21/01/2016 00:01 GMT+7 Email Print Like 0

ນໍ້າໃຈ ແລະ ກຳລັງແຮງຂອງ ອາຊຽນ*

ທີ່ງານລ້ຽງຕ້ອນຮັບຊົມເຊີຍປະຊາຄົມອາຊຽນ ແລະ ປີໃໝ່ປີວອກ 2016, ທ່ານນາຍົກລັດຖະມົນຕີ ຫງວຽນເຕິນຢຸງ ໄດ້ມີບົດປາໄສທີ່ ສຳຄັນ. ສຳນັກຂ່າວຂ່າວພາບ ຫວຽດນາມຂໍຖືເປັນກຽດນຳ ສະເໜີ ບາງເນື້ອໃນບົດປາໄສດັ່ງກ່າວດັ່ງນີ້

ທ່່ານນາຍົກລັດຖະມົນຕີ ຫງວຽນເຕິນຢຸງ ກ່າວຂໍ່ານັບ​ຮັບ​ຕ້ອນ ​ ອວຍ​ພອນ
ປະຊາຄົມອາຊຽນ ແລະ ປີໃໝ່ປີວອກ 2016. ພາບ: ດຶກຕ໋າມ/VNA

“ຂໍຮຽນບັນດາສະຫາຍ, ບັນດາແຂກຜູ້ມີກຽດ ແລະ ບັນດາທ່ານ ​ເພື່ອນ​ມິດ​ທັງຫລາຍ...ຫວຽດນາມ ແລະ ບັນດາປະເທດອາຊີຕາເວັນອອກສ່ຽງໃຕ້ໄດ້ກ້າວ ເຂົ້າສູ່ປີ 2016 ດ້ວຍຈິດ​ໃຈ ແລະ ທ່ວງທ່າ​ເປັນສະມາຊິກ ຂອງຫລັງຄາ​ເຮືອນ​ດຽວ​ກັນ​ນັ້ນ​ກໍ່​ຄືປະ ຊາຄົມອາຊຽນທີ່ໄດ້ສ້າງຕັ້ງຂຶ້ນ ແລະ  ຮ່ວມ​ສໍາພັນ​ກັນ ບົນ​ພື້ນຖານ3 ເສົາຄ້ຳຫລັກຄື: ປະຊາຄົມການເມືອງ-ຄວາມສະຫງົບ (APSC), ປະຊາຄົມເສດ​ຖະກິດ (AEC) ແລະ ປະຊາຄົມວັດທະນະທຳ-ສັງຄົມ (ASCC).
 
ປະຊາຄົມອາຊຽນ ກຳ​ເນີດ​ເກີດ​ຂຶ້ນ​ແມ່ນ​ຂະ​ບວນວິວັດແຫ່ງການ ພັດທະນາຂອງການຮ່ວມມືໃນພາກພື້ນ, ​ແມ່ນຜົນຂອງ​ ການ​ອອກ​ເຮື່ອ​ເທແຮງ​ແລະ ສູ້​ຊົນຢ່າງບໍ່ຮູ້ອິດ​ຮູ້​ເມື່ອຍຂອງ ອາຊຽນ ຕະ​ຫລອດ ເກືອບ ເຄິ່ງສະຕະວັດຜ່ານມາ, ສະແດງ​ໃຫ້ເຖິງ​ຄວາມຮັບຮູ້ ແລະ ຜົນປະໂຫຍດລວມຂອງບັນດາປະເທດສະມາຊິກກ່ຽວກັບ ການຍົກສູງລະດັບ ການ ຮ່ວມມື ແລະ ຜູກ​ພັນ​ກັນເພື່ອ​ຍາດ​ແຍ່ງ​ເອົາ​ກາລະ​ໂອກາດ, ​ພ້ອມ​ກັນ​ນັ້ນ​ກໍ່​​ເພື່ອ​ຮັບ​ມືກັບສິ່ງທ້າທາຍໃໝ່.
 
