30/11/2015 09:32 GMT+7 Email Print Like 0

ບາດກ້າວບຸກທະລຸໃນການພົວພັນຫວຽດນາມ-ເຢຍລະມັນ

ການຢ້ຽມຢາມທາງລັດຖະກິດລະດັບຊາດເຖິງປະເທດສາທາລະນະລັດສະຫະພັນເຢຍລະມັນ ( ວັນທີ 24-26 ພະຈິກ 2015) ມີຄວາມໝາຍປະຫວັດສາດໃນການພົວພັນສອງຝ່າຍ ລະຫວ່າງສອງປະເທດ, ປະກອບສ່ວນຍູ້ແຮງການພົວພັນຄູ່ຮ່ວມມືຍຸດທະສາດ ຫວຽດນາມ-ເຢຍລະມັນ, ສູ້ຊົນຍົກມູນຄ່າການຄ້າຂຶ້ນເປັນ 20 ຕື້ USD ໃນ 5 ປີຈະມາເຖິງນີ້. 
ບັນດາທ່ານຜູ້ນຳເຢຍລະມັນໄດ້ສະຫງວນໃຫ້ແກ່ທ່ານປະທານປະເທດ ເຈືອງເຕິນຊາງ ການຕ້ອນຮັບດ້ວຍໄມຕີຈິດອັນອົບອຸ່ນ ພ້ອມກັບພິທີການຮັບແຂກທີ່ຊົງກຽດທີ່ສຸດທີ່ມີຕໍ່ທ່ານ. 

ທ່ານປະທານາທິບໍດີ ສາທາລະນະລັດ ສະຫະພັນ ເຢຍລະມັນ Joachim Gauck ຕ້ອນຮັບທ່ານປະທານປະເທດ ເຈືອງເຕິນ ຊາງ. ພາບ: ຫງວຽນຄາງ-VNA


ພິທີຕ້ອນຮັບທ່ານປະທານປະເທດໄດ້ຈັດຂຶ້ນຢ່າງສົມກຽດທີ່ທຳນຽບປະທານາທິບໍດີ ພ້ອມກັບຍິງປືນໃຫຍ່ 21 ນັດ
ເພື່ອສະແດງຄວາມຊົມເຊີຍ. ພາບ: ຫງວຽນຄາງ-VNA


ທ່ານປະທານປະເທດ ເຈືອງເຕິນຊາງ ໃນການພົບປະເຈລະຈາກັບ ທ່ານປະທານາທິບໍດີ Joachim Gauck. ພາບ: ຫງວຽນຄາງ-VNA


ທ່ານນາງນາຍົກລັດຖະມົນຕີ Angela Merkel ຕ້ອນຮັບທ່ານປະທານປະເທດ ເຈືອງເຕິນຊາງທີ່ສຳນັກງານນາຍົກລັດຖະມົນຕີ. ພາບ: ຫງວຽນຄາງ-VNA


ທ່ານປະທານປະເທດ ເຈືອງເຕິນຊາງ ຕ້ອນຮັບການເຂົ້າຢ້ຽມຄຳນັບຂອງທ່ານລັດຖະມົນຕີວ່າການ
ກະຊວງການຕ່າງປະເທດເຢຍລະມັນ Frank-Walter Steinmeier. ພາບ: ຫງວຽນຄາງ-VNA



ທ່ານປະທານປະເທດ ເຈືອງເຕິນຊາງ ເປັນສັກຂີພິຍານໃນການລົງນາມໃນຂໍ້ຕົກລົງວ່າດ້ວຍການຮ່ວມມືຍຸດທະສາດ
ໃນຂົງເຂດການເດີນອາກາດຂອງສອງປະເທດ. ພາບ: ຫງວຽນຄາງ-VNA



ທ່ານປະທານປະເທດ ເຈືອງເຕິນຊາງພົບປະບັນດານັກການເມືອງ ແລະ ນັກຮຽນຮູ້ເຢຍລະມັນທີ່ສະຖາບັນ Körber . ພາບ: ຫງວຽນຄາງ-VNA


