11/08/2016 11:52 GMT+7 Email Print Like 0

ບໍ່ຮຽກການລົງທຶນຈາກຕ່າງປະເທດດ້ວຍທຸກວິທີການ

ບໍ່ອາດປະຕິເສດໄດ້ບົດບາດສຳຄັນຂອງແຫຼ່ງລົງທຶນ ໂດຍ ກົງຈາກຕ່າງປະເທດ (FDI) ເຂົ້າໃນການພັດທະນາ ແລະ ເຊື່ອມໂຍງເສດຖະກິດສາກົນຂອງຫວຽດນາມ. ແຕ່ເຖິງຢ່າງໃດກໍ່ດີ, ໃນຄວາມເປັນຈິງໄດ້ສະແດງໃຫ້ເຫັນວ່າ FDI ກໍມີຜົນສະທ້ອນກັບ, ຖ້າຫາກບໍ່ເອີ່ຍເຖິງຄວາມລຶກລັບ ຂອງຂໍ້ຜູກມັດຕ່າງໆທີ່ຍາກຈະຄາດຄະເນ ລ່ວງໜ້າໄດ້. ດ້ວຍເຫດນັ້ນ, ເຖິງເວລາແລ້ວທີ່ຫວຽດນາມຄວນຕ້ອງຄຳນຶງເຖິງການບໍ່ຮຽກການລົງທຶນ FDI ດ້ວຍທຸກວິທີການ. 
ໃນຄວາມເປັນຈິງເຫັນວ່າ, ໃນໄລຍະຜ່ານມາ, ເພື່ອຮັບໃຊ້ ໃຫ້ແກ່ການຂະຫຍາຍຕົວທາງດ້ານເສດຖະກິດ, ຫວຽດນາມ ໄດ້ ຜັນຂະຫຍາຍນະໂຍບາຍຫຼາຍຢ່າງແນໃສ່ດຶງດູດ FDI. ເຖິງຢ່າງໃດກໍຕາມ, ມີຫຼາຍໂຄງການລົງທຶນບໍ່ພຽງແຕ່ ບໍ່ເສີມຂະຫຍາຍໄດ້ປະສິດທິຜົນເທົ່ານັ້ນ ຫາກຍັງກໍ່ໃຫ້ເກີດຂຶ້ນ ບັນຫາລະບົບການເພີ່ງພາທີ່ບໍ່ໜ້ອຍໃຫ້ແກ່ການພັດທະນາເສດຖະກິດ-ສັງຄົມຂອງປະເທດຊາດໃນອະນາຄົດ. ຊຶ່ງພົ້ນເດັ່ນຂຶ້ນແມ່ນບັນດາໂຄງການນຳໃຊ້ແຫລ່ງຊັບພະຍາກອນທຳມະຊາດສ້າງມົນລະພິດຢ່າງຮ້າຍ ແຮງຕໍ່ສິ່ງແວດລ້ອມ. ບັນຫາດັ່ງກ່າວໄດ້ເຮັດໃຫ້ກາຍເປັນບັນຫາຮີບດ່ວນດຸເດືອດໃນຫາງສຽງຂອງສັງຄົມ.

ເລື່ອງລາວກ່ຽວກັບໂຄງການໃຫຍ່ FDI Formosa ຮ່າຕີ້ງ ຫາກໍ່ເກີດມະຫາໄພຕໍ່ສິ່ງແວດລ້ອມທາງທະເລ ຢູ່ບັນດາ ແຂວງ ພາກກາງ ຫວຽດນາມ, ເຮັດໃຫ້ປາຕາຍເປັນເປັນຈຳນວນຫລາຍບາດດຽວແລ້ວກະທົບໄປເຖິງ ການທຳມາຫາກິນຂອງຊາວປະໂມງຫຼາຍໝື່ນຄົນຢືນຢູ່ຕໍ່ໜ້າໄພຫວ່າງງານ, ເສດຖະກິດທ້ອງຖິ່ນຖືກທົດຖອຍຢ່າງໜັກໜ່ວງ… ໄດ້ກາຍເປັນບົດຮຽນກ່າວເຕືອນສະຕິຕໍ່ວຽກງານເລືອກເຟັ້ນ ແລະ ຄຸ້ມຄອງບັນດາໂຄງການ FDI ຢູ່ຫວຽດນາມໃນອານາຄົດ.

