18/01/2015 00:23 GMT+7 Email Print Like 0

ປະທານປະເທດ: ຈິດໃຈປະຊາຊົນ ແມ່ນເຄື່ອງຄ້ຳຂອງຄູນແຫ່ງຊາດ, ປະເທດຊາດ ແລະ ປະຊາຊົນແມ່ນສິ່ງສູງສຸດ *

ເນື່ອງໃນໂອກາດສະເຫລີມສະຫລອງ ຕ້ອນຮັບປີໃໝ່ 2015, ສະຫາຍ ເຈືອງເຕີ໋ນຊາງ, ກຳມະກາກົມການເມືອງ ສູນກາງພັກ, ປະທານປະເທດ ແຫ່ງ ສສ.ຫວຽດນາມ ໄດ້ມີ ບົດຂຽນ ທີ່ວ່າ: “ຊອກຫາໂອກາດ, ເສີມຂະຫຍາຍກຳລັງແຮງ ຂອງທົ່ວປວງຊົນ, ປົກປັກ ຮັກສາ ສິດຜົນປະໂຫຍດ ຂອງຊາດ ແລະ ປະຊາຊົນ, ນໍາເອົາປະເທດຊາດ ສືບຕ່ໍ ກ້າວຂຶ້ນ”. ວາລະສານຂ່າວພາບ ຫວຽດນາມ ຂໍຖືເປັນກຽດນຳສະເໜີ ບົດຂຽນດັ່ງກ່າວ ມາຍັງ ທ່ານຜູ້ອ່ານ ທັງພາຍໃນ ແລະ ຕ່າງປະເທດດັ່ງນີ້:


 ສະຫາຍເຈືອງເຕິນຊາງ, ກຳມະການກົມການເມືອງ, ປະທານປະເທດ ສສ.ຫວຽດນາມ. ພາບ: VNA
“ສຳລັບພວກເຮົາ, ປີ 2014 ແມ່ນປີໜຶ່ງ ທີ່ເຕັມໄປດ້ວຍຄວາມ ຫຍຸ້ງຍາກລຳບາກ, ປະເຊີນກັບພາຍຸລົມແດງ ແລະ ສິ່ງທ້າທາຍນາໆປະການ. ແຕ່ແລ້ວ, ພວກເຮົາກ່ໍສາມາດ ຜ່ານພົ້ນໄປໂດຍດີ. ເຖິງແມ່ນວ່າເມື່ອຫລຽວຄືນຫຼັງ, ພວກເຮົາຍັງເຫັນຢູ່ຄວາມອົບອຸ່ນ ແລະ ຄວາມເຢືອກເຢັນ, ຄວາມມ່ວນຊື່ນ ແລະ ຄວາມ ຫງວ່ມເຫງົາສະຫຼັບກັນ, ຍັງມີ ຫລາຍສິ່ງຫລາຍຢ່າງ ຂ້ອງຄາໃຈ ທີ່ບໍ່ມີຜູ້ໃດ ທີ່ບໍ່ແນມເຫັນ ແລະ ພວມຮ່ວມອົກຮ່ວມໃຈກັນເພື່ອປັບປຸງ ແກ້ໄຂ.

ເມື່ອລະດູບານໃໝ່ ປີ 2015 ພວມໝູນວຽນ ມາ ເຖິງ, ທົ່ວປວງຊົນຫວຽດນາມທັງຊາດ ມີຄວາມເບີກບານມ່ວນຊື່ນ, ມີພະລັງແຮງໃໝ່ ແລະ ຄວາມ ຕັດສິນໃຈໃໝ່, ສືບຕໍ່ ພະ ຍາຍາມ ເພື່ອຄວາມ ສຳເລັດຂອງປີໃໝ່ ທີ່ປະກອບດ້ວຍ ຫຼາຍ ເຫດການໃຫຍ່ຄື: 85 ປີແຫ່ງການສ້າງຕັ້ງພັກ, 70 ປີ ແຫ່ງການ ສະຖາປະນາປະເທດ ສ.ສ. ຫວຽດນາມ, 40 ປີ ແຫ່ງການປົດ ປ່ອຍພາກໃຕ້ ແລະ ທ້ອນໂຮມ ປະເທດຊາດເປັນເອກະພາບ, 125 ປີ ວັນຄ້າຍວັນເກີດຂອງ ທ່ານປະທານ ໂຮ່ຈີມິນ, 30 ແຫ່ງ ການປ່ຽນໃໝ່ບົນເສັ້ນທາງ ສັງຄົມນິຍົມ, ກ້າວໄປ ສູ່ກອງ ປະ ຊຸມໃຫຍ່ຄັ້ງທີ XII ຂອງພັກ… ດ້ວຍວິໄສທັດໃໝ່, ພາລະກຳ ໃໝ່, ພະລັງແຮງໃໝ່, ວິທີການກະທຳໃໝ່ ແລະ ຄວາມເຊື່ອໝັ້ນ ຕ່ໍຜົນສຳເລັດໃໝ່.

ກ່ອນລະດູບານໃໝ່ມາເຖິງ, ຫວນຄືນຫລັງ, ພວກເຮົາທົບທວນເບີ່ງຕົນເອງ, ຄິດຫງໍາຕໍ່ພາລະກິດໃຫຍ່, ເປີດກ້ວາງສາຍຕາ, ກະກຽມເຄື່ອງຂອງ, ສືບຕໍ່ເປັນເຈົ້າການ ແລະ ຢຶດໝັ້ນເສັ້ນທາງເດີນ.


ພັດທະນາຍືນຍົງ - ການເລືອກເຝັ້ນລະດັບຍຸດທະສາດ

ພວກເຮົາພວມດໍາລົງຊີວິດ ຢູ່ໃນສັງກາດ ຫັນເປັນທົ່ວໂລກ ຊຶ່ງມີທັງຄວາມສັບສົນຂອງກາລະໂອກາດ ແລະ ໄພອັນຕະລາຍ, ໂຊກຮ້າຍ ແລະ ທ້າທາຍຕ່າງໆ ສະຫລັບຊັບຊ້ອນກັນ, ມີການ ຜັນປ່ຽນ ທີ່ບ່ໍອາດ ພະຍາກອນໄດ້ລ່ວງໜ້າ, ຫລືຖອຍຫຼັງ, ໝາຍຄວາມວ່າ ຖືກປະປ່ອຍ ຫຼື ວ່າບຸກທະລຸ, ກ້າວບືນຕົວຂຶ້ນ ເພື່ອທັນກັບສະພາບການ, ເປັນເຈົ້າຂອງຊາຕາກໍາຕົນເອງ. ແຕ່ຖ້າຢຸດນິ້ງຢູ່ບ່ອນເກົ່າ ກໍ່ໝາຍຄວາມວ່າ ຖອຍຫລັງ. ຖ້າຫາກຖອຍຫລັງ ໂດຍສະເພາະແມ່ນຖອຍຫຼັງ ທາງດ້ານເສດຖະກິດ ນັ້ນກໍ່ ຄືເປັນໄພອັນຕະລາຍ ເຊິ່ງກ່ອນນີ້ ຊາວປີຄື ເດືອນມັງກອນ 1994 ພັກເຮົາໄດ້ມີການກ່າວເຕືອນແລ້ວ ແລະ ຕະຫຼອດສອງ ທົດສະວັດຜ່ານມາ, ທົ່ວທັງຊາດເຮົາໄດ້ ບຸກໜ້າບືນຕົວຢ່າງ ບ່ໍຢຸດຢັ້ງ ເພື່ອຜ່ານຜ່າ.

