10/02/2019 10:01 GMT+7 Email Print Like 0

ປະທັບໃຈການສະແດງ ລິເກ

ໂຮງລະຄອນ ລິເກ ຫວຽດນາມ ໄດ້ຈັດລາຍການສະແດງ ຊອກຮູ້ສິລະປະ ການສະແດງລິເກ ພື້ນເມືອງ ທີ່ໂຮງລະຄອນ ໂຮ່ງຮ່າ ໃນວັນຈັນ ແລະ ວັນພະຫັດຂອງທຸກອາທິດ. ນີ້ແມ່ນການປ່ຽນແປງ ໃໝ່ຂອງໂຮງລະຄອນ ແນໃສ່ຈະເຮັດໃຫ້ສິລະປະ ການສະແດງ ລິເກ ເຂົ້າໃກ້ກັບທ່ານຜູ້ຊົມພາຍໃນ ແລະ ຕ່າງປະເທດ.
ມາຢ້ຽມຢາມໂຮງລະຄອນ, ນັກທ່ອງທ່ຽວອາດສາມາດຂຶ້ນ ເວທີເພື່ອພົບປະສ້າງສັນກັບນັກສິລະປິນຫຼາຍຄົນ ເພື່ອແບ່ງປັນ ຄວາມຮູ້ກ່ຽວກັບບົດລິເກ ທີ່ມີຊື່ສຽງຫຼາຍບົດ. 

ລາຍການຊອກຮູ້ສິລະປະການສະແດງລິເກ ຈະມີ 2 ພາກສ່ວນ. ພາກສ່ວນທີໜຶ່ງແມ່ນຊອກຮູ້ກ່ຽວກັບສິລະປະ ການແຕ່ງຕົວ. ກ່ອນຈະເຖິງເວລາສະແດງລິເກ, ນັກທ່ອງທ່ຽວຈະໄດ້ເຂົ້າມາ ຢ້ຽມຢາມຫ້ອງແຕ່ງຕົວ ເພື່ອຊອກຮູ້ກ່ຽວກັບວິທີການແຕ່ງຕົວ ຂອງບັນດານັກສະແດງລິເກ. ຢູ່ທີ່ນີ້ ຈະມີຜູ້ນຳທ່ຽວ ອະທິບາຍ ຄວາມໝາຍຂອງບັນດາລາຍແຕ້ມ ແລະ ສີສັນ ຕາມລັກສະນະ ຂອງຕົວລະຄອນ, ນັກສະແດງຈະນັ່ງແຕ່ງຕົວໃຫ້ນັກທ່ອງທ່ຽວ ຊົມເບິ່ງ. ສິ່ງດັ່ງກ່າວ ຈະເຮັດໃຫ້ນັກທ່ອງທ່ຽວມີຄວາມຮູ້ດ້ານ ພື້ນຖານກ່ຽວກັບການແຕ່ງຕົວໃຫ້ແກ່ນັກສະແດງລິເກ.


ບັນດາພາບພົດຂອງການແຕ້ມໜ້າກາກໃນສິລະປະ ການສະແດງລິເກ ພື້ນເມືອງ. ພາບ: ແຄ໋ງລອງ


ເຄື່ອງນຸ່ງຮັບໃຊ້ການສະແດງລິເກຫຼາຍຊຸດ ຈະໄດ້ເອົາມາວາງສະແດງຢູ່ທີ່ນີ້ ເພື່ອໃຫ້ນັກທ່ອງທ່ຽວສາມາດ
ເລືອກເອົາເພື່ອແຕ່ງຕົວເປັນບັນດາຕົວລະຄອນຕາມໃຈມັກ. ພາບ: ແຄ໋ງລອງ



ບັນດານັກສະແດງລິເກ ທັງແຕ່ງຕົວ ທັງອະທິບາຍໃຫ້ ນັກທ່ອງທ່ຽວເຂົ້າໃຈກ່ຽວກັບລາຍແຕ້ມທີ່ໄດ້ແຕ້ມຢູ່ເທິງໜ້າ
ຂອງບັນດາຕົວລະຄອນໃນສິລະປະ ການສະແດງລິເກ.  ພາບ: ແຄ໋ງລອງ



ນັກສະແດງ ໄດ້ອະທິບາຍກ່ຽວກັບພາບພົດຂອງບັນດາຕົວລະຄອນໃນບົດລິເກ
ເພື່ອໃຫ້ນັກທ່ອງທ່ຽວອາດສາມາດເຂົ້າໃຈໄດ້ເນື້ອໃນ. ພາບ: ແຄ໋ງລອງ
 

ນັກທ່ອງທ່ຽວ ຊອກຮູ້ກ່ຽວກັບເຄື່ອງເສບດົນຕີຫຼາຍປະເພດ ທີ່ຮັບໃຊ້ໃຫ້ແກ່ການສະແດງລິເກ. ພາບ: ແຄ໋ງລອງ

ພາກສ່ວນທີສອງແມ່ນການສະແດງລິເກ ແລະ ແນະນຳຈຸດພິເສດໃນສິລະປະ ການສະແດງລິເກ ຢ່າງລາຍລະອຽດ. ບັນດາບົດລິເກ ທີ່ໄດ້ ເອົາມາສະແດງບົນເວທີ ແມ່ນໄດ້ຄັດອອກຈາກບັນດາບົດລິເກທີ່ມີຊື່ສຽງຄື: ພໍ່ເຖົ້າເຈ່ຍເມຍໜຸ່ມໄປຫຼິ້ນບຸນ,ການສະແດງດົນຕີໃນວັງ ເຫວ້, ຟ້ອນ: ກິເລນແມ່ເກີດລູກ, ນາງ ໂຮ່ຫງວຽດໂກ ປ່ຽນໄປເປັນໂຕເຫງັນ, ການສະແດງດົນຕີໃນວັງ ເຫວ້, ພິທີການບູຊາເຈົ້າແມ່.