ທ່ານນາຍົກລັດຖະມົນຕີ ຫງວຽນຊວນຟຸກຢືນຢັນວ່າ, ບໍ່ຄວນເພື່ອເສດຖະກິດ, ເພື່ອການລົງທຶນຈາກພາຍໃນ
ແລະ ຕ່າງປະເທດທີ່ຈະມອງຂ້າມບັນຫາສິ່ງແວດລ້ອມ. ພາບ: ຖົ໋ງເຍິດ/VNA

ພົວພັນເຖິງບັນຫາທີ່ເຈັບປວດດັ່ງກ່າວ, ໃນວາລະປະຊຸມສາມັນຂອງລັດຖະບານໃນມໍ່ໆມານີ້, ໄດ້ກ່າວເຖິງບັນຫາຂອງ  Formosa  ຮ່າຕີ້ງ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເວົ້າວ່າ: “ນີ້ແມ່ນການລ່ວງລະເມີດ ສິ່ງແວດລ້ອມຮ້າຍແຮງທີ່ສຸດ,  ແລະ ບໍ່ເຄີຍມີມາກ່ອນ”.

ຜ່ານເຫດການດັ່ງກ່າວ, ໄປຄຽງຄູ່ກັບການຊີ້ນຳຂອງບັນດາອົງການທີ່ມີບົດບາດໜ້າທີ່ໄດ້ຮິບຮ້ອນ, ຂຸ້ນຂ້ຽວເຂົ້າກວດສອບ, ປົວແປງແກ້ໄຂຜົນເສຍຫາຍ, ທ່ານນາຍົກລັດຖະມົນຕີໄດ້ຮຽກຮ້ອງບັນດາກະຊວງ, ຂະແໜງການ, ທ້ອງຖິ່ນເຜີຍແຜ່ເຊື່ອມຊຶມແນວຄິດບໍ່ແມ່ນເພື່ອສະພາບແວດລ້ອມ ການລົງທຶນຫາກບໍ່ເອົາຫົວຊາເຖິງສິ່ງແວດລ້ອມຂອງການດຳລົງຊີວິດຂອງ ປະຊາຊົນ. ທ່ານຫງວຽນຊວນ ຟຸກເນັ້ນໜັກວ່າ: “ ບໍ່ແມ່ນເພື່ອເສດຖະກິດ, ເພື່ອການລົງທຶນຈາກ ພາຍໃນ ແລະ ຕ່າງປະເທດທີ່ພວກເຮົາມອງຂ້າມບັນຫາສິ່ງແວດລ້ອມ. ນັ້ນຄືແນວທາງນະໂຍບາຍທີ່ຕ້ອງຊາບຊຶມຢ່າງລະອຽດ”.

ຫວ່າງມໍ່ໆນີ້, ໃນບັ້ນເຮັດວຽກກັບກະຊວງແຜນການ ແລະ ການລົງທຶນ, ທ່ານຮອງນາຍົກລັດຖະມົນຕີ ເວືອງດິ່ງເຫວ້ ກໍໄດ້ຮຽກຮ້ອງກະຊວງດັ່ງກ່າວຕ້ອງກວດກາຢ່າງເຂັ້ມງວດວຽກງານຄຸ້ມຄອງການລົງທຶນພາຍໃນ ແລະ ຕ່າງປະເທດ, ອີງຕາມນັ້ນຈີ່ງຈະບໍ່ດຶງດູດ FDI ດ້ວຍທຸກວິທີການ ແລະ  ຕ້ອງຄັດເລືອກເອົາບັນດາໂຄງການເພື່ອຊ່ວຍໜູນໃຫ້ແກ່ ຂະບວນການຫັນປ່ຽນໂຄງປະກອບເສດຖະກິດ. ໂຄງການທີ່ນຳໃຊ້ເຕັກໂນໂລຊີທີ່ດີ, ແກ້ໄຂວຽກເຮັດງານທຳ, ເພີ່ມ ລາຍຮັບໃຫ້ແກ່ປະຊາຊົນ, ເພີ່ມທະວີການສົ່ງອອກ ແລະ ຮັບປະກັນການຊຳລະຊະສາງເງິນຕາຕ່າງປະເທດຂອງຊາດ.

ທ່ານ ເວືອງດິ່ງເຫວ້ໄດ້ເນັ້ນໜັກວ່າ: “ພວກເຮົາຕ້ອງມີບັນດາບາດກ້າວດຶງດູດການລົງທຶນຢູ່ລະດັບທີ່ສູງກວ່າເພື່ອບໍ່ໃຫ້ເກີດມີກໍລະນີປະເທດໜຶ່ງມີສອງພື້ນຖານເສດຖະກິດ, ຝ່າຍໜຶ່ງແມ່ນບັນດາວິສາຫະກິດ FDI ແລະ ຝ່າຍໜຶ່ງແມ່ນວິສາຫະກິດພາຍໃນປະເທດ”.