ດ້ວຍເຫດນັ້ນ, ກວ່າຍາມໃດໝົດ ເສັ້ນທາງດຽວທີ່ຖືກຕ້ອງ ແມ່ນ ພວກເຮົາຕ້ອງບືນຕົວຂຶ້ນ, ພັດທະນາປະເທດຊາດ ໃຫ້ໝັ້ນຄົງ ໃນເມື່ອບາດກ້າວເດີນ ຂອງມວນມະນຸດ ບໍ່ລໍຖ້າຜູ້ໃດ, ການແກ້ງ ແຍ່ງແຂ່ງຂັນກັນ ທົ່ວໂລກ ຍາມໃດກໍ່ແອບແຝງ ໄພອັນຕະລາຍ ແຫ່ງຄວາມ “ເປັນຕາຍ”, ບ່ໍເວັ້ນປະເທດໃດ, ຊາດໃດກໍ່ຕາມ. ເຮັດໃຫ້ການຊັ່ງຊາ ກຳລັງ ລະຫວ່າງປະເທດ, ພາກພື້ນຕ່າງໆ ໃນໂລກ ມີການປ່ຽນແປງເລື້ອຍໆ. ຖ້າຖອຍຫຼັງ ແມ່ນຈະຖືກຫັນເປັນທົ່ວໂລກກາຍໄປ, ກົດໃຫ້ຈົມລົງ, ສຸດທ້າຍຂຶ້ນກັບ ແລະ ການເປັນ“ ສະໜາມຫຼັງບ້ານ” ຂອງຜູ້ອື່ນ, ບ່ໍສາມາດດັດແປງຊີວິດການເປັນຢູ່ ຂອງປະຊາຊົນ ໃຫ້ດີ ຂຶ້ນໄດ້. ຍິ່ງໄປກວ່າ ນັ້ນ, ຖ້າຫາກຖອຍຫລັງແລ້ວກ່ໍຍາກ ທີ່ຈະ ປົກປັກຮັກສາຄວາມເປັນ ເອກະລາດ, ອະທິປະໄຕຂອງປະເທດຊາດໄວ້ໄດ້ ແລະ ຍາກທີ່ຈະ ຫາບ່ອນຢືນ ທີ່ສົມສັກສີໄດ້ ໃນເວທີສາກົນ, ຍັງບ່ໍທັນເວົ້າຊໍ້າວ່າຈະ ສະຫງ່າງາມ ຄຽງບ່າຄຽງໄຫລ່ກັບ ບັນດາປະເທດ ມະຫາ ອໍານາດໃນໂລກ.

ພັດທະນາຢ່າງໝັ້ນຄົງ, ຫຍໍ້ໄລຍະຫ່າງດ້ານ ການພັດທະນາ ເສດຖະກິດ ກັບບັນດາປະເທດທີ່ກ້າວໜ້າ ໃນພາກພື້ນ ແລະ ໃນໂລກ, ແນໃສ່ບັນລຸຈຸດໝາຍປະຊາຊົນຮັ່ງມີ, ປະເທດຊາດ ເຂັ້ມແຂງ ຊຶ່ງເປັນໜ້າທີ່ ຄວາມຮັບຜິດຊອບ ທີ່ບໍ່ອາດຫລີກລ້ຽງ, ມັນເປັນພາລະກໍາສັກກະລະບູຊາ, ເປັນກຽດສັກສີຂອງ ພວກ ເຮົາແຕ່ລະຄົນ. ຍ້ອນແນວນັ້ນ, ໃນປີ 2015 ແລະ ຊຸມປີ ທີ່ຈະມາເຖິງໃນຕໍ່ໜ້າ, ພວກເຮົາ ຕ້ອງສຸມສະຕິປັນຍາ, ເຮື່ອແຮງເພື່ອ ແກ້ໄຂ, ດັດແປງສິ່ງທີ່ເປັນ ອຸປະສັກ, ອັດຕັນ, ຈຳກັດຈຸດອ່ອນ, ນຳເສດຖະກິດແຫ່ງຊາດພົ້ນອອກຈາກ ສະພາບຖົດຖອຍທີ່ ແກ່ຍາວມາໄດ້ຫຼາຍປີແລ້ວນັ້ນ ພ້ອມທັງຟື້ນຟູ ຄືນໃໝ່ຖ່ວງທ່າຂະຫຍາຍຕົວ; ສືບຕໍ່ຍູ້ແຮງຂະບວນການປ່ຽນແປງໃໝ່, ການຫັນເປັນ ອຸດສາຫະກຳ, ຫັນເປັນທັນສະໄໝ, ເຊ່ືອມໂຍງ ສາກົນ; ເຮັດສຳເລັດໜ້າທີ່ປ່ຽນແປງໃໝ່ ຮູບຖານການຈະເລີນ ເຕີບໂຕເພື່ອສ້າງ ພື້ນຖານເສດຖະກິດ ໃຫ້ມີ ຄຸນະພາບໃໝ່, ລະດັບໃໝ່ ສູງຂຶ້ນກວ່າເກົ່າ. ການພັດທະນາແບບຍືນຍົງແມ່ນ ທາງເລືອກ ທີ່ມີລັກສະນະຍຸດທະສາດ ຂອງປະເທດເຮົາປັດ ຈຸບັນ. ພັດທະນາແມ່ນ ມ້ຫລາວັດແທກ ກ່ຽວກັບຄວາມມຸ່ງໝັ້ນ, ສະຕິປັນຍາ ຂອງຊາວຫວຽດນາມ ໃນຂະບວນການແກ້ງແຍ່ງແຂ່ງຂັນ ທົ່ວໂລກ ເພື່ອຈຸດໝາຍພັດທະນາປະເທດຊາດ. ການພັດທະນາຈະເປັນ ອັນຕັດສິນຊີ້ຂາດ ຮູບພາບ ອະນາຄົດຂອງ ປະເທດເຮົາ, ຈະເປັນຕົວກໍາກົດທີ່ຕັ້ງ, ບົດບາດ ແລະ ອິດທິພົນ ຂອງ ຫວຽດນາມໃນເວທີສາກົນ ໃນທົດສະວັດທີ່ຈະມາເຖິງ.