ພາຍຫຼັງການສະແດງ, ນັກທ່ອງທ່ຽວຈະໄດ້ຮັບຟັງການແນະນຳກ່ຽວກັບສິລະປະການກໍ່ສ້າງບົດລະຄອນ, ພົບປະສ້າງສັນກັບນັກສະແດງ, ແບ່ງປັນຄວາມຮູ້ສຶກ ແລະ ໄດ້ບັນດານັກສະແດງລິເກ ແນະນຳໃຫ້ຮູ້ກ່ຽວກັບຕົວລະຄອນຢ່າງລາຍລະອຽດ, ແຕ່ວິທີການຮ້ອງເພງ, ວິທີການໄປມາ, ວິທີການຟ້ອນ ແລະ ວິທີການສະແດງຂອງຕົວລະຄອນໃນເວລາຮ້ອງໄຫ້, ຫົວ, ເຈັບໃຈ, ສະໜຸກໃຈ ແລະ ອື່ນໆ.

ລາຍການສະແດງ ຊອກຮູ້ສິລະປະ ການສະແດງລິເກ ພື້ນເມືອງໄດ້ດຶງດູດການເຂົ້າຮ່ວມຂອງນັກທ່ອງທ່ຽວຫຼາຍຄົນ, ພິເສດແມ່ນໄວໜຸ່ມ ຫວຽດນາມ. ນາງ ຫງວຽນຫງອກເຮີນ, ຜູ້ຮັບຜິດຊອບການພົວພັນກັບຕ່າງປະເທດ, ຫ້ອງຈັດຕັ້ງການສະແດງ, ໂຮງລະຄອນ ລິເກ ສູນກາງ ໃຫ້ຮູ້ວ່າ: “ໂຮງລະຄອນ ລິເກ ຈະຍູ້ແຮງບັນດາການເຄື່ອນໄຫວຄືແບບນີ້ ຫຼາຍກວ່າເກົ່າ ເພື່ອນຳລິເກ ໄປສະແດງໂດຍກົງໃນບັນດາງານບຸນຕ່າງໆ ແລະ ໃນໂຮງຮຽນແຕ່ລະແຫ່ງອີກດ້ວຍ”. 

ໂຮງລະຄອນ ລິເກ ຫວຽດນາມ ໄດ້ຈັດລາຍການສະແດງ ຊອກຮູ້
ສິລະປະ ການສະແດງລິເກ ພື້ນເມືອງ ທີ່ໂຮງລະຄອນ ໂຮ່ງຮ່າ ໃນວັນຈັນ ແລະ ວັນພະຫັດຂອງທຸກອາທິດ.



ສາກການສະແດງບົດລິເກ “ພໍ່ເຖົ້າເຈ່ຍເມຍໜຸ່ມໄປຫຼິ້ນບຸນ” ຂອງບັນດານັກສະແດງ ລິເກ ມາຈາກໂຮງລະຄອນ ລິເກ ຫວຽດນາມ.​ ພາບ: ແຄ໋ງລອງ


ນອກຈາກການສະແດງຢູ່ໃນໂຮງລະຄອນ, ໂຮງລະຄອນ ລິເກ ຫວຽດນາມ ຍັງຈັດຕັ້ງການສະແດງລິເກ ຢູ່ຄຸ້ມຖະໜົນເກົ່າ ຮ່າໂນ້ຍ ໃນໄລຍະທ້າຍອາທິດອີກດ້ວຍ. ພາບ: ແຄ໋ງລອງ

ເພື່ອແນະນຳສິລະປະ ການສະແດງ ລິເກ ມາເຂົ້າໃກ້ກັບນັກທ່ອງທ່ຽວສາກົນ, ໂຮງລະຄອນ ລິເກ ສູນກາງ ໄດ້ຈັດຕັ້ງລາຍການແນະນຳສິລະປະ ການສະແດງ ລິເກ ພື້ນເມືອງ ກັບທ່ານນຳ 70 ຄົນທີ່ມາຈາກສະຖານທູດ 34 ແຫ່ງ ປະຈຳ ຮ່າໂນ້ຍ ເມື່ອ ເດືອນກັນຍາ 2018. ທ່ານນາງ Cáit Moran, ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສ ອຽກລັງ ໃຫ້ຮູ້ວ່າ: “ນີ້ເປັນເທ່ືອທຳອິດ ຂ້າພະເຈົ້າໄດ້ຊົມເບິ່ງຫຼາຍຮູບແບບສິລະປະ ການສະແດງພື້ນເມືອງຂອງ ຫວຽດນາມ. ບັນດາລາຍການ ສະແດງດັ່ງກ່າວ ໄດ້ເຮັດໃຫ້ພວກຂ້າພະເຈົ້າສາມາດຮັບຮູ້ໄດ້ຈຸດພິເສດດ້ານວັດທະນທຳຂອງສິລະປະ ຫວຽດນາມ”. 
 
ບົດ ແລະ ພາບ: ບິກເວີນ-ແຄ໋ງລອງ

 
ບັນດາບົດທີ່ຖືກນຳສະເໜີ