14/04/2021 22:23 GMT+7 Email Print Like 0

ບຸນປີໃໝ່ປະເພນີຂອງ ກຳປູເຈຍ - ລາວ - ມຽນມາ - ໄທ ປີ 2021 ຢູ່ນະຄອນ ໂຮ່ຈີມິນ

      ສະຫະພັນບັນດາອົງການມິດຕະພາບ ນະຄອນ ໂຮ່ຈີມິນ (HUFO) ພ້ອມດ້ວຍຄະນະພຸດທະສາສະໜາສາກົນ, ສະມາຄົມພຸດທະສາສະໜາ ຫວຽດນາມ ນະຄອນ ໂຮ່ຈີມິນ ໄດ້ຈັດຕັ້ງພິທີສະຫຼອງບຸນປີໃໝ່ປະເພນີ ກຳປູເຈຍ - ລາວ - ມຽນມາ - ໄທ ປີ 2021, ເນື່ອງໃນໂອກາດບຸນປີໃໝ່ - ຈອນຈານຳເທີໄມ ຂອງ ກຳປູເຈຍ, ບຸນປີໃໝ່ຂອງ ລາວ, Thing – yang ຂອງ ມຽນມາ ແລະ ບຸນສົ່ງການຂອງ ໄທ.
ພິທີສະຫຼອງບຸນປີໃໝ່ປະເພນີ ກຳປູເຈຍ - ລາວ - ມຽນມາ - ໄທ ປີ 2021 ຖືກຈັດຂຶ້ນໃນຕອນເຊົ້າວັນທີ 14 ເມສາ (ພາບ: TTXVN)
      ຕອນເຊົ້າວັນທີ 14 ເມສາ, ຢູ່ວັດ ໂຝມິນ, ເມືອງ ຢໍເວິບ, ສະຫະພັນບັນດາອົງການມິດຕະພາບ ນະຄອນ ໂຮ່ຈີມິນ (HUFO) ພ້ອມດ້ວຍຄະນະພຸດທະສາສະໜາສາກົນ, ສະມາຄົມພຸດທະສາສະໜາ ຫວຽດນາມ ນະຄອນ ໂຮ່ຈີມິນ ໄດ້ຈັດຕັ້ງພິທີສະຫຼອງບຸນປີໃໝ່ປະເພນີ ກຳປູເຈຍ - ລາວ - ມຽນມາ - ໄທ ປີ 2021, ເນື່ອງໃນໂອກາດບຸນປີໃໝ່ - ຈອນຈານຳເທີໄມ ຂອງ ກຳປູເຈຍ, ບຸນປີໃໝ່ຂອງ ລາວ, Thing – yang ຂອງ ມຽນມາ ແລະ ບຸນສົ່ງການຂອງ ໄທ. ພິທີດັ່ງກ່າວຖືກຈັດຂຶ້ນເພື່ອແນໃສ່ຊຸກຍູ້ຄວາມເຂົ້າໃຈເຊິ່ງກັນແລະກັນລະຫວ່າງ ຫວຽດນາມ ກັບບັນດາປະເທດບ້ານໃກ້ເຮືອນຄຽງ, ເພີ່ມທະວີການແລກປ່ຽນວັດທະນະທຳ, ການຮ່ວມມືໃນຫຼາຍດ້ານລະຫວ່າງ ຫວຽດນາມ ເວົ້າລວມ ແລະ ນະຄອນ ໂຮ່ຈີມິນ ກັບບັນດາປະເທດເວົ້າສະເພາະ, ນຳມາເຊິ່ງຜົນປະໂຫຍດອັນແທດຈິງ ໃຫ້ແກ່ວິວັດການສ້າງສາ ແລະ ພັດທະນາປະເທດຊາດຂອງແຕ່ລະປະເທດ. ຫວຽດນາມ - ກຳປູເຈຍ - ລາວ - ມຽນມາ - ໄທ ໄດ້ມີການຮ່ວມມື, ຊ່ວຍເຫຼືອກັນຫຼາຍຢ່າງໃນຫຼາຍປີຜ່ານມາ. ປະຊາຊົນ 5 ປະເທດ ພວມພ້ອມກັນສູ້ຊົນສ້າງປະຊາຄົມ ອາຊຽນ ແຫ່ງສັນຕິພາບ, ສະຖຽນລະພາບ, ຮ່ວມມື ແລະ ພັດທະນາຢ່າງວັດທະນາຖາວອນ.
(ແຫຼ່ງຄັດຈາກ VOV)