20/05/2015 09:13 GMT+7 Email Print Like 0

ບັນດາປະເທດອະນຸພາກພື້ນ ແມ່ນ້ຳຂອງ ຍູ້ແຮງວຽກງານປ້ອງກັນ, ຕ້ານຢາເສບຕິດ

ບັນດາຜູ້ແທນເຂົ້າຮ່ວມກອງປະຊຸມ
        ກ່າວຄຳເຫັນທີ່ກອງປະຊຸມເຈົ້າໜ້າທີ່ຂັ້ນສູງບັນດາປະເທດອະນຸພາກພື້ນແມ່ນ້ຳຂອງ ກ່ຽວກັບການປ້ອງກັນ, ຕ້ານຢາເສບຕິດໄດ້ດຳເນີນໃນຕອນເຊົ້າວັນທີ 19/5, ຢູ່ ຮ່າໂນ້ຍ, ທ່ານພົນຕີ ຟານວັນວີ້ງ, ຫົວໜ້າກົມໃຫຍ່ຕຳຫຼວດ, ກະຊວງຕຳຫຼວດ ຫວຽດນາມ, ໃຫ້ຮູ້ວ່າ: ຜ່ານ 20 ປີ, ກົນໄກການຮ່ວມມືປ້ອງກັນ, ຕ້ານຢາເສບຕິດລະຫວ່າງ ກຳປູເຈຍ, ຈີນ, ລາວ, ມຽນມາ, ໄທ,  ຫວຽດນາມ ແລະ ອົງການປ້ອງກັນ, ຕ້ານຢາເສບຕິດ ແລະ ອາດຊະຍາກຳສະຫະປະຊາຊາດໄດ້ກາຍເປັນເວທີປາໄສຫຼາຍຝ່າຍສຳຄັນໃນພາກພື້ນທີ່ໄດ້ມີການປະກອບສ່ວນຕັ້ງໜ້າຫຼາຍຢ່າງໃນການຕໍ່ສູ້ປ້ອງກັນ, ຕ້ານຢາເສບຕິດ. ກອງປະຊຸມແມ່ນເວທີປາໄສສຳຄັນ ເພື່ອໃຫ້ບັນດາ
        ປະເທດພົບປະ, ແລກປ່ຽນກ່ຽວກັບສະພາບການ, ບົດຮຽນ ແລະ ໝາກຜົນວຽກງານປ້ອງກັນ, ຕ້ານຢາເສບຕິດຂອງແຕ່ລະປະເທດ. ພ້ອມທັງ, ປຶກສາຫາລື, ກໍ່ສ້າງ ແລະ ເປັນເອກະພາບບັນດາມາດຕະການຍຸດທະສາດ ກ່ຽວກັບວຽກງານຮ່ວມມືປ້ອງກັນ, ຕ້ານຢາເສບຕິດ, ຍົກສູງປະສິດທິຜົນຂອງກົນໄກຮ່ວມມືຫຼາຍຝ່າຍກໍຄື 2 ຝ່າຍໃນພາກພື້ນ. ທ່ານພົນຕີ ຟານວັນວີ້ງ ເນັ້ນໜັກວ່າ:
        “ກອງປະຊຸມໄດ້ດຳເນີນໃນສະພາບແຫຼ່ງກຳລັງສາກົນສະຫງວນໃຫ້ວຽກງານປ້ອງກັນ, ຕ້ານຢາເສບຕິດຫຼຸດລົງ. ສະນັ້ນ, ເລື່ອງຮັກສາປະສິດທິຜົນກົນໄກຮ່ວມມືລະຫວ່າງບັນດາປະເທດອະນຸພາກພື້ນແມ່ນອີງໃສ່ການເຂົ້າຮ່ວມຢ່າງຕັ້ງໜ້າຂອງບັນດາປະເທດສະມາຊິກ. ສິ່ງດັ່ງກ່າວ, ຮຽກຮ້ອງບັນດາປະເທດຕ້ອງຍົກສູງບົດບາດສຳຄັນກ່່ວາອີກໃນການກໍ່ສ້າງ ແລະ ຈັດຕັ້ງການປະຕິບັດບັນດານະໂຍບາຍ, ຍຸດທະສາດຄວບຄຸມຢາເສບຕິດ; ເພີ່ມທະວີລັກສະນະເປັນເຈົ້າການກ່ວາອີກ ແລະ ເຂົ້າຮ່ວມໃນການສ້າງບັນດາຂໍ້ລິເລີ່ມປ້ອງກັນ, ຕ້ານຢາເສບຕິດຂອງພາກພື້ນໂດຍກົງ ແລະ ແບ່ງປັນບົດຮຽນລະດົມບັນດາແຫຼ່ງກຳລັງໃຫ້ວຽກງານນີ້.”
(ແຫຼ່ງຄັດຈາກ VOV)