17/05/2018 10:28 GMT+7 Email Print Like 0

ບັນດາຂີດໝາຍໃໝ່ໃນການຮ່ວມມືລະຫວ່າງຊາວໜຸ່ມ ຫວຽດນາມ ແລະ ລາວ

      ສອງປະເທດ ໄດ້ເຫັນດີເປັນເອກະພາບກ່ຽວກັບບັນດາການປະກອບຄຳເຫັນ, ຂໍ້ສະເໜີ ແລະ ຄວາມປາດຖະໜາຂອງສອງຝ່າຍ ກ່ຽວກັບເລື່ອງເພີ່ມທະວີການໜູນຊ່ວຍ, ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສສາກົນ

ການໂອ້ລົມສົນທະນາລະຫວ່າງ ສູນກາງຄະນະຊາວໜຸ່ມສອງປະເທດ
(ພາບ: Thu Hang)
      ຕອນບ່າຍວັນທີ 15 ພຶດສະພາ, ທີ່ຮ່າໂນ້ຍ ໄດ້ດຳເນີນການໂອ້ລົມສົນທະນາລະຫວ່າງ ທ່ານເລຂາທີໜຶ່ງ ສູນກາງຄະນະຊາວໜຸ່ມກອມມູນິດໂຮ່ຈີມິນ ເລກັວກຟອງ ແລະ ທ່ານເລຂາສູນກາງຄະນະຊາວໜຸ່ມປະຊາຊົນປະຕິວັດລາວ ອາລຸນໄຊ ສູນນະລາດ. ທີ່ການໂອ້ລົມສົນທະນາ, ສູນກາງຄະນະຊາວໜຸ່ມສອງປະເທດ ໄດ້ເຫັນດີເປັນເອກະພາບກ່ຽວກັບບັນດາການປະກອບຄຳເຫັນ, ຂໍ້ສະເໜີ ແລະ ຄວາມປາດຖະໜາຂອງສອງຝ່າຍ ກ່ຽວກັບເລື່ອງເພີ່ມທະວີການໜູນຊ່ວຍ, ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສສາກົນ; ການແລກປ່ຽນ, ຮ່ວມມື, ແບ່ງປັນບົດຮຽນລະຫວ່າງບັນດາອົງການສື່ມວນຊົນຂອງສອງປະເທດໃນວຽກງານໂຄສະນາເຜີຍແຜ່; ການປ່ຽນແປງ, ຍົກສູງຄຸນນະພາບບັນດາໂຄງການບຳລຸງ, ຝຶກອົບຮົມພະນັກງານໜຸ່ມ; ເພີ່ມທະວີບັນດາການເຄື່ອນໄຫວມິດຕະພາບທີ່ເປັນມູນເຊື້ອລະຫວ່າງບັນດາແຂວງ, ນະຄອນ ທີ່ຕິດກັບຊາຍແດນ ໄດ້ມີການພົວພັນແຮກສ່ຽວຢ່າງຍາວນານ. ສອງຝ່າຍກໍຫວັງວ່າ ນອກຈາກການຮັກສາບັນດາການເຄື່ອນໄຫວທີ່ເປັນມູນເຊື້ອແລ້ວ, ການເຄື່ອນໄຫວຂອງຊາວໜຸ່ມສອງປະເທດຈະມີບັນດາແນວຄວາມຄິດ, ການເຄື່ອນໄຫວ ແລະ ຂີດໝາຍໃໝ່ ເພື່ອຊຸກຍູ້ການພົວພັນຮ່ວມມືລະຫວ່າງຊາວໜຸ່ມຫວຽດນາມ - ລາວ ກວ່າອີກ, ປະຕິບັດສຳເລັດໜ້າທີ່ ໂດຍພັກ, ລັດຂອງສອງປະເທດໄດ້ມອບໝາຍໃຫ້; ຕອບສະໜອງໄດ້ຕາມຄວາມຮຽກຮ້ອງຕ້ອງການທີ່ຈຳເປັນຂອງຊາວໜຸ່ມ, ກໍຄືຄວາມຄາດຫວັງຂອງປະຊາຊົນສອງປະເທດ.
 (ແຫຼ່ງຄັດຈາກ VOV)