ດ້ວຍຄວາມຮັບຮູ້ທີ່ວ່າ  ​ການກໍ່ສ້າງປະຊາຄົມອາຊຽນ ເປັນ​ຂະ​ບວນການ ເຄື່ອນໄຫວຕໍ່ເນື່ອງ, ອາ​ຊຽນ​ໄດ້ມີວິໄສທັດ ປະຊາຄົມ ອາຊຽນ ຮອດ​ປີ 2025, ໄດ້ຢືນຢັນຄວາມຕັດສິນໃຈ ຂອງທຸກປະ ເທດສະມາຊິກ ແມ່ນສືບຕໍ່ປັບປຸງ ແລະ ເຮັດໃຫ້ສາຍສຳພັນອາຊຽນ ເລິກເຊິ່ງກວ່າ ເກົ່າ, ກໍ່ສ້າງປະຊາຄົມອາຊຽນ ເຄື່ອນໄຫວ ຕາມກົດ ລະບຽບ, ເປັນຂອງ ປະຊາຊົນ, ເພື່ອປະຊາຊົນຢ່າງ​ແທ້​ຈິງ, ມີການພົວ ພັນຢ່າງກວ້າງ ຂວາງກັບບັນດາຄູ່ຮ່ວມມື ແລະ ມີທີ່​ຕັ້ງ ພາ​ລະບົດ ບາດສຳຄັນຢູ່ໃນ ພາກພື້ນ.
 
ດ້ວຍຈິດໃຈ ກຳລັງແຮງ ອາຊຽນ ແລະ ວິໄສທັດຮອດ​ປີ 2025, ​ເຊື່ອ ແນ່ວ່າ ອາຊຽນຈະມີພື້ນຖານ ທີ່ໜັກແໜ້ນ​ ​ແລະ ​ມີພະລັງທີ່​ແຂງແຮງ ໃຫ້ແກ່ການພັດທະນາຂອງບັນດາປະເທດອາຊີຕາເວັນອອກ ສ່ຽງໃຕ້, ໃຫ້ ແກ່ ອາຊຽນ ແລະ ທົ່ວພາກພື້ນ. ພວກເຮົາຮູ້ສຶກດີໃຈ ແລະ ເອກອ້າງ ທະນົງໃຈຕໍ່ຜົນສຳເລັດຂອງ ອາຊຽນ, ພ້ອມກັນນັ້ນກໍ່ ມີ​ຄວາມຮັບຮູ້ຢ່່າງເລິກເຊິ່ງວ່າ ສະພາບການຢູ່​ພາຍໃນພາກພື້ນ ກຳລັງມີ​ການ​ຜັນ​ແປຢ່າງສັບສົນ, ເປັນຕົ້ນແມ່ນຢູ່ທະເລຕາເວັນອອກ.
 