FDI ມີຄວາມໝາຍສຸດທີ່ສຳຄັນຕໍ່ການພັດທະນາ ເສດຖະ ກິດຂອງຫວຽດນາມ. ໃນພາບ: ໂຮງງານກັ່ນຕອງນ້ຳມັນ ງີເຊີນ, ໜຶ່ງໃນບັນດາໂຄງການ FDI ư
ລາຍໃຫຍ່ຂອງຫວຽດ ນາມມີມູນຄ່າການລົງທຶນທັງໝົດເຖິງ 9,3 ຕື້ໂດລາ ສະຫະ ລັດ. ພາບ: ກວາງກວ໋ຽດ/VNA



ຜະລິດສິ້ນສ່ວນຍ່ອຍເຄື່ອງເອເລັກຕໂຣນິກທີ່ບໍລິສັດ Bluecom Vina ຈຳກັດ (ເປັນການລົງທຶນ 100% ຈາກ ສ.ເກົາຫຼີ) ຢູ່ຫາຍຟ່ອງ. ພາບ: ແຢງລາມ/VNA
 

ດ້ວຍມູນຄ່າການລົງທຶນຫລາຍກວ່າ 5 ຕື້ໂດລາສະຫະລັດ, ກຸ່ມເຕັກໂນໂລຊີສູງ Samsung ທີ່ແຂວງ ຖ໋າຍງວຽນ
ໄດ້ດຶງ ດູດແຮງງານຫລາຍກວ່າ 64.000 ຄົນ. ພາບ: ຮວ່າງ ງວຽນ/VNA

 
ຕາມຄວາມຄິດເຫັນຂອງບັນດານັກຊ່ຽວຊານ,ການດຶງດູດ ການລົງທຶນຈຳເປັນແຕ່ຕ້ອງຕິດພັນກັບແຜນກຳນົດຂອງການພັດທະນາຂະແໜງການ ແລະ ເຂດເສດຖະກິດ. ແລະ ເພື່ອໃຫ້ແຫຼ່ງທຶນ FDI ເສີມຂະຫຍາຍຢ່າງມີປະສິດທິຜົນ, ຫວຽດນາມຕ້ອງມີກົດບັງຄັບຢ່າງຈະແຈ້ງເພື່ອຜູກມັດບັນດາອຳນາດການປົກຄອງທ້ອງຖິ່ນຕ້ອງປະຕິບັດຕາມແຜນກຳນົດລວມ, ໂດຍສະເພາະແມ່ນຄວາມເດັດຂາດບໍ່ອອກໃບອະນຸຍາດ ຫຼື ຖອນໃບອະນຸຍາດຂອງບັນດາໂຄງການ ທີ່ບໍ່ມີຄວາມສາມາດປະຕິບັດໄດ້, ສ້າງຜົນກະທົບທີ່ບໍ່ດີເຖິງສິ່ງແວດລ້ອມ, ຕໍເສດຖະກິດ-ສັງຄົມ, ວຽກງານປ້ອງກັນຊາດປ້ອງກັນຄວາມສະຫງົບ ແລະ ອື່ນໆ…

ໃນໄລຍະຍາວ, ຄືດັ່ງຄຳເວົ້າຂອງທ່ານຮອງ ສາດສະດາຈານ, ດຣ ເຈີ່ນດິ່ງທ້ຽນ, ຫົວໜ້າສະຖາບັນເສດຖະກິດ ຫວຽດນາມເວົ້າວ່າ: “ພວກເຮົາໄດ້ຜ່ານພົ້ນສະໄໝອຶດຫີວດ້ານເງິນລົງທຶນ ແລະ ກໍຜ່ານສະໄຫມອີງໃສ່ການຂຸດຄົ້ນຕາມທິດເປີດກວ້າງເພື່ອຍາດແຍ່ງເອົາການລົງທຶນຈາກຕ່າງປະເທດ, ພວກເຮົາຕ້ອງມຸ່ງສູ່ ຄຸນນະພາບສູງ, ມຸ່ງສູ່ເຕັກໂນໂລຊີທີ່ດີ, ມຸ່ງສູ່ບັນດາໂຄງການທີ່ມີການພັດທະນາຢ່າງກວ້າງຂວາງ ແລະ  ແຂງແຮງກວ່າ”.

ດ້ວຍເຫດນັ້ນ, ຕາມທ່ານ“ ເຈີ່ນດິ່ງທຽນ, ດ້ວຍຖານະເປັນຄູ່ ຮ່ວມມືທີ່ສະເໝີພາບ, ຫວຽດນາມມີສິດເລືອກເຟັ້ນ, ມີສິດອີງໃສ່ກຳນົດທິດທາງພັດທະນາຂອງຕົນເພື່ອຄັດເລືອກເອົາໂຄງການລົງທຶນທີ່ມີປະສິດທິຜົນສູງສຸດ.

