06/05/2015 09:56 GMT+7 Email Print Like 0

ບັນດາອົງການພາກພື້ນ ແລະ ສະຫະປະຊາຊາດ ຮ່ວມມືເພື່ອສັນຕິພາບ ແລະ ການໄກ່ເກຍປອງດອງ

ທ່ານ​ເລ​ຂາ​ທິ​ການ​ໃຫຍ່ ສ​ປ​ຊ Ban Ki Moon
(ພາບ: eyeradio.org)
          18 ອົງ​ການ​ພາກ​ພື້ນ, ໃນ​ນັ້ນ​ມີ​ສະ​ຫະ​ສະ​ມາ​ຄົມ​ບັນ​ດາ​ປະ​ເທດ​ອາ​ຊີ ຕາ​ເວັນ​ອອ​ກ​ສ່ຽງ​ໃຕ້ (ອາ​ຊຽນ) ແລະ ສະ​ຫະ​ປະ​ຊາ​ຊາດ ໄດ້ໃຫ້​ຄຳ​ໝັ້ນ​ສັນ​ຍາ​ເພີ່ມ​ທະ​ວີ​ການ​ຮ່ວມ​ມື​ຊຸກ​ຍູ້​ສັນ​ຕິ​ພາບ ແລະ ການ​​ໄກ່​ເກຍປອງ​ດອງ​ໃນ​ຂອບ​ເຂດ​ທົ່ວ​​ໂລກ. ແຈ້ງ​ການ​ເມື່ອ​ວັນ​ທີ 4/5 ຂອງ​ຄະ​ນະ​ເລ​ຂາ ອາ​ຊຽນ ໃຫ້​ຮູ້​ວ່າ: ນີ້​ແມ່​ນ​ໝາກ​ຜົນ​ຂອງ​ກອງ​ປະ​ຊຸມ​ໂດຍ​ທ່ານ​ເລ​ຂາ​ທິ​ການ​ໃຫຍ່ ສ​ປ​ຊ Ban Ki Moon ເປັ​ນ​ປະ​ທານ​ໃນ​ວັນ​ທີ 1 – 2/5 ຢູ່ ນິວຢອກ, ປະ​ເທດ ອາ​ເມ​ລິ​ກາ, ລະ​ຫວ່າງ​ຜູ້​ຕາງ​ໜ້າ​ບັນ​ດາ​ອົງ​ການ​ພ​າກ​ພື້ນ​ດັ່ງ​ກ່າວ ແລະ ບັນ​ດາ​ເຈົ້າ​ໜ້າ​ທີ່​ອົງ​ການຫຼາຍ​ຝ່າຍ​ໃຫຍ່​ທີ່​ສຸດ​ໃນ​ທົ່ວ​ໂລກນີ້. ກອງ​ປະ​ຊຸມ​ໄດ້​ສຸ​ມ​ໃສ່​ເຂົ້າ​ໃນ 3 ຂົງ​ເຂດ​ຕົ້ນ​ຕໍ​ແມ່ນ​ການ​ໄກ່​ເກຍ​ປອງ​ດ​ອງ, ການ​ສ້າງ​ສັນ​ຕິ​ພາບ ແລະ ການ​ເຄື່ອນ​ໄຫວ​ສັນ​ຕິ​ພ​າບ. ທ່າ​ນ​ເລ​ຂາ​ທິ​ການ​ໃຫຍ່ ສ​ປ​ຊ Ban Ki Moon ເນັ້ນ​ໜັກ​ເຖິງ​ຄວາມ​ສຳ​ຄັນ​ຂອງ​ການ​ພົວ​ພັນ​ຄູ່​ຮ່ວມ​ມື​ລະ​ຫວ່າ​ງ​ອົງ​ການ​ຂອງ​ສາ​ກົນ ແລະ ພາ​ກ​ພື້ນ​ເພື່ອ​ແນ​ໃສ່​ບັນ​ລຸ​ໄດ້​ສັນ​ຕິ​ພາບ ແລະ ຄວາມ​ສະ​ຫງົບ​ໃນ​ສະ​ພາບ​ການ​ປະ​ຈຸ​ບັນ.
 (ແຫຼ່ງຄັດຈາກ VOV)