖະແຫຼງການຂອງທຳນຽບຂາວແລ້ວ, ໃນການໂອ້ລົມທາງໂທລະສັບ, ການນຳ 2 ທ່ານໄດ້ປຶກສາຫາລືກ່ຽວກັບການເພີ່ມທະວີການສົມທົບກັນເຄື່ອນໄຫວຢູ່ ຊີຣີ ແລະ ອີຣັກ, ກໍ່ຄືບັນດາມາດຕະການ “ສະກັດກັ້ນການເພີ່ມທະວີຜົນສະທ້ອນຈາກ ອີຣານ”. 2 ຝ່າຍພ້ອມກັນແລກປ່ຽນກ່ຽວກັບບັນດາຄວາມມານະພະຍາຍາມຊອກຫາມາດຕະການການເມືອງຢູ່ ລີບີ ແລະ ສະກັດກັ້ນບັນດາການເຄື່ອນໄຫວກໍ່ການຮ້າຍຢູ່ເຂດ Sahel ຂອງ ອາບຟຣີກາ. ສຳລັບບັນຫາ Venezuela, ທ່ານປະທານາທິບໍດີ Trump ແລະ ຄູ່ຕຳແໜ່ງ Macron ໄດ້ເຫັນດີເປັນເອກະສັນວ່າ ອຳນາດການປົກຄອງຂອງທ່ານ ປະທານາທິບໍດີ Nicola Maduro ຕ້ອງ “ຟື້ນຟູສິດຂອງປະຊາຊົນ Venezuela”, ໃນສະພາບການທີ່ສະພາແຫ່ງຊາດຊຸດໃຫມ່ຂອງ Venezuela ໄດ້ສະເໜີຕົວຢ່າງເປັນທາງການໃນວັນທີ 4 ສິງຫາ.
(ແຫຼ່ງຄັດຈາກ VOV)