ໃນຂະບວນການດຳເນີນທຸລະກິດ,  ວິສາຫະກິດ FDI ຈຳນວນໜຶ່ງ ໄດ້ສວຍໃຊ້ຊ່ອງວ່າງໃນການຄຸ້ມຄອງຂອງ ຫວຽດນາມ ເພື່ອເຮັດສິ່ງຜິດກົດໝາຍ,
ພົ້ນເດັ່ນກວ່າຫມູ່ແມ່ນບໍລິສັດ Formosa ຮ່າຕີ້ງໄດ້ປ່ອຍສິ່ງເສດເຫຼືອ ສ້າງມົນລະພິດ ອອກສູ່ທະເລ ກໍ່ມະຫາໄພປາຕາຍເປັນຈຳນວນຫລວງຫລາຍ
ຢູ່ 4 ແຂວງພາກກາງ ຫວຽດນາມ. ໃນພາບ: ຄະນະຄຸ້ມຄອງກວດກາຕິດຕາມທ້ອນໂຮມ
ແລະ ທຳລາຍ ປາຕາຍທີ່ແຂວງກວ່າງຈີ້. ພາບ: ເຈີ່ນຕີ້ງ/VNA


ອົງການຈັດຕັ້ງທີ່ມີໜ້າທີ່ເກັບເອົາຕົວຢ່າງເພື່ອຊອກຫາສາ ເຫດປາຕາຍຢູ່ເຂດທະເລຂອງແຂວງກວ່າງຈີ້. ພາບ: ເຈີ່ນຕີ້ງ/VNA


ຕໍ່ໜ້າຫຼັກຖານ ແລະ ເຫດຜົນຕ່າງໆທີ່ໜ້າເຊື່ອຖື, ທ່ານ ເຈີ່ນງວຽນແທ່ງ, ປະທານສະພາຄຸ້ມຄອງບໍລິສັດເຫຼັກກ້າ ຮືງງ້ຽບ Formosa ຮ່າຕີ້ງຈຳກັດ ໄດ້ຍອມຮັບ
ແລະ ຮັບ ຜິດຊອບຕໍ່ສີ່ງທີ່ເກີດຂຶ້ນອຸບັດເຫດມົນລະພິດ ສິ່ງແວດ ລ້ອມທະເລຢູ່ 4 ແຂວງພາກກາງ ຫວຽດນາມ. ພາບ: VNA


ຄະນະນຳບໍລິສັດເຫຼັກກ້າຮືງງ້ຽບ Formosa ຮ່າຕີ້ງຈຳກັດ ກົ້ມຫົວຂໍຄວາມອະໄພ ແລະ ຍອມຮັບ ແລະ ຮັບຜິດຊອບ
ທົດແທນຄ່າເສຍຫາຍ, ປົວແປງຢ້ອນຫຼັງຜົນເສຍຫາຍທີ່ ເກີດຂຶ້ນ. ພາບ: ເຈີ່ນຕີ້ງ/VNA

 

ລົງທຶນໃນ 53 ແຂວງ, ນະຄອນ, ໃນນັ້ນ, ມີແຂວງຫາຍຟ່ອງ ເປັນທ້ອງຖິ່ນດຶງດູດທຶນ FDI ຫຼາຍທີສຸດມີທັງຫມົດ 22 ໂຄງການໄດ້ອອກໃບອະນຸຍາດໃໝ່ ແລະ ມີ 17  ໂຄງການ ຂໍດັດແປງເພີ່ມມູນຄ່າລົງທຶນໃໝ່ໃຫ້ເໝາະສົມ, ລວມມູນ ຄ່າການລົງທຶນໃຫມ່ ແລະ ຂໍເພີ່ມທຶນເທົ່າກັບ  1,742 ຕື້ ໂດລາສະຫະລັດ, ກວມເອົາ 15,4% ຂອງມູນຄ່າການລົງທຶນທັງໝົດ. ຮ່າໂນ້ຍຢືນໃນອັນດັບທີ 2 ລວມມູນ ຄ່າການລົງທຶນຈົດທະບຽນໃໝ່ ແລະ ເພີ່ມທຶນແມ່ນ 1,63 ຕື້ໂດລາສະຫະລັດ, ກວມ 14,45%. ຖັດຈາກ ນັ້ນແມ່ນ ແຂວງບິ່ງເຢືອງ, ແຂວງດົ່ງນາຍດ້ວຍ ມູນຄ່າການທຶນ ຈົດທະບຽນໃໝ່ ແລະ ເພີ່ມທຶນຈຳນວນ 1,07 ຕື້ໂດລາ ສະຫະລັດ ແລະ 928,9 ລ້ານໂດລາສະຫະລັດຕາມລຳດັບ. 

(ຄັດຈາກແຫຼ່ງ: ກົມລົງທຶນຕ່າງປະເທດ, ກະຊວງແຜນການ ແລະ ການລົງທຶນ)

 
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