ທ່ານປະທານປະເທດ ເຈືອງເຕິນຊາງໃນການພົບປະກັບບັນດາເພື່ອນມິດເຢຍລະມັນ. ພາບ: ຫງວຽນຄາງ-VNA

 
ມູນຄ່າການຄ້າສອງສົ້ນຫວຽດນາມ-ເຢຍລະມັນເພີ່ມ ຂຶ້ນທົບເທ່ົາຕົວ, ຈາກ  4,1 ຕື້ USD ປີ 2010 ເຖິງ 7,8 ຕື້ USD ໃນປີ 2014. ເຢຍລະມັນຮັກສາອັນດັບການເປັນຄູ່ຮ່ວມມືດ້ານການຄ້າທີ່ໃຫຍ່ສຸດຂອງຫວຽດນາມໃນ EUຕະຫລອດມາ, ກວມອັດຕາສ່ວນປະມານ 20% ຂອງປະລິມານການສົ່ງອອກຂອງຫວຽດນາມເຂົ້າຕະຫຼາດ EU. 
ໃນທີ່ກອງປະຊຸມເຈລະຈາກັບທ່ານປະທານາທິບໍດີ Joachim Gauck ແລະ ທ່ານນາຍົກລັດຖະມົນຕີ  Angela Merkel, ສອງ ຝ່າຍໄດ້ກຳນົດບັນດາທິດທາງ ແລະ ວິທີການອັນລະອຽດ ເພື່ອຍູ້ ແຮງ ການພົວພັນຄູ່ຮ່ວມມືຍຸດທະສາດ ຫວຽດນາມ-ເຢຍລະມັນ ໃນໄລຍະຈະມາເຖິງນີ້, ໂດຍສະເພາະແມ່ນກ່ຽວກັບການ ຮ່ວມມື ໃນດ້ານການຄ້າ-ການລົງທຶນ, ວິທະຍາສາດ-ເຕັກໂນໂບຢີ ແລະ ການສຶກສາ-ບຳລຸງສ້າງ; ສະໜັບສະໜູນຫວຽດນາມເພີ່ມທະວີ ການພົວພັນຢ່າງຮອບດ້ານກັບສະຫະພັນເອີຣົບ (EU), ໃນນັ້ນ, ມີການຊຸກຍູ້ການລົງນາມສັນຍາການຄ້າເສລີລະຫວ່າງຫວຽດນາມ-ເຢຍລະມັນ (EVFTA) ໂດຍໄວ… ມີຫຼາຍກາລະໂອກາດຮ່ວມ ມືລະຫວ່າງປະຊາຄົມວິສາຫະກິດສອງປະເທດກໍໄດ້ຮັບການສ້າງ ຕັ້ງຂຶ້ນໃນທີ່ເວທີປາໄສວິສາຫະກິດທີ່ Frankfurt, ປະກອບສ່ວນ ສ້າງພະລັງແຮງໃຫມ່, ເປີດການທະລຸລ່ວງເສັ້ນທາງການຄ້າລະ ຫວ່າງສອງປະເທດ.

ບົນພື້ນຖານດັ່ງກ່າວ, ສອງຝ່າຍໄດ້ເປັນເອກະພາບກັນຊຸກຍູ້ເພີ່ມ ມູນຄ່າການຄ້າຂຶ້ນ 20 ຕື້ USD ແລະ ມູນຄ່າການລົງທຶນ ຂອງ ເຢຍລະມັນຢູ່ຫວຽດນາມຂຶ້ນເຖິງ  5 ຕື້ USD ໃນ 5 ປີຈະມາເຖິງ.