ປົກປັກຮັກສາ ຜົນປະໂຫຍດ ຂອງປະເທດຊາດ ແລະ ປະຊາຊົນ ແມ່ນຈຸດໝາຍສູງສຸດ.
ເປັນເວລາຫລາຍພັນປີມາແລ້ວ, ບັນພະບຸລຸດຂອງພວກ ເຮົາ ເຖິງ ວ່າຈະ ຕົກຢູ່ໃນສະພາບ ແນວໃດ, ຢືນຢູ່ຕ່ໍໜ້າສັດຕູຕົວໃດ ກ່ໍຕາມ ຍາມໃດກ່ໍຖືຜົນປະໂຫຍດ ຂອງປະເທດຊາດ ແລະ ປະຊາຊົນ ເປັນຈຸດໝາຍ ງສຸດ. ຍ້ອນແນວນັ້ນ, ຈຶ່ງສາມາດ ສ້າງຂຶ້ນໄດ້ພັດສະຖານ ອັນແໜ້ນໜາ ເພື່ອໃຫ້ລູກຫຼານສືບທອດກັນມາເຖິງທຸກວັນນີ້. ປະຫວັດສາດ ໄດ້ສະແດງ ໃຫ້ເຫັນວ່າ, ຖ້າຫາກເຮັດຜິດເຂວໄປຈາກສິ່ງເຫລົ່ານັ້ນ ກໍ່ແມ່ນ າເອົາໄພມາສູ່ຕົນເອງ, ບໍ່ເສຍປະເທດຊາດ, ບໍ່ກາຍເປັນ ຂ້ອຍຂ້າໃຫ້ແກ່ຜູ້ອື່ນກໍ່ນໍາເອົາປະຊາຊົນໄປສູ່ສະພາບ ລຳບາກກາກກຳ, ໝົ່ນໝອງ.

ໃນຍຸກສະໄໝປັດຈຸບັນ, ຂະນະທີ່ໝົດທັງໂລກ ກໍາລັງຍາດຊີງ ກັນ ເພື່ອຄວາມຢູ່ລອດ, ສັດຈະທໍາທີ່ວ່າ : “ບ່ໍມີສິ່ງໃດປະເສີດ ເລີດລ້ຳຍິ່ງກວ່າ ຄວາມເປັນເອກະລາດ, ອິດສະຫຼະເສລີ” ກໍ່ຍິ່ງຮຸ່ງ ແຈ້ງສະຫວ່າງກວ່າ ຍາມໃດໝົດ. ປະເທດເຮົາ ເຊື່ອມໂຍງກັບສາກົນ, ກັບເພື່ອນມິດທົ່ວໂລກ ແມ່ນ ເພື່ອ ຊອກຮູ້ ຮ່ຳຮຽນ ແລະ ຮັບເອົາສິ່ງຍອດຍິ່ງຂອງມວນມະນຸດ, ຂອງ ຍຸກສະໄໝ, ເພື່ອ ເຮັດໃຫ້ວັດທະນະທຳ ທີ່ເຕັມໄປ ດ້ວຍ ສີສັນຂອງຊາດ ອຸດົມສົມບູນຂຶ້ນຕື່ມ; ເພື່ອສາມາດຍາດແຍ່ງ ເອົາກຳລັງແຮງ ຈາກ ພາຍນອກ, ປຸກລະດົມໄດ້ ກຳລັງແຮງພາຍ ໃນ, ຫັນກໍາລັງແຮງພາຍນອກ ໃຫ້ກາຍເປັນ ກໍາລັງແຮງ ພາຍໃນປະເທດ, ສ້າງສາພັດທະນາປະເທດຊາດ ໃຫ້ຮັ່ງມີເຂັ້ມແຂງ ຮຸ່ງເຮືອງຖາວອນ, ສາມາດຄຽງບ່າຄຽງໄຫລ່ ກັບບັນດາ ປະເທດມະຫາອໍານາດໃນໂລກ, ປະຊາຊົນເຮົາມີຊີວິດ ການເປັນຢູ່ທີ່ດີກິນອີ່ມ ນຸ່ງອຸ່ນ, ມີສິດເສລີພາບ, ມີຄວາມຜາສຸກ, ເດັດຂາດບໍ່ໃຫ້ຕົກຕໍ່າ, ບໍ່ໃຫ້ທົດຖອຍ ແລະ ຂຶ້ນກັບຜູ້ອື່ນ.

ພູຜາປ່າໄມ້, ແມ່ນໍ້າລໍາເຊ ເປັນພັນພັນປີມາແລ້ວທີ່ປູ່ຍ່າຕາຍາຍປະໄວ້ໃຫ້. ເພາະສະນັ້ນ,ລຸ້ນລູກລຸ້ນຫຼານຂອງພວກເຮົາ ແລະ ລຸ້ນຕໍ່ໆໄປ ມີພັນທະ ແລະ ໜ້າທີ່ຮັບຜິດຊອບອັນສັກ ກາລະບູຊາ ແມ່ນຕ້ອງ ປົກປັກຮັກສາ, ເດັດຂາດບໍ່ໃຫ້ເສຍ ເຖິງຈະພຽງ ຄືບມືໜຶ່ງກໍ່ຕາມ.

ຕະຫລອດໄລຍະເວລາຫຼາຍພັນປີ ຫ່ງການປົກປັກຮັກສາ ແລະສ້າງສາປະເທດຊາດ, ຫວຽດນາມພວກເຮົາ ໄດ້ຜ່ານຂະບວນການ ລຸກຮືຂຶ້ນ ຕ່ໍສູ້ຕ້ານພວກຮຸກຮານ ເປັນຮ້ອຍໆຂະບວນການ ທັງໜ້ອຍ ແລະ ໃຫຍ່ ທີ່ເຕັມໄປດ້ວຍ ການເສຍສະຫລະຊີວິດ ແລະ ເລືອດເນື້ອ; ໃນສະພາບຫົວລ້ຽວຫົວຕໍ່, ອັດຕະຄັດ, ພວກເຮົາໄດ້ຍົກສູງນໍ້າໃຈ “ເຖິງວ່າ ຈະຕ້ອງສະແຫ້ງທະເລຕາເວັນ ອອກ“, “ເຖິງວ່າຈະຕ້ອງເຜົາກ້ຽງສາຍພູ ຫຼວງ” ກ່ໍຕ້ອງຕັດສິນໃຈຍາດເອົາກັບຄືນມາ ແລະ ປົກປັກ ຮັກ ສາໄວ້ໃຫ້ໝັ້ນຄົງເອກະລາດ, ອິດສະຫຼະເສລີ, ອໍານາດອະ ທິປະ ໄຕ ແລະ ຜືນແຜ່ນດິນອັນຄົບຖ້ວນ ຂອງປະເທດຊາດ . ປັດຈຸ ບັນ, ປະຊາຊົນ ວຽດນາມ 90 ກວ່າລ້ານຄົນ ສະໝັກໃຈເຮັດ ສຸດຄວາມສາມາດຂອງຕົນ, ເອົານໍ້າໃຈ ແລະ ກຳລັງ ແຮງ ທັງໝົດ ນັບທັງຊີວິດອິນຊີ ແລະ ຊັບສິນ, ກຽມພ້ອມ ອຸທິດເລືອດເນື້ອ ເພື່ອສິ່ງສັກກາລະບູຊາອັນ ລ້ຳຄ່ານັ້ນ.

