26/03/2016 15:41 GMT+7 Email Print Like 0

ປະທານຄະນະກຳມະການສູນກາງແນວໂຮມປະເທດຊາດຫວຽດນາມຕ້ອນຮັບສະມາຄົມໜູນຊ່ວຍການແພດຫວຽດນາມ


(ທ່ານ ຫງວຽນ​ທ້ຽນ​ເຍີນ ແລະ 
​ທ່ານ​ສາດສະດາຈານ Alexander Hemprich)

      ​ວັນ​ທີ 25/03 ຢູ່​ຮ່າ​ໂນ້ຍ, ທ່ານ ຫງວຽນ​ທ້ຽນ​ເຍີນ ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ ​ໄດ້​ໃຫ້ການ​ຕ້ອນຮັບ​ທ່ານ​ສາດສະດາຈານ Alexander Hemprich ປະທານ​ສະຫະ​ສະມາຄົມ​ໜູນ​ຊ່ວຍການ​ແພດ ຫວຽດນາມ (DEVIEMED). ທີ່​ການ​ຕ້ອນຮັບ, ທ່ານ ຫງວຽນ​ທ້ຽນ​ເຍີນ ​ໄດ​້ຂອບ​ອົກ​ຂອບ​ໃຈ​​ການ​ປະກອບສ່ວນ​ຂອງບັນດາ​ສາດສະດາຈານ, ທ່ານໝໍ, ນັກ​ຜ່າຕັດ​ຂອງ​ສະຫະ​ສະມາຄົມ​ໜູນ​ຊ່ວຍ​ການ​ແພດ ຫວຽດນາມ ​ໃນ​ຕະຫລອດ 20 ປີຜ່ານມາ ທີ່​ໄດ້​ໜູນ​ຊ່ວຍ ຫວຽດນາມ ​ໂດຍ​ຜ່ານ​ບັນດາ​ການ​ເຄື່ອນ​ໄຫວອາສາ​ສະໝັກ. ​ແນວ​ໂຮມ​ປະ​ເທດ​ຊາດ ຫວຽດນາມ ພ້ອມ​ແລ້ວ​ທີ່​ຈະ​ຊ່ວຍ​ເຫຼືອ ກໍ່​ຄື​ມີ​ສຽງ​ເວົ້າ​ກັບ​ກະຊວງ​ສາທາລະນະ​ສຸກ ​ແລະ ບັນ​ດາ​ອົງການ​ທີ່​ກ່ຽວຂ້ອງ ​ເພື່ອ​ໃຫ້​ສະຫະ​ສະມາຄົມ​ສືບ​ຕໍ່​ປະຕິບັດ​ບັນ​ດາ​ການ​ເຄື່ອນ​ໄຫວ​ມະນຸດສະທຳ, ຊ່ວຍ​ເຫຼືອ​ບຳລຸງ​ສ້າງ​ແຫຼ່ງຊັບພະຍາກອນ​ມະນຸດ​ໃຫ້​​ແກ່ ຫວຽດນາມ.
(ແຫຼ່ງຄັດຈາກ VOV)