ກ່ຽວພັນເຖິງສະຖານະການໂລກ ແລະ ພາກພື້ນ, ທ່ານປະທາ ນາທິບໍດີ, ນາຍົກລັດຖະມົນຕີ, ວົງການການເມືອງ ແລະ ນັກຮຽນ ຮູ້ເຢຍລະມັນ ໄດ້ສະແດງຄວາມເປັນຫວ່ງກ່ຽວກັບສະຖານະການ ເຄື່ອນໄຫວບູລະນະຫາດຫີນເພີ່ມຂຶ້ນ ຊຶ່ງກໍ່ຄວາມບໍ່ສະຫງົບຕໍ່ ສັນຕິພາບ, ສະຖຽນລະພາບ, ຄວາມສະຫງົບປອດ ໄພດ້ານການ ເດີນທະເລ ແລະ ການເດີນອາກາດຢູ່ທະເລ ຕາເວັນ ອອກ; ແບ່ງ ປັນ ແລະ ສະໜັບສະໜູນ ຫຼັກໝັ້ນຂອງຫວຽດນາມ ໃນການແກ້ ໄຂຂໍ້ພິພາດໂດຍສັນຕິວິທີ, ບົນພື້ນຖານເຄົາລົບ ບັນດາຫຼັກ ການຂອງກົດໝາຍສາກົນ, ສົນທິສັນຍາຂອງສະຫະປະຊາຊາດ ວ່າດ້ວຍກົດໝາຍທະເລ, ຂໍ້ຖະແຫຼງການກ່ຽວກັບການ ປະພຶດຕໍ່ ຂອງຝ່າຍຕ່າງໆຢູ່ທະເລຕາເວັນອອກ (DOC)  ແລະ ສູ້ຊົນມີ ປະມວນກົດລະບຽບວ່າດ້ວຍ ການປະພຶດຕໍ່ຢູ່ທະເລຕາ ເວັນອອກ (COC) ໂດຍໄວ.

ຫວຽດນາມ ແລະ ເຢຍລະມັນ ລົງນາມຂໍ້ຕົກລົງຮ່ວມມືກັນ 6 ສະບັບ: 
 
1. ສັນຍາວ່າດ້ວຍການອະນຸຍາດໃຫ້ ຍາດພີ່ນ້ອງຂອງສະມາຊິກ ອົງການຜູ້ຕາງໜ້າທູຕານຸທູດໄດ້ເຮັດວຽກມີລາຍຮັບເພີ່ມ; 
2. ສັນຍາລະດັບລັດຖະບານກ່ຽວກັບການຮ່ວມມືດ້ານວິທະ ຍາ ສາດ ແລະ ເຕັກໂນໂລຢີ;
3. ອະນຸສັນຍາແຫ່ງການເຈລະຈາເບື້ອງຕົ້ນສະບັບດັດແປງ ແລະ ປະກອບເພີ່ມເຕີມສັນຍາຂົນສົ່ງທາງອາກາດປີ 1994;
4. ບົດບັນທຶກຊ່ວຍຈຳລວມກ່ຽວກັບການຮ່ວມມືໃນຂົງເຂດປ່າໄມ້;
5. ບົດບັນທຶກຊ່ວຍຈຳລະຫວ່າງກະຊວງອຸດສາຫະກຳ ການຄ້າ ຫວຽດນາມ, ສະພາການຄ້າ ແລະ ອຸດສາຫະກຳຫວຽດນາມ ແລະ ສະມາຄົມວິສາຫະກິດເຢຍລະມັນ, ຫ້ອງການຜູ້ຕາງໜ້າ ສະພາ ການຄ້າ ແລະ ອຸດສາຫະກຳເຢຍລະມັນປະຈຳຫວຽດນາມວ່າ ດ້ວຍການສົນທະນາເປັນປະຈຳ;
6. ສັນຍາກ່ຽວກັບບໍລິການດ້ານເຕັກນິກລະຫວ່າງ VietJet ກັບ ກຸ່ມບໍລິສັດ Lufthansa ວ່າດ້ວຍເຄື່ອງຈັກຂອງເຄື່ອງບິນ A320; 
 
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