25/11/2015 00:01 GMT+7 Email Print Like 0

ປະຊາຄົມອາຊຽນ-ຄວາມຝັນກາຍເປັນຄວາມເປັນຈິງ

ໃນຕອນເຊົ້າວັນທີ 22 ພະຈິກ 2015, ທີ່ນະຄອນຫຼວງ ກົວລາ ລຳເບີ ແຫ່ງປະເທດ ມາເລເຊຍ, ທ່ານນາຍົກລັດຖະມົນຕີ ຫງວຽນເຕິນຢຸງ ພ້ອມກັນທ່ານຜູ້ນຳບັນດາປະເທດ ອາຊຽນ ໄດ້ເຊັນຖະແຫຼງ ກົວລາ ລຳເບີ ກ່ຽວກັບການສ້າງຕັ້ງປະຊາຄົມ ອາຊຽນ 2015 ແລະ ຖະແຫຼງ ກົວລາ ລຳເບີ ກ່ຽວກັບວິໄສທັດ ປະຊາຄົມ ອາຊຽນ 2025. 
ຖະແຫຼງກົວລາ ລຳເບີ ກ່ຽວກັບການສ້າງຕັ້ງປະຊາຄົມ ອາຊຽນ 2015 ເປັນເຫດການໜຶ່ງມີລັກສະນະບາດລ້ຽວໃນປະຫວັດສາດຂອງພາກພື້ນ, ເປັນຂີດໝາຍທີ່ສຳຄັນຂອງ ອາຊຽນ ໃນ 48 ປີແຫ່ງການສ້າງຕັ້ງ ແລະ ພັດທະນາ.
 
ຕາມຄຳສັງເກດຂອງທ່ານນາຍົກລັດຖະມົນຕີ ມາເລເຊຍ Najib Razak, ອາຊຽນ ເປັນປັດໃຈຕັດສິນ, ນຳມາການປ່ຽນແປງຢ່າງ ຈະແຈ້ງໃຫ້ແກ່ອາຊີຕາເວັນອອກສຽງໃຕ້, ແຕ່ຂົງເຂດທີ່ທຸກຍາ, ແບ່ງແຍກ, ປະທະກັນ, ບໍ່ໝັ້ນຄົງ ກາຍເປັນປະຊາຄົມໜຶ່ງ ສັນຕິພາບ, ສະຖຽນລະພາບ, ວັດທະນາຖາວອນ ແລະ ຮ່ວມມື. ບັນດາປະເທດສະມາຊິກໄດ້ຜ່ານຜ່າສິ່ງກີດຂວາງ ແລະ ຈຸດແຕກຕ່າງກັນ ເພື່ອກໍ່ສ້າງປະຊາຄົມໜຶ່ງ “ເອກະພາບ ໃນຫຼາຍຮູບແບບ”.
 
ດ້ວຍການເຊັນຖະແຫຼງ ກົວລາ ລຳເບີ,  ປະຊາຄົມ ອາຊຽນ ໄດ້ສ້າງຕັ້ງຂຶ້ນ ແລະ ເລີ່ມການເຄື່ອນໄຫວແຕ່ວັນທີ 1 ມັງກອນ 2016. ແຕ່ສິ່ງດັ່ງກ່າວບໍ່ໝາຍຄວາມວ່າ ຈະສິ້ນສຸດການກໍ່ສ້າງ
ພາກພື້ນ, ນີ້ຫາກໍ່ແມ່ນການເລີ່ມຕົ້ນ. ເພາະສະນັ້ນ, ບັນດາປະເທດສະມາຊິກ ຕ້ອງພະຍາຍາມຮັກສາ ຄວາມສາມັກຄີ ແລະ ການເຊື່ອມໂຍງຢ່າງສຸດຈິດສຸດໃຈ ເພື່ອກໍ່ສ້າງ ອາຊຽນ ກາຍເປັນປະຊາຄົມໜຶ່ງເອກະພາບ, ສັນຕິພາບ, ສະຖຽນລະພາບ ແລະ ວັດທະນາຖາວອນ ເໝືອນດັ່ງຄວາມມ່ງຫວັງ. 

ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານຜູ້ນຳບັນດາປະເທດ ອາຊຽນ ທີ່ພິທີເຊັນຖະແຫຼງ
ກົວລາ ລຳເບີ 2015 ແລະ ຖະແຫຼງ ກົວລາ ລຳເບີ ກ່ຽວກັບວິໄສທັດປະຊາຄົມ ອາຊຽນ 2025. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານຜູ້ນຳບັນດາປະເທດ ອາຊຽນ
ທີ່ພິທີເຊັນຖະແຫຼງ 
ກົວລາ ລຳເບີ 2015. ພາບ: XNA/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານຜູ້ນຳບັນດາປະເທດເຂົ້າຮ່ວມໃນງານລ້ຽງ
ໂດຍທ່ານນາຍົກລັດຖະມົນຕີ ມາເລເຊຍ ແລະ ພັນລະຍາເປັນເຈົ້າພາບ. ພາບ: ດຶກຕ໋າມ/VNA

