28/07/2016 10:32 GMT+7 Email Print Like 0

ປະກາດບົດລາຍງານເສດຖະກິດຫວຽດນາມໄຕມາດ2/2016

(ພາບປະກອບ)
      ໃນ​ວັນ​ທີ 26/7, ຢູ່​ຮ່າ​ໂນ້ຍ, ສະ​ຖາ​ບັນ​ຄົ້ນ​ຄ້​ວາຄຸ້ມ​ຄອງ​ເສດ​ຖະ​ກິດສູນ​ກາງ ຈັດ​ກອງ​ປະ​ຊຸມ​ສຳ​ມະ​ນາ​ ປະ​ກາດ​ບົດ​ລາຍ​ງານ​ເສດ​ຖະ​ກິດ​ຫວຽດ​ນາມ ໄຕ​ມາດ 2/2016. ບົດ​ລາຍງານ​ໄດ້​ອັບ​ເດດ, ວິ​ເຄາະ, ຕີ​ລາ​ຄາ​ການ​ປ່ຽນ​ແປ​ງ​ ຂອງ​ເສດ​ຖະ​ກິດ​ມະ​ຫາ​ພາກ ​ໃນ 6 ເດືອນ​ຜ່ານ​ມາ; ພ້ອມ​ທັງ​ຕີ​ລາ​ຄາ​ແງ່​ຫວັງ​​ເຕີບ​ໂຕ ແລະ ນຳ​ສະ​ເໜີ​ບາງການ​​ກຳ​ນົດ​ທິດ ​ກ່ຽວ​ກັບ​ການສືບ​ຕໍ່​ປ່​ຽນ​ໃໝ່, ປະ​ຕິ​ຮູບ​ພື້ນ​ຖານ​ເສດ​ຖະ​ກິດ ​ແຕ່​ປັດ​ຈຸ​ບັນ​ເຖິງ​ທ້າຍ​ປີ. ຕາມບົດ​ລາຍ​ງານ​ເສດ​ຖະ​ກິດ​ມະ​ຫາ​ພາກ ໄຕ​ມາດ 2, ການ​ເຕີບ​ໂຕ​ທາງ​ດ້ານ​ເສດ​ຖະ​ກິດ ຍັງ​ບໍ່​ສ​າ​ມາດ​ກັບ​ຄືທ່າ​ຟື້ນ​ຟູ​ໄດ້​, GDP ເພີ່ມ​ຂື້ນ 5,57% ເມື​່ອ​ທຽບ​ໃສ່​ໄລ​ຍະ​ດຽວ​ກັນ​ ຂອງ​ປີ 2015; ວຽກ​ປັບ​ປຸງ​ຄາດ​ໝາຍເຕີບ​ໂຕ​ທັງ ​ປີ 2016 ແມ່ນ 6,7%. ສ​ຈ. ປອ ຫງວຽນ​ກວາງ​ຖ໋າຍ, ເລ​ຂາ​ທິ​ການ​ໃຫຍ່​ສະ​ມາ​ຄົມ​ວິ​ທະ​ຍາ​ສາດ​ເສດ​ຖະ​ກິດ​ຫວຽດ​ນ​າມ​ ໃຫ້​ຮູ້​ວ່າ:
        ລະ​ດັບ​ເຕີບ​ໂຕ GDP ພຽງ​ແຕ່​ເປັນ​ໜຶ່ງ​ໃນ​ບັນ​ດາ​ຕົວ​ເລກ​ຄາດ​ໝາຍ, ອັນ​ທີ່​ຈິງ​ແມ່ນ​ພວກ​ເຮົາ​ຕ້ອງ​ມາ​ນະ​ພະ​ຍາ​ຍາມ​ສູງ​ສຸດ ເພື່ອເສີມ​ຂະ​ຫຍາຍ​ທຸກ​ບັນ​ດາ​ທ່າ​ແຮງນັ້ນ. ລັດ​ຖະ​ບານ​ໄດ້​ປະ​ກາດ​ໃຊ້​ 19 ມະ​ຕິ  ເພື່ອ​ປັບ​ປຸງ​ສະ​ພາບ​ແວດ​ລ້ອມການ​ຜະ​ລິດດຳ​ເນີນ​ທຸ​ລະ​ກິດ, 35 ມະ​ຕິ  ເພື່ອ​ພັດ​ທະ​ນາ​ວິ​ສາ​ຫະ​ກິດ​ເວົ້າ​ລວ​ມ. ຂ້າ​ພະ​ເຈົ້າ​ຖື​ວ່ານີ້​ແມ່ນເສັ້ນ​ທາງ​​​ທີ່ດີ​ທີ່​ສຸດ, ເຖິງ​ຢ່າງ​ໃດ​ກໍ່​ຕາມບໍ່​ສາ​ມາດ​ຟ້າວ​ຟັ່ງ​ໄດ້ ແຕ່​ເຮົາ​ຕ້ອງ​ຕັດ​ສິນ​ໃຈຈຳ​ກັດ ແລະ ຕ້ອງ​ເສີມ​ຂະ​ຫຍາຍ​ທ່າ​ແຮງ, ຄວາມ​ສາ​ມາດ​ບົ່ມ​ຊ້ອນ​ ຂອງ​ແຕ່​ລະ​ທ້ອງ​ຖິ່ນ, ​ຂະ​ແໜງ ແລະ ຫົວ​ໜ່ວຍ. ບັນ​ດາ​ການ​ຄາດ​ຄະ​ເນ​ຂອງ WB, ADB ແມ່ນ​ເຕີບ​ໂຕ​ປະ​ມານ 6-6,1% ປີນີ້ກໍ່​ໃຫ້​ເຫັນ​ພື້ນ​ຖານ​ເສດ​ຖະ​ກິດ​ຫວຽດ​ນາມ ສືບ​ຕໍ່​ມີ​ຫຼາຍທ່າ​ແຮງ​ບົມ​ຊ້ອນ​ເພື່ອ​ພັດ​ທະ​ນາ​ສູງກວ່າ​ເກົ່າ.
 (ແຫຼ່ງຄັດຈາກ VOV)