ນີ້ແມ່ນຈຸດໝາຍ ທີ່ພວກເຮົາກຽມພ້ອມ ເພື່ອຈະ ຜ່ານຜ່າ ທຸກ ອຸປະສັກສິ່ງກີດຂວາງ, ສູ້ຊົນປະຕິບັດໃຫ້ໄດ້ ແລະ ນັ້ນກ່ໍແມ່ນ ພື້ນຖານເພ່ືອໃຫ້ພວກເຮົາ ກຳນົດວຽກໃດ ທີ່ຈະຕ້ອງ ເຮັດກ່ໍຄືຕ້ອງ ຫຼີກເວັ້ນ, ດັ່ງຄຳເວົ້າ ອງລຸງໂຮ່ວ່າ: ສິ່ງໃດ ມີຄຸນປະໂຫຍດແກ່ປະຊາຊົນ, ໃຫ້ແກ່ປະເທດຊາດແມ່ນ ຕ້ອງອອກແຮງເຮັດ, ສິ່ງໃດສ້າງຄວາມເສຍຫາຍໃຫ້ແກ່ປະຊາຊົນ, ໃຫ້ແກ່ປະເທດຊາດ ແມ່ນຕ້ອງອອກແຮງຫລີກເວັ້ນ; ນັ້ນກ່ໍແມ່ນ ນທັດຖານ ເພື່ອໃຫ້ ພວກເຮົາຮູ້ວ່າ, ໃຜເປັນ ເພື່ອນມິດ, ໃຜແມ່ນສັດຕູ, ໃຜແມ່ນຄູ່ຮ່ວມມື, ໃຜແມ່ນເປົ້າ ໝາຍ ໃນ ແຕ່ລະຂົງເຂດ, ແຕ່ລະສະຖານະການ, ສະພາບການທີ່ລະອຽດ. ທັດສະນະ ຂອງພັກເຮົາແມ່ນ: ຜູ້ໃດກໍ່ຕາມ ຖ້າຫາກເຄົາລົບເອກະລາດ, ອໍານາດອະທິ ປະໄຕ, ສ້າງສາຍ ພົວ ພັນມິດຕະພາບ ແລະ ເປີດກວ້າງສາຍພົວພັນມິດຕະພາບ, ການຮ່ວມມື ສະເໝີພາບ ຕ່າງຝ່າຍຕ່າງມີ ຜົນປະໂຫຍດ ກັບຫວຽດນາມ ກໍ່ລ້ວນແຕ່ ແມ່ນຄູ່ຮ່ວມມື ຂອງພວກເຮົາ; ຖ້າອິດ ທິກຳລັງ ໃດກໍ່ຕາມ, ຖ້າຫາກມີກົນອຸບາຍ, ມີການກະທຳ ຕ້ານ ແລະ ທໍາລາຍຈຸດໝາຍ ຂອງ ປະເທດເຮົາ ໃນພາລະກິດ ປົກ ປັກຮັກສາ ແລະ ສ້າງສາປະເທດ ກໍ່ລ້ວນແຕ່ ແມ່ນເປົ້າ ໝາຍ ການຕ່ໍສູ້. ຂັດຂວາງທ່ວງທ່າ, ທໍາລາຍຜົນປະໂຫຍດ ຂອງປະເທດຊາດ ແລະ ປະຊາຊົນ ແມ່ນຂາຍຊາດ, ຂ້າຕົວຕາຍ, ມີໂທດກໍາຕໍ່ບັນພະຊົນ, ຕ່ໍປູ່ຍ່າຕາຍາຍ, ເສຍຄວາມ ສັດທາ ແລະ ການໄວ້ວາງໃຈ ຈາກພີ່ນ້ອງປະຊາຊົນ 90 ກວ່າ ລ້ານຄົນ.


ເສີມຂະຫຍາຍ ຈິດໃຈຂອງປະຊາຊົນ ແມ່ນບົດຮຽນອັນເປັນພື້ນ ຖານ
ປະຫວັດສາດຂອງຊາດ ກ່ໍຄືຂອງບັນດາປະເທດ ໃນໂລກ ລ້ວນແຕ່ໄດ້ຢືນ ຢັນສັດຈະທຳທີ່ວ່າ: ປະຊາຊົນແມ່ນຜູ້ສ້າງ ປະຫວັດ ສາດ, ພະລັງແຮງຂອງປະຊາຊົນແມ່ນ ຊະນະເລີດ. ປະຊາຊົນຊຶ່ງເປັນຜູ້ດຸໝັ່ນ ຂະຫຍັນພຽນ, ຫລັງສູ່ຟ້າໜ້າສູ່ດິນ ເປັນຜູ້ບຸກເບີກຖາກຖາງ ເຮັດໃຫ້ປະເທດຊາດເກີດເປັນຮູບ ເປັນຮ່າງຂຶ້ນ ແລະ ກ່ໍແມ່ນປະຊາຊົນເອງ ທີ່ໄດ້ເອົາຊີວິດ ເລືອດເນື້ອ ເຫື່ອແຮງ ຂອງຕົນ ສ້າງເປັນກຳແພງ ອັນແໜ້ນແກ່ນ ເພື່ອປົກປັກຮັກສາ ປະເທດຊາດ ແລະ ບ້ານເກີດເມືອງນອນ ທີ່ຕົນສ້າງຂຶ້ນ ມາ.

