12/08/2016 12:21 GMT+7 Email Print Like 0

ບັ້ນຂົນຂວາຍ“ຊາວຫວຽດນາມບຸລິມະສິດຊົມໃຊ້ສິນຄ້າຫວຽດນາມ”ບັນລຸຜົນງານຕັ້ງໜ້າຫຼາຍຢ່າງ

ທີ່ກອງ​ປະ​ຊຸມ​ 
(ພາບ: mattran.org.vn)
      ຕອນ​ເຊົ້າ​ວັນ​ທີ 11/08, ຢູ່​ຮ່າ​ໂນ້ຍ ໄດ້​ດຳ​ເນີນກອງ​ປະ​ຊຸມ​ໂຄ​ສະ​ນາ​ກ່ຽ​ວ​ກັບໝາກ​ຜົນ ແລະ ມາດ​ຕະ​ການ​ແກ​້​ໄຂ​ຈຸດ​ສຸມ​ເພື່ອ​ປະ​ຕິ​ບັດບັ້ນ​ຂົນ​ຂວາຍ “ຊາວ​ຫວຽດ​ນາມ​ບຸ​ລິ​ມະ​ສິດ​​ຊົມໃຊ້​ສິນ​ຄ້າ​ຫວຽດ​ນາມ”​. ກ່າວ​ຄຳ​ເຫັນ​ໜ້າ​ທີ່ນີ້, ທ່ານ​ນາງ ເຈືອງ​ທິ​ຫງອກ​ແອ໋ງ, ຮອງ​ປະ​ທານ​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປ​ະ​ເທດ​ຊາດ​ຫວຽດ​ນາມ, ຮອງ​ຫົວ​ໜ້າ​ຄ​ະ​ນະ​ຊີ້​ນຳສ​ູນ​ກາງ​ກ່ຽວ​ກັບບັ້ນ​ຂົນ​ຂວາຍ “ຊາວ​ຫວຽດ​ນາມ​ ບຸ​ລິ​ມະ​ສິດ​ຊົມໃຊ້​ສິນ​ຄ້າ​ຫວຽດ​ນາມ”​ ຢືນ​ຢັນ​ວ່າ, ພາຍ​ຫຼັງໄລ​ຍະ 7 ປີ​ແຫ່ງ​ການ​ປະ​ຕິ​ບັດ​ບັ້ນ​ຂົນ​ຂວາຍ, ເສດ​ຖະ​ກິດ​ຂອງ​ປະ​ເທດ​ຊ​າດ​ໄດ້​ມີບ​າດ​ກ້າວ​ພັດ​ທະ​ນາ​ນັບ​ທັງ​ທາງ​ດ້ານ​ຂອບ​ຂະ​ໜາດ, ລະ​ດັ​ບ​ກຳ​ລັງການ​ຜະ​ລິດ, ຍົກ​ສູງ​ກຳ​ລັງ​ແກ່ງ​ແຍ​້ງ​ຂອ​ງ​ສິນ​ຄ້າ, ເພີ່ມ​ຂອບ​​ຂະ​ໜາດ​ການ​ສະ​ໜອງ - ຄວາມ​ຕ້ອງ​ການ​ຂອງ​ພື້ນ​ຖານ​ເສດ​ຖະ​ກິດ ແລະ ຍູ້​ແຮງ​ການ​ສົ່ງ​ອອກ. ຄຸນ​ນະ​ພາບ​​ຂອງຜ​ະ​ລິດ​ຕະ​ພັນ​ສິນ​ຄ້​າ​ຂອງ​ຫວຽດ​ນາມ ນັບ​ມື້​ນັບ​ໄດ້​ຮັບ​ການ​ຍົກ​ສູງ​ຂຶ້​ນ. ທ່ານ​ນາງ ເຈືອງ​ທິ​ຫງອກ​ແອ໋ງ ຖື​ວ່າ, ໃນ​ໄລ​ຍະ​ຈ​ະ​ມ​າ​ເຖິງ, ຕ້ອງ​ສືບ​ຕໍ່​ເພີ່ມ​ທະ​ວີ​ການ​ໂຄ​ສະ​ນາ ຍົກ​ສ​ູງ​ຄວາມ​ຮັບ​ຮູ້, ຄວາມ​ຮັບ​ຜິດ​ຊອບ​ຂອງ​ທຸກ​ຂັ້ນ, ຂະ​ແໜງ​ການ, ປະ​ຊາ​ຊົນ​ທຸກ​ຊັ້ນ​ວັນ​ນະ​ກ່ຽວ​ກັບ​ຄວາມ​ໝາຍ​ຂອງບັ້ນ​ຂົນ​ຂວ​າຍ, ຈ​າກນັ້ນ​ໄ​ດ​້​ປະ​ກອບ​ສ່ວນ​ເຂ​ົ້າ​ໃນ​ການ​ຮັບ​ປະ​ກັນ​ສະ​ຖຽນ​ລະ​ພ​າບ​ພື້ນ​ຖານ​ເສດ​ຖະ​ກິດ​ຂອງ​ປະ​ເທດ​ຊ​າດ​ໃນ​ໄລ​ຍະ​ເຊື່ອມ​ໂຍງ​ເຂົ້າ​ກັບ​ສາ​ກົນ; ຮັບ​ປະ​ກັນ​ພື້ນ​ຖານ​ເສດ​ຖະ​ກິດ​ຢ່າງ​ມີ​ສະ​ຖຽນ​ລະ​ພາບ, ເປັນ​ເຈົ້າ​ການ.
 (ແຫຼ່ງຄັດຈາກ VOV)