28/12/2014 15:49 GMT+7 Email Print Like 0

ປະທານາທິບໍດີລັດເຊຍ ໃຫ້ສັດຕະຍາບັນ ທິດສະດີການທະຫານ ສະບັບໃໝ່

(ທ່ານປະທານາທິບໍດີລັດເຊຍ V.Putin)

ວັນ​ທີ 26/12, ທ່ານ​ປະທານາທິບໍດີ​ລັດ​ເຊຍ​ V.Putin ໄດ້​ເຊັນລັດຖະດຳລັດໃຫ້​ສັດຕະຍາບັນ​ທິດ​ສະ​ດີກາ​ນທະຫານ​ສະບັບ​ໃໝ່ຂອງ​ສະຫະພັນ​ລັດ​ເຊຍ ໂດຍ​ຍົກ​ອອກບັນດາ​ໄພ​ນາບ​ຂູ່​ໃໝ່​ສຳລັບ​ປະ​ເທດ​ນີ້ ແລະ ບັນດາ​ມາດ​ຕະການ​ໂຕ້​ຕອບ. ທິດ​ສະ​ດີກາ​ນທະຫານ​ສະບັບ​ໃໝ່ສືບ​ຕໍ່​ຖື​ການ​ເປີດ​ກ້ວາງ​ຂອງ​ນາ​ໂຕ, ລະບົບ​ປ້​ອງກັນ​ລູກ​ສອນ​ໄຟ​ທົ່ວ​ໂລກ, ການ​​ແຜ່​ຂະຫຍາຍ​ອາວຸດ​ລ້າງຜານ ແລະ ການ​ລຸກ​ຂຶ້ນ​ຂອງ​ລັດທິ​ກໍ່​ການ​ຮ້າຍ​ແມ່ນ​ບັນດາ​ໄພ​ນາບ​ຂູ່​​ຈາກ​ພາຍ​ນອກ. ບັນດາ​ໄພ​ນາບ​ຂູ່​ໃໝ່​ຊື່​ງລັດ​ເຊຍ​ໄດ້​ເພີ່ມ​ເຕີມລວມມີ: ທິດ​ສະ​ດີ​ບຸກ​ໂຈມ​ຕີ​ທົ່ວ​ໂລກ​ຂອງ​ອາ​ເມ​ລິ​ກາ, ບັນດາ​ຄຳ​ຮຽກຮ້ອງ​ດ້ານ​ຜືນ​ແຜ່​ດິນ, ການ​ແຊກ​ແຊງ​ເຂົ້າວຽກ​ງານ​ພາຍ​ໃນ​ຂອງ​ລັດ​ເຊຍ ແລະ ບັນດາ​ປະ​ເທດ​ສຳພັນ​ທະ​ມິດ​ຂອງ​ລັດ​ເຊຍ, ບັນດາ​ການ​ປະ​ທະ​ກັນ​ປະກອບ​ອາວຸດ​ຢູ່​ມໍ່​ກັບ​ເຂດ​ຊາຍ​ແດນ​ລັດ​ເຊຍ./.

 (​ແຫຼ່ງຄັດ​ຈາກ VOV)