22/12/2014 06:34 GMT+7 Email Print Like 0

ປະທານາທິບໍດີ ລັດເຊຍ ຮຽກຮ້ອງ ບັນດາອົງການປ້ອງກັນຄວາມສະຫງົບ ຮັບມືກັບການທ້າທາຍໃໝ່

(ປະທານາທິບໍດີ​ລັດ​ເຊຍ Vladimir Putin)

ວັນ​ທີ 20/12, ປະທານາທິບໍດີ​ລັດ​ເຊຍ Vladimir Putin ໄດ້ຮຽກຮ້ອງ​ບັນດາ​ອົງການ​ປ້ອງ​ກັນ​ຄວາມ​ສະຫງົບ​ຮັບ​ມື​ກັບ​ການ​ທ້າ​ທາຍ​ ແລະ ການ​ຂົ່ມຂູ່​ໃນ​ປະຈຸ​ບັນ. ການ​ກະທຳ​ນີ້​ດຳ​ເນີນ​ໄປ​ໃນ​ສະພາບ​ທີ່​ການ​ພົວພັນ​ລະຫວ່າງ​ລັດ​ເຊຍ ແລະ ຝ່າຍ​ຕາ​ເວັນ​ຕົກ​ພວມ​ເຄັ່ງ​ຕຶງ, ເຊິ່ງກ່ຽວຂ້ອງ​ເຖິງ​ວິ​ກິດ​ການ​ຢູ່ ຢູ​ແກຼນ. ປະທານາທິບໍດີ​ Vladimir Putin ໄດ້​ຮຽກຮ້ອງ​ຄື​ດັ່ງກ່າວ, ເນື່ອງ​ໃນ​ໂອກາດ​ວັນ​ມູນ​ເຊື້ອ​ຂອງ​ກຳລັງ​ປ້ອງ​ກັນ​ຄວາມ​ສະຫງົບ​ລັດ​ເຊຍ. ທ່ານ​ເນັ້ນ​ໜັກ​ວ່າ, ການ​ຂົ່ມຂູ່ ແລະ ການ​ທ້າ​ທາຍ​ໃນ​ປະຈຸ​ບັນ, ພ້ອມ​ກັບ​ບັນດາ​ປັດ​ໃຈ​ກໍ່​ຄວາມ​ຂາດ​ສະຖຽນ​ລະ​ພາບ​ທີ່​ຫາ​ກໍ່​ປະກົດ​ນັ້ນ, ໄດ້​ຮຽກຮ້ອງ​ໃຫ້​ຍົກ​ສູງ​ກຳລັງ​ຄວາມ​ສາມາດ​ຂອງ​ທັງ​ລະບົບບັນດາ​ອົງການ​ປ້ອງ​ກັນ​ຄວາມ​ສະຫງົບ​ພາຍ​ໃນ​ປະ​ເທດ. ທ່ານ​ໃຫ້​ຮູ້​ວ່າ, ບັນດາ​ໜ້າ​ທີ່​ຕົ້ນຕໍ​ຂອງ​ລັດ​ເຊຍ​ ແມ່ນ​ຕ້ອງ​ຕໍ່ສູ້​ຕ້ານ​ການ​ກໍ່​ການ​ຮ້າຍ​ສາກົນ ແລະ “ທຸກ​ກົນອຸບາຍ​ຂອງ​ບັນດາ​ອົງການ​ສອດ​ແນມ​ຕ່າງປະ​ເທດ​ເພື່ອ​ແນ​ໃສ່​ທຳລາຍ​ຜົນ​ປະ​ໂຫຍ​ດທາງ​ການ​ເມືອງ ແລະ ເສດຖະກິດ​ຂອງ​ລັດ​ເຊຍ”.

(​ແຫຼ່ງຄັດ​ຈາກ VOV)