18/02/2016 09:34 GMT+7 Email Print Like 0

ປະທານາທິບໍດີອາເມລິກາ ຮຽກຮ້ອງຫລຸດຜ່ອນຄວາມເຄັ່ງຕຶງຢູ່ທະເລຕາເວັນອອກ

ທ່ານ​ປະທານາທິບໍດີ ອາ​ເມ​ລິ​ກາ Brack Obama
(ພາບ: Reuters)
          ວັນ​ທີ 16/2, ທ່ານ​ປະທານາທິບໍດີ ອາ​ເມ​ລິ​ກາ Brack Obama ​ໄດ້​ຮຽກຮ້ອງ​ ​ບັນດາ​ຝ່າຍ​ກ່ຽວຂ້ອງ​ເຖິງ​ຄວາມ​ຂັດ​ແຍ້​ງອະທິປະ​ໄຕ​ຢູ່​ທະ​ເລ​ຕາ​ເວັນ​ອອກມີ “ບັນດາ​ບາດກ້າວ​​ແທດ​ຈິງ” ​ເພື່ອ​ແນ​ໃສ່​ຫລຸດຜ່ອນ​ຄວາມ​ເຄັ່ງ​ຕຶງ​ໃນ​ພາກ​ພື້ນ. ກ່າວ​ຄຳ​ເຫັນ​ທີ່​ການ​ປະຊຸມ​ຂ່າວ​ພາຍຫຼັງ​ກອງ​ປະຊຸມ​ຂັ້ນ​ສູງ​ພິ​ເສດ ອາ​ຊຽນ - ອາ​ເມ​ລິ​ກາ ດຳ​ເນີນ​ໄປ​ຢູ່ Sunnylands, ລັດ California, ທ່ານ​ປະທານາ​ທິບໍດີ Obama ​ໃຫ້​ຮູ້​ວ່າ: ທ່ານ ​ແລະ ບັນດາ​ການ​ນຳ​ຂອງບັນດາ​ປະ​ເທດ​ພາຄີ ອາ​ຊຽນ​ໄດ​້ປຶກສາ​ຫາລື​ກ່ຽວ​ກັບ​ຄວາມ​ຈຳ​ເປັນ​ຫລຸດຜ່ອນ​ຄວາມ​ເຄັ່ງ​ຕຶງ​ຢູ່​ທະ​ເລ​ຕາ​ເວັນ​ອອກ, ​ແລະ ​ເຫັນ​ດີ​ເປັນ​ເອກະ​ພາບກັນ​ວ່າ: ທຸກໆ​ຄວາມ​ຂັດ​ແຍ້​ງກັນ​ລະຫວ່າງ​​ຝ່າຍ​ຕ່າງໆ​ທີ່ຖະ​ແຫຼ​ງອະທິປະ​ໄຕ​ຢູ່​ທະ​ເລ​ຕາ​ເວັນ​ອອກ “ຕ້ອງ​ໄດ້​ຮັບ​ການ​ແກ້​ໄຂ​​ໂດຍ​ສັນຕິ ​ແລະ ຕາມ​ກົດໝາຍ”. ການ​ນຳ ອາ​ເມ​ລິ​ກາ ຊີ້​ແຈ້ງ​ວ່າບາດ​ກ້າວ​ແທ​ດຈິງ​ອາດ​ຈະ​ລວມມີ​ເລື່ອງ “ຢຸດຕິ​ການ​ເປີດ​ກ້ວາງ​ການ​ເຄື່ອນ​ໄຫວ​ບູລະນະ​ປະຕິສັງຂອນ, ກໍ່​ສ້າງ​ໃໝ່ ​ແລະ ຫັນ​ເປັນ​ການ​ທະຫານ​ຢູ່​ບັນດາ​ເຂດ​ຖືກ​ຂັດ​ແຍ້​ງກັນ”. ທະ​ເລ​ຕາ​ເວັນ​ອອກ​ກໍ່​ແມ່ນ​ໜຶ່ງ​ໃນ​ບັນດາ​ຫົວ​ຂໍ້​​ໄດ້​ນຳ​ມາ​ປຶກສາ​ຫາລື​ທີ່​ກອງ​ປະຊຸມ​ຂັ້ນ​ສູງ​ພິ​ເສດ ອາ​ຊຽນ - ອາ​ເມ​ລິ​ກາ, ທີ່ຈັດ​ຕັ້ງ​ໃນ​ວັນ​ທີ 15 – 16/2 ຢູ່ Sunnylands.
 (ແຫຼ່ງຄັດຈາກ VOV)