27/03/2018 09:42 GMT+7 Email Print Like 0

ປະທານປະເທດ ເຈີນດ້າຍກວາງ ພົບປະພະນັກງານຄະນະຊາວໜຸ່ມ ດີເດັ່ນ ຮັບລາງວັນ ຫຼີຕຶຈ້ອງ ປີ 2018

ຕອນເຊົ້າວັນທີ 26 ມີນາ ທີ່ນະຄອນຫຼວງຮ່າໂນ້ຍ, ທ່ານປະທານປະເທດຫວຽດນາມ ເຈີນດ້າຍກວາງ ໄດ້ພົບປະກັບພະນັກງານຄະນະຊາວໜຸ່ມຜູ້ດີເດັ່ນທົ່ວປະເທດ ທີ່ໄດ້ຮັບການຍ້ອງຍໍຊົມເຊີຍ ແລະ ເປັນກຽດໄດ້ຮັບລາງວັນ ຫຼີຕຶຈ້ອງ  ປີ 2018 ລວມ 87 ຄົນ

ທ່ານປະທານປະເທດເຈີນດ້າຍກວາງກ່າວຄຳເຫັນທີ່ການພົບປະ
 

ກ່າວຄຳເຫັນທີ່ການພົບປະ, ຕາງໜ້າການນຳພັກ, ລັດ, ທ່ານປະທານປະເທດເຈີນດ້າຍກວາງ ຕີລາຄາສູງ ເລື່ອງສູນກາງຄະນະຊາວໜຸ່ມ ກອມມູນິດໂຮ່ຈີ໋ມິນ ໄດ້ສືບຕໍ່ຮັກສາ ການມອບລາງວັນອັນສູງສົ່ງທີ່ໃສ່ຊື່ຂອງນັກວິລະຊົນຜູ້ເສຍສະຫຼະຊີວິດເພື່ອຊາດ ຫຼີຕຶຈ້ອງໄວ້ເປັນຢ່າງດີ. ທ່ານປະທານປະເທດ ເຈີນດ້າຍກວາງ ປາດຖະໜາວ່າ:

        “ພະນັກງານ, ສະມາຊິກຄະນະຊາວໜຸ່ມ, ໄວໜຸ່ມແຕ່ລະຄົນຕອ້ງເຊື່ອມຊຶມອຸດົມການເອກະລາດແຫ່ງຊາດ ຕິດພັນກັບສັງຄົມນິຍົມ, ມີຄຸນສົມບັດທາງດ້ານການເມືອງໝັ້ນຄົງ, ເຂັ້ມແຂງ, ຕ້ອງສືບທອດມູນເຊື້ອຂອງຄົນລຸ້ນກ່ອນໄດ້ປະໄວ້ໃຫ້. ບັນດາສະຫາຍຕ້ອງຈັດຕັ້ງໂຄສະນາເຜີຍແຜ່, ສຶກສາອົບຮົມ, ກຳນົດທິດໃຫ້ແກ່ພະນັກງານຄະນະຊາວໜຸ່ມ, ສະມາຄົມ, ກອງເຍົາວະຊົນໂຮ່ຈີມິນນຳໜ້າ, ສະມາຊິກຄະນະຊາວໜຸ່ມ, ໄວໜຸ່ມ, ອະນຸຊົນ ມຸ່ງໄປເຖິງບັນດາຄຸນຄ່າອັນດີງາມ, ຍາມໃດກໍມີຄວາມໃຝ່ຝັນ ແລະ ຄວາມປາຖະໜາກ້າວຂຶ້ນ, ມີວິຖີຊີວິດທີ່ດີງາມ, ມີຜົນປະໂຫຍດ, ມີຄວາມຮັບຜິດຊອບກັບຕົນເອງ, ຄອບຄົວ ແລະ ສັງຄົມຕາມແນວຄວາມຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ”.

(ແຫຼ່ງຄັດຈາກ VOV)