ບັນພະບຸລຸດຂອງພວກເຮົາ, ຈາກການຈະເລີນຮຸ່ງເຮືອງ ກ່ໍຄືລົ້ມສະຫລາຍ ຂອງບັນດາກະສັດທັງຫລາຍ, ຈາກຂະບວນການຕໍ່ສູ້ ກູ້ຊາດ ຕ້ານການຮຸກຮານ ຈາກພາຍນອກ ໄດ້ສະສົມ ຖອດຖອນ ບົດຮຽນ, ຢັ້ງຢືນ ແລະ ສັ່ງສອນລຸ້ນລູກລຸ້ນຫລານໄວ້ວ່າ: ພາຍ ເຮືອໂດຍແມ່ນປະຊາຊົນ, ປິ້ນເຮືອກໍ່ແມ່ນປະຊາຊົນ; ລ້ຽງດູຖະ ນຸບຳລຸງ ກຳລັງແຮງ ຂອງ ປະຊາຊົນ ເພື່ອໃຫ້ຮາກຖານໝັ້ນໜຽວ ແມ່ນນະໂຍບາຍສູງສຸດ ເພື່ອ ປົກປັກຮັກສາ ປະເທດຊາດ; ປະເທດຕ້ອງຖື ປະຊາຊົນເປັນກົກເຄົ້າ, ກົກເຄົ້າ ຫາກ ແໜ້ນ ໜາ, ຕົ້ນໄມ້ຈຶ່ງໝັ້ນໜຽວ. ມີປະຊາຊົນແມ່ນມີ ທຸກສິ່ງຢ່າງ, ເສຍ ປະຊາຊົນແມ່ນເສຍ ໝົດທຸກຢ່າງ.

ປະຈຸບັນ, ຍຸກສະໄໝໂຮ່ຈີມິນ,ແນວຄິດປະຊາຊົນເປັນກົກເຄົ້າ, ກໍາລັງແຮງຂອງປະຊາຊົນແມ່ນຊະນະເລີດ, ງ່າຍຮ້ອຍເທົ່າ ຖ້າຫາກບໍ່ມີປະຊາຊົນກໍ່ຍອມ, ຍາກໝື່ນເທົ່າຖ້າມີປະຊາຊົນຮ່ວມແຮງ ກໍ່ເສັດສິ້ນ. ເຊື່ອມຊືມ, ນໍາໃຊ້ຢ່າງຄ່ອງແຄ້ວ ແລະ ເສີມຂະຫຍາຍເຖິງຂັ້ນສູງສຸດ ແນວຄິດດັ່ງກ່າວນີ້ໄດ້ກາຍເປັນພະລັງແຮງ ເພື່ອນໍາເອົາ ທຸກໄຊຊະນະມາສູ່ ການປະຕິວັດ ຫວຽດນາມຕະຫລອດ 85 ປີຜ່ານມາ.

ບັນດາຂະບວນການ ຕໍ່ສູ້ກູ້ຊາດຕ້ານຈັກກະພັດຮຸກຮານຂ ອງພວກເຮົາເໝືອນກັບ “ຕັກກະແຕນເຕະຊ້າງ” ແຕ່ກໍ່ສາມາດ ຕີເອົາຊະນະໄດ້ ກອງກຳລັງທີ່ໂຫດຮ້າຍ ແລະ ເຂັ້ມແຂງທີ່ສຸດ ໃນ ໂລກ. ນັ້ນແມ່ນສົງຄາມ ປະຊາຊົນ, ປະຊາຊົນທັງຊາດ ເຂົ້າຮ່ວມ, ທົ່ວປວງຊົນຕີຕ້ານສັດຕູ ເຊິ່ງກຳລັງຫຼັກແຫຼ່ງ ຕົ້ນຕໍແມ່ນກອງທັບ ທີ່ກຳເນີດ ມາຈາກປະຊາຊົນ, ຕ່ໍສູ້້ເພື່ອປະຊາຊົນ. ບັນດາ ຜົນ ສຳເລັດ ອັນຍິ່ງໃຫຍ່ ທີ່ຍາດມາໄດ້ໃນ 30 ປີ ແຫ່ງການ ປ່ຽນແປງໃໝ່ຜ່ານມາ ກ່ໍແມ່ນການ ປະກອບເຫື່ອແຮງ ອັນລໍ້າຄ່າ ຂອງທົ່ວປວງຊົນ ພາຍໃຕ້ການນຳພາຂອງພັກ.

ກໍາປັ່ນໃຫຍ່ອອກສູ່ທະເລກວ້າງ ຍ່ອມພົບກັບພະຍຸລົມແດງ. ທຸກວັນນີ້, ໃນພາລະກິດປ່ຽນແປງໃໝ່ ພວກເຮົາພວມ ສືບຕ່ໍກໍ່ສ້າງ ປະເທດຊາດ ໃຫ້ເຂັ້ມແຂງ, ປະຊາຊົນຮັ່ງມີ, ປະຊາທິປະໄຕ, ຍຸຕິທຳ, ສີວິໄລ” ແລະ ປົກປັກຮັກສາເຂດນໍ້າ, ແດນດິນ, ນ່ານ ຟ້າ, ທະເລ, ຊາຍແດນ, ໝູ່ເກາະຕ່າງໆ ທ່ີບັນພະຊົນໄດ້ປະໄວ້ໃຫ້, ປົກປັກ ຮັກສາໝາກຜົນ ຂອງການປະຕິວັດ ແລະ ຊີວິດ ອັນສະຫງົບສຸກ ຂອງປະຊາຊົນ. ຕໍ່ໜ້ານີ້, ກາລະໂອກາດ ແລະ ຄວາມສະດວກ ແມ່ນມີຫຼາຍ, ແຕ່ຄວາມຫຍຸ້ງຍາກ, ສິ່ງທ້າທາຍ ກ່ໍສຸດ ທີ່ດຸເດືອດຂ້ຽວຂາດ. ພວກຄົນບໍ່ດີຢາກກົດໜ່ວງ ຖ່ວງດຶງ, ຢາກ ກີດຂວາງເຮັດໃຫ້ ພວກເຮົາອ່ອນເພຍ ເພື່ອຫວັງຄອບງຳ ໄດ້ຢ່າງງ່າຍດາຍກໍ່ຍັງເຫລືອຢູ່; ບາງພວກກໍ່ຈ້ອງມອງແຊກຊືມລ່ວງລໍ້າແດນດິນ, ທະເລ, ເກາະດອນຕ່າງໆຂອງເຮົາ. ມີແຕ່ ຄວາມເປັນນໍ້າໜຶ່ງໃຈດຽວ, ເອກະພາບທົ່ວປວງຊົນ ແລະ ຄວາມສາມັກຄີເປັນປຶກແຜ່ນເທົ່ານັ້ນ ຈຶ່ງສາມາດຜ່ານຜ່າ ທຸກພະຍຸລົມແດງ ຂອງຍຸກສະໄໝ.

