18/08/2016 09:54 GMT+7 Email Print Like 0

ປະທານຄະນະກຳມະການສູນກາງແນວໂຮມປະເທດຫວຽດນາມເຄື່ອນໄຫວຢ້ຽມຢາມ ສ.ເກົາຫຼີ.


ທ່ານ​​ ຫງວຽນ​ທ້ຽນ​ເຍີນ ແລະ ທ່ານ Kim Young Jong

      ໃນ​ຂອບ​ເຂ​ດ​ການ​ຢ້​ຽມ​ຢາມ ແລະ ເຮັດ​ວຽກ ຢູ່ ສ.ເກົາຫຼີ, ຕອນ​ເຊົ້າ ​ວັນ​ທີ 17/8, ທ່ານ​​ ຫງວຽນ​ທ້ຽນ​ເຍີນ ປະ​ທານ​​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຫວຽດ​ນາມ ໄດ້​ໄປ​ຢ້ຽມ​ຢາມ​ເມືອງ Jong no, ນະ​ຄອນ Seoul, ບ່ອນ​ທີ່​ມີບັນ​ດາ​ຮູບ​ແບບ​ປົກ​ຄອງ ກ່ຽວ​ກັບ​ກົນ​ໄກຄຸ້ມ​ຄອງ​ເອງ, ປະ​ຊາ​ຄົມ ​ບ້ານ ຕາ​ແສງ ແລະ ສະ​ຫະ​ກອນກ້າວ​ໜ້າ ​ຂອງ ສ​.ເກົາຫຼີ, ພ້ອມ​ທັງ​ເປັນ​ເມືອງ​ແຮກ​ສ່ຽວ ​ກັບ​ເມືອງ​ໄຕໂຮ່ (ຮ່າ​ໂນ້ຍ). ທ່ານ​​ ຫງວຽນ​ທ້ຽນ​ເຍີນ ປະ​ທານ​​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຫວຽດ​ນາມ ຕີ​ລາ​ຄາ​ສູງວິ​ທີ​ການ​ບໍ​ລິ​ຫານ​ທີ່​ມີ​ປະ​ສິດ​ທະ​ຜົນ​ຂອງ​ເມືອງ Jong no, ໃນ​ນັ້ນ ຕິດ​ພັນ​ກັບ​ການຕິດ​ຕາມ​ກວດ​ກາປະ​ຊາ​ຄົມ ​ຂອງ​ພົນ​ລະ​ເມືອງ. ພ້ອມ​ທັງ ຕີ​ລາ​ຄາ​ສູງ​ກົນ​ໄກ, ນະ​ໂຍ​ບາຍ ແລະ ເງື່ອນ​ໄຂ​ຮັບ​ປະ​ກັນ ໃຫ້​ແກ່​ການ​ຜັນ​ຂະ​ຫຍາຍ ​ບັນ​ດາ​ການ​ເຄື່ອນ​ໄຫວ​ຕິດ​ຕາມກວດ​ກາ ແລະ ​​ໃຫ້​ຄຳປຶກ​ສາ​ທີ່​ມີ​ປະ​ສິດ​ທິ​ຜົນ​ຂອງ​ບັນ​ດາ​ສະ​ມາ​ຄົມ ແລະ ​​ຮາກ​​ຖານ​​ຄຸ້ມ​ຄອງ​ເອງ ຢູ່​ເມືອງ​ຢົງ-ໂນ. ​ ທ່ານ​​ ຫງວຽນ​ທ້ຽນ​ເຍີນ ໃຫ້​ຮູ້​ວ່າ:  ບັນ​ດາ​ບົດ​ຮຽນ​ພຶດ​ຕິ​ກຳ​ຕົວ​ຈິງ ​ຂອງເມືອງ ​ຢົງ-ໂນ ແລະ ນະ​ຄອນ​ເຊ​ອຸນ ​ມີ​ຄວາມ​ໝາຍ​ທີ່​ສຸດ ໃນ​ການກໍ່​ສ້າງ​ຮູບແບບ​ຕິດ​ຕາມກວດ​ກາປະ​ຊາ​ຊົນ ແລະ ການ​ເຄື່ອນ​ໄຫວ​ຄຸ້ມ​ຄອງ​ເອງ ​ຢູ່ຂັ້ນ​​ຮາກ​ຖານ ​ຢູ່​ຫວຽດ​ນາມ ໃນ​ປັດ​ຈຸ​ບັນ.
        ເນື່ອງ​ໃນ​ໂອ​ກາດນີ້, ທ່ານ​​ ຫງວຽນ​ທ້ຽນ​ເຍີນ ໄດ້​ໄປ​ຢ້ຽມ​ຢາມ ທ່ານ Kim Bok-dong, ປະ​ທານ​ສະ​ພາ​ປະ​ຊາ​ຊົນ​ເມືອງ Jong no, ຜູ້​ທີ່​ມີ​ນ້ຳ​ໃຈຮັກ​ແພງ​ຜູກ​ພັນ​ ກັບ​ປະ​ຊາ​ຄົມ​ຊາວ​ຫວຽດ​ນາມ ຢູ່ ສ.ເກົາຫຼີ ກໍ່​ຄື​ມີບັນ​ດາ​ການ​ປະ​ກອບ​ສ່ວນ​ແທດ​ຈິງ​ ໃຫ້​ແກ່​ການ​ພົວ​ພັນ​ ຫວຽດ​ນາມ-ສ.ເກົາຫຼີ.
(ແຫຼ່ງຄັດຈາກ VOV)