30/08/2018 10:33 GMT+7 Email Print Like 0

ປະທານປະເທດເຈີ່ນດ້າຍກວາງສິ້ນສຸດການຢ້ຽມຢາມທາງລັດຖະກິດຢູ່ອີຢິບ

ຕອນຄ່ຳວັນທີ 28 ສິງຫາ, ຕາມເວລາທ້ອງຖິ່ນ, ທ່ານປະທານປະເທດຫວຽດນາມ ເຈີ່ນດ້າຍກວາງ ແລະ ພັນລະຍາ ໄດ້ເດີນທາງອອກຈາກນະຄອນຫຼວງກາຍໂຣ, ສິ້ນສຸດການຢ້ຽມຢາມທາງລັດຖະກິດຢູ່ສ.ອີຢິບ ໃນລະຫວ່າງວັນທີ 25 – 28 ສິງຫາ, ຕາມຄຳເຊີນຂອງທ່ານປະທານາທິບໍດີອີຢິບ Abdel Fattah Al Sisi.


ທ່ານປະທານປະເທດ ເຈີ່ນດ້າຍກວາງ ຕ້ອນຮັບຄະນະຜູ້ແທນສະຫະພັນບັນດາຫ້ອງການການຄ້າອີຢິບ

(ພາບ: nhandan.com.vn)

ກ່ອນທີ່ເດີນທາງກັບເມືອປະເທດ, ຕອນບ່າຍວັນດຽວກັນ, ທ່ານປະທານປະເທດ ເຈີ່ນດ້າຍກວາງ ໄດ້ຕ້ອນຮັບຄະນະຜູ້ແທນສະຫະພັນບັນດາຫ້ອງການການຄ້າອີຢິບ. ທີ່ການຕ້ອນຮັບ, ທ່ານປະທານປະເທດ ເຈີ່ນດ້າຍກວາງ ໄດ້ຕີລາຄາສູງການພົວພັນຮ່ວມມືຫຼາຍດ້ານລະຫວ່າງ 2 ປະເທດໃນໄລຍະຜ່ານມາ ແລະ ຖືວ່າ ການພົວພັນຮ່ວມມືດ້ານເສດຖະກິດ, ການຄ້າລະຫວ່າງ 2 ຝ່າຍຍັງບໍ່ທັນເໝາະສົມກັບຄວາມສາມາດບົ່ມຊ້ອນຂອງ 2 ປະເທດເທື່ອ. ທ່ານປະທານປະເທດ ເຈີ່ນດ້າຍກວາງ ຢືນຢັນວ່າ, ຫວຽດນາມ ພ້ອມແລ້ວທີ່ຈະສ້າງເງື່ອນໄຂສະດວກເພື່ອໃຫ້ວິສາຫະກິດອີຢິບ ເຊືຶ່ອມຕໍ່, ດຳເນີນບັນດາການເຄື່ອນໄຫວສຳຫຼວດຕະຫຼາດ, ສົ່ງເສີມດ້ານການຄ້າ, ການລົງທຶນ ແລະ ທ່ອງທ່ຽວຢູ່ຫວຽດນາມ ກໍຄືສົ່ງເສີມບັນດາວິສາຫະກິດຫວຽດນາມ ໄປຄົ້ນຄວ້າ, ລົງທຶນ ແລະ ດຳເນີນທຸລະກິດຢູ່ອີຢິບ.

(ແຫຼ່ງຄັດຈາກ VOV)