ຮັບໃຊ້ປະຊາຊົນຢ່າງສຸດຈິດສຸດໃຈ, ເບິ່ງແຍງດູແລ ແລະ ຍົກສູງຊີວິດການເປັນຢູ່ ທາງດ້ານວັດຖຸ ແລະ ຈິດໃຈ, ປົກປັກ ຮັກ ສາຄວາມ ສະຫງົບສຸກຂອງປະຊາຊົນແມ່ນພັນທະ, ຄວາມຮັບຜິດຊອບຂອງພັກ, ລັດ, ແມ່ນພາລະໜ້າທີ່ ຂອງພະນັກ ງານ, ສະມາຊິກພັກ, ລັດຖະກອນ ແລະ ພາລະກອນແຕ່ລະຄົນ ດັ່ງຄຳສັ່ງສອນຂອງລຸງໂຮ່ທີ່ເວົ້າວ່າ: “ປະຊາຊົນບ່ໍມີເກືອພຽງພໍ, ພັກຕ້ອງເອົາໃຈໃສ່, ປະຊາຊົນບ່ໍມີເຂົ້າກິນພຽງພໍ, ບໍ່ມີເຄື່ອງນຸ່ງອຸ່ນ ພຽງພໍພັກຕ້ອງເອົາໃຈໃສ່, ພວກຫລານນ້ອຍບ່ໍມີໂຮງຮຽນ, ພັກກ່ໍຕ້ອງເປັນຜູ້ເອົາໃຈໃສ່”, “ລະບອບຂອງພວກເຮົາແມ່ນ ລະບອບປະຊາທິປະໄຕ, ປະຊາຊົນເປັນເຈົ້າຂອງ, ລັດຖະບານ ເປັນຜູ້ຮັບ ໃຊ້ຂອງປະຊາຊົນ”, “ຖ້າປະຊາຊົນອຶດຫີວ, ພັກ ແລະ ລັດຖະບານມີໂທດ; ຖ້າປະຊາຊົນໜາວ, ເປັນໄຂ້, ໂງ່ຈ້າແມ່ນ ພັກ ແລະ ລັດຖະບານມີໂທດ”.

ແຕ່ລະອົງການຈັດຕັ້ງຂອງພັກ, ແຕ່ລະອົງການຈັດຕັ້ງຂອງລັດ , ພະນັກງານ, ສະມາຊິກພັກແຕ່ລະຄົນຕ້ອງຈົດຈຳ, ປະຕິບັດໃຫ້ ດີ ຄຳສັ່ງສອນຂອງລຸງໂຮ່; ສະກັດກັ້ນ, ຕີຖອຍບັນດາປະກົດການຫຍໍ້ທໍ້ເຊັ່ນ: ພະຍາດອາດຍາສິດ, ສ້ໍລາດບັງຫຼວງ, ຂົ່ມເຫັງ ປະຊາຊົນ, ເມີນເສີຍຕ່ໍ ຄວາມເດືອດຮ້ອນຂອງປະຊາຊົນ. ແນ່ ນອນຈະໄດ້ຮັບຄວາມຮັກ ແພງ, ເຊື່ອໝັ້ນ, ໄດ້ຮັບການ ສະໜັບ ສະໜູນຢ່າງສຸດຂີດຈາກປະຊາຊົນ, ກ້ອນມະຫາສາມັກຄີ ທົ່ວ ປວງຊົນ ຈະໄດ້ຮັບການປັບປຸງ, ເພີ່ມທະວີຂຶ້ນ. ພວກເຮົາບ່ໍ ຢ້ານ ກົວຕ່ໍສັດຕູໂຕໃດໝົດ ເຖິງວ່າມັນຈະໂຫດຮ້າຍ ໃຫຍ່ໂຕເທົ່າໃດກໍ່ຕາມ, ແຕ່ພວກເຮົາຢ້ານທີ່ສຸດ ແມ່ນຢ້ານເສຍ ໃຈປະ ຊາຊົນ ເພາະນັ້ນຄື ເຄື່ອງຄ້ຳຂອງຄູນແຫ່ງຊາດ ເພື່ອປົກ ປົກຮັກສາ ແລະ ສ້າງສາປະເທດ ຫວຽດນາມ.

ການປະພືດຢ່າງຈິງໃຈ, ຮັກສາ ແລະ ຖະນຸຖະໜອມສັນຕິພາບ, ສ້າງສາຍພົວພັນດ້ວຍຈິດໃຈໄມຕີ ແລະ ປອງດອງກັນແມ່ນຈະລິຍະ ຫວຽດນາມ
ຊາດຫວຽດນາມພວກເຮົາ ເປັນຊາດທີ່ຮັກຫອມສັນຕິພາບ, ຍາມ ໃດກ່ໍປາດຖະໜາຢາກມີຊີວິດ ຢູ່ໃນສັນຕິພາບເພື່ອສ້າງສາ ແລະ ພັດທະນາປະເທດ, ຍາມໃດກໍ່ຢາກສ້າງສາຍ ພົວພັນ ແບບ ໄມຕີ, ມິດຕະພາບ, ປອງດອງກັນ ແລະ ຮ່ວມມືກັບບັນດາ ປະເທດບ້ານໃກ້ເຮືອນຄຽງ ແລະ ທຸກປະເທດ ໃນໂລກ. ປະຊາ ຊົນຫວຽດນາມ ຈຳເປັນຕ້ອງຈັບປືນ ກໍ່ຕໍ່ເມື່ອ ເພື່ອຕ້ານກັບພວກ ຮຸກຮານ, ເພື່ອປົກປັກຮັກສາ ຄວາມເປັນ ເອກະລາດ, ອິດສະ ຫຼະພາບ, ອະທິປະໄຕຂອງຊາດເທົ່ານັ້ນ. ວິລະກຳ ອັນສະຫງ່າ ງາມຂອງຊາດ ທີ່ໄດ້ຮັບຄວາມນິຍົມ ຍົກຍ້ອງ ຈາກທົ່ວໂລກນັ້ນ ລ້ວນແລ້ວແຕ່ ແມ່ນວິລະກໍາ ໃນການຕ່ໍຕ້ານ ການຮຸກຮານ ຈາກ ຕ່າງຊາດ.