ກໍ່ໃນກອງປະຊຸມ, ທ່ານຜູ້ນຳບັນດາປະເທດ ອາຊຽນ ແລະ ບັນດາປະເທດຄູ່ຮ່ວມມື ກໍ່ໄດ້ແລກປ່ຽນຄວາມຄິດຄວາມເຫັນກ່ຽວກັບສະພາບການໃນພາກພື້ນ ແລະ ສາກົນ ທີ່ພ້ອມກັນ ມີຄວາມສົນໃຈ, ໃນນັ້ນ ມີສະພາບການຢູ່ທະເລຕາເວັນອອກ. ທ່ານຜູ້ນຳບັນດາປະເທດ ອາຊຽນ ໄດ້ແບ່ງປັນຄວາມເປັນຫ່ວງຕໍ່ບັນດາບັນຫາທີ່ເກີດຂຶ້ນຢ່າງສັບສົນຢູ່ທະເລຕາເວັນອອກ, ເນັ້ນໜັກເຖິງການແກ້ໄຂຂໍ້ຂັດແຍ້ງດ້ວຍສັນຕິວິທີເໝາະສົມກັບກົດໝາຍສາກົນ ແລະ ສົນທິສັນຍາຂອງສະຫະປະຊາຊາດ ວ່າດ້ວຍກົດໝາຍທະເລປີ 1982 (UNCLOS), ປະຕິບັດ ຖະແຫຼງການກ່ຽວກັບການປະພຶດຂອງຝ່າຍຕ່າງໆ ຢູ່ທະເລຕາເວັນອອກ (DOC) ແລະ ບັນລຸໄດ້ປະມວນ ກົດລະບຽບການປະພຶດຕໍ່ຢູ່ທະເລຂາເຕັນອອກ (COC), ຮຽນຮ້ອງໃຫ້ທຸກຝ່າຍຄວມກົດໄວ້, ບໍ່ປະຕິບັດການເຄື່ອນໄຫວທີ່ເຮັດໃຫ້ສະພາບການຢູ່ທະເລຕາເວັນອອກເຄັ່ງຕຶງຂຶ້ນ, ຕ້ອງຜັນຂະຫຍາຍບົດບາດຂອງ ອາຊຽນ ໃນການແກ້ໄຂ ບັນຫານີ້.

ທ່ານນາຍົກລັດຖະມົນຕີ ເຂົ້າຮ່ວມກອງປະຊຸມຂັ້ນສູງ ອາຊີຕາເວັນອອກ ຄັ້ງທີ 10. ພາບ: ດຶກຕ໋າມ/VNA
ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະກັບ ທ່ານນາຍົກລັດຖະມົນຕີ ຣັດເຊຍ
Dmitry Anatolyevich Medvedev ຢູ່ນອກກອງປະຊຸມຂັ້ນສູງ ອາຊຽນ ຄັ້ງທີ 27. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ແລະ ທ່ານປະທານາທິບໍດີ ອາເມລິກາ Barack Obama
ທີ່ກອງປະຊຸມຂັ້ນສູງ ອາຊຽນ-ອາເມລິກາ ຄັ້ງທີ 3. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະກັບ ທ່ານນາຍົກລັດຖະມົນຕີ ຍີ່ປຸ່ນ Shinzo Abe
ຢູ່ນອກກອງປະຊຸມຂັ້ນສູງ ອາຊຽນ ຄັ້ງທີ 27. ພາບ: ດຶກຕ໋າມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະກັບ ທ່ານປະທານາທິບໍດີ ອິນໂດເນເຊຍ Joko Widodo 
ຢູ່ນອກກອງປະຊຸມ ຂັ້ນສູງ ອາຊຽນ ຄັ້ງທີ 27. ພາບ: ດຶກຕ໋າມ/VNA

ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ເຂົ້າຮ່ວມຫຼາຍເຫດການທີ່ສຳຄັນຄື: ພົບປະກັບທ່ານຜູ້ນຳ ຫຼາຍປະເທດໃນໂລກຄື: ຣັດເຊຍ, ອາເມລິກາ, ຍີ່ປຸ່ນ, ອົສຕາລີ, ອິນໂດເນເຊຍ ແລະ ອື່ນໆ. 

 

ປະຊາຄົມ ອາຊຽນ ລວມມີ 10 ປະເທດຂຶ້ນກັບອາຊີ ຕາເວັນອອກສຽງໃຕ້, ໄດ້ສ້າງຕັ້ງ ແລະ ພັດທະນາບົນສາມ ເສົາຄຳ້ຕົ້ນຕໍແມ່ນ: ປະຊາຄົມການເມືອງ-ຄວາມສະຫງົບ, ປະຊາຄົມເສດຖະກິດ ແລະ ປະຊາຄົມວັດທະນະທຳ-ສັງຄົມ. ຫຼັງຈາກໄດ້ສ້າງຕັ້ງຂຶ້ນມາ, ປະຊາຄົມ ອາຊຽນ ຈະສ້າງຂົງເຂດ ການຄ້າເສລີແຫ່ງໜຶ່ງດ້ວຍປະຊາກອນ 625 ລ້ານຄົນ ແລະ ລວມຜະລິດຕະພັນພາຍໃນຂຶ້ນເຖິງ 2.600 ຕື້ USD.

ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