26/06/2017 09:41 GMT+7 Email Print Like 0

ປະທານປະເທດ ຫວຽດນາມ ຕ້ອນຮັບປະທານສະພາແຫ່ງຊາດ ກຳປູເຈຍ

      ຕອນບ່າຍວັນທີ 24 ມິຖຸນາ, ທີ່ການຕ້ອນຮັບທ່ານປະທານສະພາແຫ່ງຊາດ ກຳປູເຈຍ Samdech Heng Samrin ພວມຢູ່ຢ້ຽມຢາມ ຫວຽດນາມ ຢ່າງເປັນທາງການ, ທ່ານປະທານປະເທດ ຫວຽດນາມ ເຈີ່ນດ້າຍກວາງ ຖືວ່າ

ທ່ານ ປະທານປະເທດ ຫວຽດນາມ ຕ້ອນຮັບທ່ານ ປະທານສະພາແຫ່ງຊາດ ກຳປູເຈຍ
      ການຢ້ຽມຢາມຂັ້ນສູງຂອງທ່ານປະທານສະພາແຫ່ງຊາດ ກຳປູເຈຍ ຖືກດຳເນີນໃນໂອກາດ 2 ປະເທດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ (24/06/1967 – 24/06/2017), ປະກອບສ່ວນສຳຄັນເຂົ້າໃນການປັບປຸງ ແລະ ເພີ່ມທະວີການພົວພັນ “ບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານ” ລະຫວ່າງ 2 ປະເທດກ່ວາອີກ. ທ່ານປະທານປະເທດເຊື່ອໝັ້ນວ່າ: ພາຍໃຕ້ການຄອງລາດຊະວົງຂອງກະສັດແຫ່ງລາດຊະອານາຈັກ ກຳປູເຈຍ ພະບໍລົມມະນຽດ Norodom Sihamoni ແລະ ການຊິີ້ນຳນຳພາຂອງສະພາສູງ, ສະພາແຫ່ງຊາດ, ລັດຖະບານລາຊະອານາຈັກ ກຳປູເຈຍ ໂດຍພັກປະຊາຊົນ ກຳປູເຈຍ ເປັນແກ່ນສານ, ປະຊາຊົນ ກຳປູເຈຍ ອ້າຍນ້ອງຈະສືບຕໍ່ບັນລຸຜົນງານໃໝ່ທີ່ຍິງໃຫຍ່ກ່ວາອີກ ໃນພາລະກິດກໍ່ສ້າງລາຊະອານາຈັກ ກຳປູເຈຍ ສັນຕິພາບ, ສະຖຽນລະພາບ ແລະ ພັດທະນາວັດທະນາຖາວອນຢ່າງສຳເລັດຜົນ.
        ສ່ວນທ່ານປະທານສະພາແຫ່ງຊາດ ກຳປູເຈຍ Samdech Heng Samrin ໄດ້ແຈ້ງບັນດາຜົນງານຢ່າງມີໄຊຂອງພັກປະຊາຊົນ ກຳປູເຈຍ ໃນການເລືອກຕັ້ງສະພາປະຊາຊົນຂັ້ນຕາແສງໃນໄລຍະມໍ່ໆມານີ້ ແລະ ຢືນຢັນວ່າ ປະຊາຊົນ ກຳປູເຈຍ ຍາມໃດກໍ່ຈົດຈຳບຸນຄຸນຂອງທະຫານອາສາສະໝັກ ຫວຽດນາມ ປະຕິບັດພັນທະສາກົນປົດປ່ອຍປະຊາຊົນ ກຳປູເຈຍ ຫລຸດພົ້ນຈາກລະບອບດັບສູນເຊື້ອຊາດ Pol Pot. ທ່ານປະທານ Samdech Heng Samrin ອວຍພອນໃຫ້ນ້ຳໃຈສາມັກຄີ, ມິດຕະພາບລະຫວ່າງ 2 ປະເທດ ກຳປູເຈຍ - ຫວຽດນາມ ນັບມື້ນັບພັດທະນາ.
 (ແຫຼ່ງຄັດຈາກ VOV)