09/12/2015 08:55 GMT+7 Email Print Like 0

ບັນດາປະເທດກ້າວເຂົ້າສູ່ໄລຍະເຈລະຈາສຸດທ້າຍໃນຂອບເຂດ COP 21


(ພາບປະກອບ: highnorthnews)
        ວັນ​ທີ 07/12, ຜູ້​ຕາງ​ໜ້າ​ຂອງກວ່າ 190 ປະ​ເທດ ແລະ ເຂດ​ແຄ້ວນ​ໃນ​ໂລກ ໄດ້​ກັບ​ຄື​ນ​ສູ່​ການ​ເຈ​ລະ​ຈາ ໃນ​ຂອບ​ເຂດກອງ​ປະ​ຊຸມ​ຄັ້ງ​ທີ 21 ສົນ​ທິ​ສັນ​ຍາ​ແມ່​ຂອງ​ສະ​ຫະ​ປະ​ຊາ​ຊາດ ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ (COP 21), ເລີ່ມ​ຕົ້ນ​ກ້າວ​ເຂົ້າ​ສູ່​ໄລ​ຍະ​ສຸດ​ທ້າຍ ດ້ວຍ​ຄາດ​ໝາ​ຍ​ແມ່ນ​ສ້າງ​ມະ​ຕິ​ລວ​ມ​ກ່ຽວ​ກັບ​ເລື່ອງ​ຈຳກັດ​ຈຳ​ນວນ​ການ​ປ່ອຍອາຍ​ແກັດ​ເຮືອນ​​ແກ້ວ​ທົ່ວ​ໂລກ ພາຍ​ຫຼັງ​ປີ 2020, ດ້ວຍ​ຄວ​າມ​ເຫັນ​ດີິ​ເຫັນ​ພ້ອ​ມ​ຂອງ​ທຸກ​ປະ​ເທດ, ກ່ອນ​ວັນ​ທີ 11/12 ຈະມາ​ເຖິງ. ກ່າວ​ຄຳ​ເຫັນ​ກັບ​ລັດ​ຖະ​ມົນ​ຕີ​ບັນ​ດາ​ປະ​ເທດ​ເຂົ້າ​ຮ່ວມ COP 21, ທ່າ​ນ​ເລ​ຂາ​ທິ​ການ​ໃຫຍ່​ສ​ະ​ຫະ​ປະ​ຊາ​ຊາດ Ban Ki Moon ຖື​ວ່າ, ​​ບັນ​ດາຄຳ​​ຕັດ​ສິນ​ຂອງ​ບັນ​ດາ​ລັດ​ຖະ​ມົນ​ຕີ​ຢູ່ COP 21 ຈ​ະ “ມີ​ການ​ກະ​ທົບ​ເຖິງ​​ລຸ່ນ​ຕ່າງໆ”, ພ້ອມ​ທັງ​ເນັ້ນ​ໜັກ​ເຖິງ​ຄວາມ​ຈຳ​ເປັນ​ຕ້ອງ​ບັນ​ລຸ​ໄດ້​ຂໍ​້​ຕົກ​ລົງ “​ທີ່ມີ​ລັກ​ສະ​ນະ​ບຸກ​ທະ​ລຸ” ຢູ່​ປາ​ຣີ ເພື່ອ​​ອາດ​ຈະພາ​ໂລກ​ໄປ​ຖືກ​ທິດ, ເພື່ອ​ພື້ນ​ຖານ​ສັນ​ຕິ​ພາບ, ສະ​ຖຽນ​ລະ​ພາບ ແລະ ຄວາ​ມ​ວັດ​ທະ​ນະ​ຖາ​ວອນ​ຢ່າງ​ຍາວ​ນານ. ຄາ​ດ​ຄະ​ເນ​ວ່າ, ໃນ​ການ​ເຈ​ລະ​ຈາ​ເປັນ​ເວ​ລາ 5 ວັນ, ບັນ​ດາ​ລັດ​ຖະ​ມົນ​ຕີ​ຈະ​ຕ້ອງ​ແກ້​ໄຂ​ບັນ​ດາ​ຄວາມບໍ່​ລົງ​ລອຍ​ກັນ ແລະ ຕ້ອງຊອກ​ຫາ​​ມາດ​ຕະ​ການ​ແກ້​ໄຂ​ ບັນ​ຫາ​ຕ່າງໆ.
 (ແຫຼ່ງຄັດຈາກ VOV)