ເນື່ອງຈາກເປັນຜູ້ປະສົບເຄາະຮ້າຍ ຈາກສົງຄາມທໍາລາຍ ຫຼາຍໆຄັ້ງ ຜ່ານມາ ໂດຍນັບບໍ່ຖ້ວນຄວາມເຈັບປວດ, ການເສຍ ສະຫລະຊີວິດ ເລືອດເນື້ອ, ເຫື່ອແຮງ. ສະນັ້ນ, ພວກເຮົາມີຄວາມ ມຸ່ງມາດປາດຖະໜາ ຢ່າງແຮງກ້າຂໍໃຫ້ ດັບມອດ ທຸກແປວໄຟແຫ່ງສົງຄາມ ເພື່ອນໍາເອົາສັນຕິພາບມາສູ່ ທຸກຊົນຊາດ ແລະ ທຸກປະເທດໃນໂລກ . “ຮັກແພງເພິ່ນເໝືອນດັ່ງ ຮັກແພງຕົນເອງ” , ສິ່ງໃດທີ່ພວກເຮົາບ່ໍຢາກໃຫ້ ມັນເກີດຂຶ້ນ ກັບເຮົາເອງກ່ໍ ບ່ໍຢາກໃຫ້ເກີດຂຶ້ນກັບຜູ້ອື່ນ ແລະ ຍິ່ງໄປກວ່ານັ້ນ ພວກເຮົາ ກ່ໍ ບ່ໍທຳສິ່ງເຫຼົ່ານັ້ນກັບຜູ້ອື່ນ. ນັ້ນແມ່ນຈະລິຍະທໍາຫວຽດນາມ, ຄຸນນະທຳຫວຽດນາມ.

ຕໍ່ພວກສັດຕູຜູ້ຮຸກຮານ ເມື່ອຖືກປະລາໄຊ, ບັນພະບຸລຸດເຮົາຍັງໄດ້ ເບີກສະບຽງອາຫານ, ມອບມ້າ, ມອບເຮືອໃຫ້ເພື່ອກັບຄືນ ປະເທດ. ອັດຖິຂອງພວກນັກລົບ ໃນກອງກຳລັງຜູ້ຮຸກຮານ ທີ່ຖືກ ຖັບຖົມຢູ່ໃຕ້ດິນ ຫວຽດນາມ, ພວກເຮົາກ່ໍໄດ້ອຳນວຍ ຄວາມສະດວກ ທຸກຢ່າງ ນັບທັງການ ເຂົ້າຮ່ວມ ເພື່ອຊອກຄົ້ນຫາ ເປັນເວ ລາຫຼາຍສິບປີມາ ແລ້ວເພື່ອມອບ ສົ່ງຄືນບ່ອນ “ຝັງສາຍ ແຫ່ ແຜ່ສາຍບື”, ເພື່ອຄືນໃຫ້ຍາດພີ່ນ້ອງ ຂອງ ເຂົາເຈົ້າ. ຂໍຖາມເບິ່ງວ່າ, ຢູ່ໃສ ແລະ ມີໃຜແດ່ ທີ່ເຮັດໄດ້ຄືຈັ່ງຊັ້ນ? ມີແຕ່ຊາດຫວຽດນາມເທົ່ານັ້ນ ຍ້ອນວ່າເຮົາມີຈະລິຍະທໍາ , ມີນ້ຳໃຈມະ ນຸດສະທຳ, ມີຄວາມເອື້ອເຟື້ອເຜືອແຜ່. ຍ້ອນການ ມີນໍ້າໃຈໄມຕີຈິດ ແລະ ມີຄຸນນະທໍາແນວນັ້ນ ຈຶ່ງເປັນເງື່ອນໄຂທີ່ດີ ໃຫ້ແກ່ການສ້າງພື້ນຖານເອກະລາດ, ອິດສະຫຼະເສລີ ແລະ ໃຫ້ແກ່ຄວາມໝັ້ນຄົງ ຂອງຊາດຕະຫລອດມາ.

ມາໃນທຸກວັນນີ້, ໂດຍສືບທອດ ແລະ ເສີມຂະຫຍາຍຄຸນຄ່າ ອັນເປັນມູນເຊື້ອທີ່ຈົບງາມ, ມີມະນຸດສະລິຍະທຳຂອງຊາດ ເຊິ່ງມັນ ສອດຄ່ອງກັບ ລັກສະນະ ຂອງຍຸກສະໄໝ, ປະເທດເຮົາ, ປະຊາຊົນເຮົາ ໄດ້ເຊື່ອມໂຍງກັບໂລກພາຍນອກ, ຍາມໃດກໍ່ມີຄວາມ ປາດຖະໜາ ຢາກສ້າງສາຍພົວພັນມິດຕະພາບ, ການ ຮ່ວມມືກັບ ທຸກປະເທດ ບົນພື້ນຖານ ຄວາມສະເໝີພາບ, ເຄົາລົບ ເອກະລາດ, ອະທິປະໄຕ, ເອກະພາບ, ຜືນແຜ່ນດິນ ອັນຄົບຖ້ວນ, ລະບອບການເມືອງ ຂອງກັນ ແລະ ກັນ, ດູນດ່ຽງ ຜົນປະໂຫຍດ, ຕ່າງຝ່າຍຕ່າງ ມີປະໂຫຍດ, ເພື່ອ ສັນຕິພາບ, ສະຖຽນລະພາບ ແລະ ການພັດທະນາຂອງ ຫວຽດນາມ, ຂອງ ພາກພື້ນ ກ່ໍຄືຂອງທົ່ວໂລກ. ຫວຽດນາມ ພ້ອມແລ້ວທີ່ຈະເປັນ ເພື່ອນມິດ, ເປັນຄູ່ຮ່ວມມືທີ່ໄວ້ວາງໃຈ, ເປັນສະມາຊິກ ຜູ້ທີ່ມີ ຄວາມຮັບຜິດຊອບ ຂອງວົງຄະນາຍາດສາກົນ. ໃນສະຖາ ນະ ການ ທີ່ມີການຜັນປ່ຽນ ຢ່າງສັບສົນ ຂອງໂລກປັດຈຸບັນ, ພວກ ເຮົາປະນາມທຸກສົງຄາມຮຸກຮານ, ການກໍ່ການຮ້າຍ, ກ່ໍຈະລາ ຈົນ, ໂຄ່ນລົ້ມ, ແຊກແຊງ ເຂົ້າວຽກງານພາຍໃນ ຂອງ ບັນດາ ປະເທດມີອະທິປະໄຕ; ສະໜັບສະໜູນການຕ່ໍສູ້ ເພື່ອ ສັນຕິ ພາບ, ເອກະລາດແຫ່ງຊາດ, ປະຊາທິປະໄຕ ແລະ ຄວາມ ກ້າວໜ້າ ທາງສັງຄົມ.

ພິເສດ, ຕ່ໍໜ້າການຜັນປ່ຽນທີ່ສັບສົນໃນພາກພື້ນ, ຕ່ໍໜ້າກົນອຸ ບາຍ ແລະ ການກະທຳຢຶດຄອງ, ພາໃຫ້ເກີດມີຂໍ້ຂັດແຍ່ງໃນທະ ເລຕາເວັນອອກ, ຂົ່ມຂູ່ອະທິປະໄຕທາງທະເລ, ໝູ່ເກາະ ຂອງ ຫວຽດນາມ, ພວກເຮົາຄັດຄ້ານ ຢ່າງສຸດຂີດ.

ສຳລັບພວກເຮົາ, ອະທິປະໄຕທາງທະເລ, ໝູ່ເກາະພົ້ນທະເລ ຂອງ ປະເທດຊາດ ແມ່ນສິ່ງສັກກາລະບູຊາ, ບ່ໍສາມາດແຕະ ຕ້ອງໄດ້, ແມ່ນຊັບສົມບັດອັນລໍ້າຄ່າ ທີ່ບັນພະບຸລຸດ ຕົກທອດ ມາໃຫ້. ສໍາລັບລຸ້ນຄົນ ພວກເຮົາໃນມື້ນີ້ ແມ່ນມີ ພັນທະຕ້ອງ ປົກປັກຮັກສາ ເພື່ອຖ່າຍຖອດໃຫ້ ລຸ້ນລູກລຸ້ນຫຼານສືບທອດຕໍ່ໄປ. ໂດຍສືບທອດມູນເຊື້ອຮັກຫອມສັນຕິພາບ, ນໍ້າໃຈໄມຕີ ມິດຕະພາບ, ຄຸນນະທໍາຂອງຊາດ, ພວກເຮົາຈະ ແກ້ໄຂ ການຂັດແຍ່ງຕ່າງໆ ດ້ວຍຄວາມມານະອົດທົນ , ດ້ວຍສັນຕິວິທີ, ບົນພື້ນຖານກົດໝາຍສາກົນ ແລະ ການຕົກລົງເຫັນດີນໍາກັນ ລະຫວ່າງອາຊຽນ ແລະ ຈີນ, ບົນພື້ນຖານການຕົກລົງກັນ ລະຫວ່າງ ການນຳຂັ້ນສູງ ຂອງສອງປະເທດຫວຽດນາມ-ຈີນ, ແນໃສ່ປົກປັກຮັກສາອະທິປະໄຕທາງທະເລ, ເກາະຕ່າງໆຂອງປະເທດ; ພ້ອມກັນນັ້ນ ແມ່ນເພື່ອຮັກສາສະພາບ ແວດລ້ອມແຫ່ງ ສັນຕິພາບ, ສະຖຽນລະພາບ ໃຫ້ແກ່ການ ພັດທະນາປະເທດ ເຮົາ, ສັນຕິພາບ, ສະຖຽນລະພາບພາຍໃນພາກພື້ນ, ຮັບປະກັນ ເສລີພາບ, ຄວາມສະຫງົບ, ປອດໄພບົນເສັ້ນທາງເດີນ ທະເລ ທີ່ສຳຄັນຈັດອັນດັບ ໜຶ່ງຂອງໂລກ.

ຄວາມຖືກຕ້ອງເປັນທຳ ເປັນຂອງຊາດເຮົາ, ພວກເຮົາຍົກສູງ ຄວາມເປັນທຳ ອັນສະຫວ່າງສະໄຫວນັ້ນ ເພື່ອສາມັກຄີ, ເສີມຂະຫຍາຍ ກຳລັງແຮງ ຂອງທົ່ວປວງຊົນ, ພີ່ນ້ອງພາຍໃນປະເທດ ແລະ ພີ່ນ້ອງຊາວ ຫວຽດນາມອາໄສຢູ່ຕ່າງປະເທດ; ເພື່ອຍາດແຍ່ງ ແລະ ດຶງດູດເອົາການ ສະໜັບສະໜູນ ຂອງບັນດາປະເທດ ກ່ໍຄືວົງຄະນາຍາດສາກົນ ຕ່ໍ ການຕ່ໍສູ້ ຂອງປະຊາຊົນ ເຮົາ. ພ້ອມກັນນັ້ນ, ພວກເຮົາກ່ໍຕັ້ງໜ້າ ກະກຽມມາດຕະການອື່ນ ທີ່ສອດຄອ່ງຕື່ມອີກ, ພ້ອມແລ້ວທີ່ຈະ ຮັບມືກັບທຸກກໍລະນີ ແນໃສ່ປົກປັກຮັກສາອະທິປະໄຕ, ຜືນແຜ່ນດິນ, ທະເລ ແລະ ໝູ່ເກາະ ອັນສັກກາລະບູຊາ ຂອງຊາດໄວ້ ຢ່າງໝັ້ນຄົງ.

ດ້ວຍພະລັງແຮງຂອງຝູ່ດ໋ົງ, ຄວາມສະຫງ່າຜ່າເຜີຍດົງອາ, ນ້ຳໃຈແບກດັ່ງ, ດົ໋ງດາທີ່ອະມະຕະ, ດ້ວຍຄວາມອົງອາດກ້າຫານ ຂອງການປະຕິວັດເດືອນສິງຫາ, ຂອງໄຊຊະນະ ດ້ຽນບຽນຝູ ທີ່ສະໜັ່ນຫວັນໄຫວ ໄປທົ່ວໂລກ ແລະ ຄວາມສຽບຂາດ, ວ່ອງ ໄວ ຂອງບັ້ນຮົບ ໂຮ່ຈີມິນ, ຊາດຫວຽດນາມຢຶດໝັ້ນ ເດີນ ຕາມ ເສັ້ນທາງ ກ້າວຂຶ້ນສັງຄົມນິຍົມ ດ້ວຍຄວາມໝັ້ນໃຈ ແລະ ເຂັ້ມ ແຂງ, ສືບຕໍ່ນໍາເອົາພາລະກິດ ປ່ຽນແປງໃໝ່ ຂອງພວກເຮົາ ໄປສູ່ຈຸດໝາຍຢ່າງສະຫງ່າງາມ, ເຖິງຝັ່ງດ້ວຍຄວາມ ຜາສຸກ, ພ້ອມ ກັບເພື່ອນມະນຸດຜູ້ ກ້າວໜ້າທັງຫລາຍ ສ້າງໂລກໃບນີ້ໃຫ້ເປັນ ໂລກແຫ່ງສັນຕິພາບ, ສະຖຽນລະພາບ, ມິດຕະພາບ, ຮ່ວມມື ແລະ ວັດທະນາຖາວອນ.

ປະຕິບັດໂດຍ: VNA/VNP
........
* ຫົວຂ້ໍໂດຍວາລະສານຂ່າວພາບຫວຽດນາມເປັນຜູ້ຕັ້ງຂຶ້ນ
ບັນດາບົດທີ່ຖືກນຳສະເໜີ