​ໃນ​ຖານະເປັນປະເທດສະມາຊິກທີ່ມີຄວາມຕັ້ງໜ້າ ແລະ ມີຄວາມຮັບຜິດຊອບ ຂອງປະຊາຄົນອາຊຽນ, ຫວຽດນາມ​ເດັດດ່ຽວ ປົກປ້ອງສິດ​ອຳ​ນາດອະທິປະ ໄຕ ແລະ ຜົນປະໂຫຍດອັນຊອບ​ທຳຂອງຕົນ​, ພ້ອມ​ກັນ​ນັ້ນ​ກໍ່ຍຶດໝັ້ນນະໂຍບາຍແກ້ໄຂການຂັດແຍ້ງກັນ, ການບໍ່ລົງ​ລອຍ​ກັນຢູ່ທະເລຕາເວັນອອກດ້ວຍສັນຕິວິທີ ບົນພື້ນຖານບັນດາ​ຫລັກການ​ພື້ນຖານຂອງກົດໝາຍສາກົນ, ກົດບັດຂອງສະຫະປະຊາຊາດ, ສົນທິສັນຍາຂອງສະຫະ ປະຊາຊາດ ວ່າດ້ວຍກົດໝາຍທະເລປີ 1982, ຄັດຄ້ານການນຳໃຊ້ກຳລັງອາວຸດ, ການນຳໃຊ້ກຳລັງ ການທະຫານ ແລະ ບັນດາການເຄື່ອນໄຫວຝ່າຍດຽວຢູ່ທະເລ ຕາເວັນອອກ, ເຮັດໃຫ້ ສະພາບການປະຈຸບັນມີການປ່ຽນແປງ, ມີ​ໄພ​ຂົ່ມຂູ່​ຕໍ່ຄວາມສະຫງົບ, ຄວາມປອດໄພຂອງການເດີນທະເລ, ການ ເດີນ ອາກາດ, ລະເມີດ ກົດໝາຍສາກົນ, ເຮັດໃຫ້ສະພາບການ ມີຄວາມເຄັ່ງຕຶງ ເພີ່ມຂຶ້ນ, ທໍາລາຍຄວາມໄວ້ເນື້ອເຊື່ອໃຈ, ກໍ່​ໃຫ້​ເກີດ ມີຜົນເຄາະຮ້າຍ ຢ່າງໜັກ ໜ່ວງ ແລະ ຍາວນານ, ກະທົບ​ຢ່າງ​ຮ້າຍ​ແຮງ​ຕໍ່ສັນຕິພາບ, ສະຖຽນ ນະພາບ, ຄວາມສະຫງົບ ປອດໄພ ຢູ່ ພາກພື້ນ.ຫວຽດນາມ ຈະເຮັດ ສຸດຄວາມສາມາດຂອງຕົນ, ຮ່ວມ​ມື​ຢ່າງ​ໃກ້​ສິດກັບບັນດາ ປະເທດ ໃນພາກພື້ນ ​ປະກອບສ່ວນເຂົ້າໃນການຮັກສາສັນຕິພາບ,ສະຖຽນ ນະພາບໃນພາກພື້ນ ແລະ ຢູ່ທະເລຕາເວັນອອກ, ພ້ອມ​ກັນ​ນັ້ນ​ກໍ່ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງປະຕິບັດ ຖະແຫຼງການວ່າ ດ້ວຍ ການປະພຶດຕໍ່ຂອງຝ່າຍຕ່າງໆ ຢູ່ທະເລຕາເວັນອອກ (DOC) ຢ່າງຄົບຖ້ວນ, ມີປະສິດທິພາບ ແລະ ອະນຸມັດຜ່ານປະມວນ ກົດລະບຽບ COC ໂດຍໄວ.
 
ພວກຂ້າພະເຈົ້າຂໍ​ສະ​ແດງ​ຄວາມຂອບໃຈ ແລະ ຮຽກຮ້ອງປະຊາຄົມ ສາກົນ ສືບຕໍ່ມີ ການປະກອບຄວາມຄິດເຫັນ ແລະ ມີການເຄື່ອນ ໄຫວຢ່າງ​ເຂັ້ມ​ແຂງ​ຕື່ມ ເພື່ອສະໜັບສະໜູນຄວາມ ມານະພະຍາ ຍາມຂອງ ຫວຽດນາມ, ຂອງ ອາຊຽນ ເພື່ອສັນຕິພາບ, ສະຖຽນນະ ພາບ, ເຄົາລົບ ແລະ ປະຕິບັດ ຕາມກົດໝາຍຢູ່ພາກພື້ນ ແລະ ສາກົນ.

ທ່່ານນາຍົກລັດຖະມົນຕີ ຫງວຽນເຕິນຢຸງ ກ່າວປາ​ໄສ​ຂໍ່ານັບຊົມເຊີຍ
ປະຊາຄົມ ອາຊຽນ ແລະ ປີໃໝ່ປີວອກ 2016. ພາບ: ດຶກຕ໋າມ/VNA



ທ່ານນາຍົກລັດຖະມົນຕີ ຫງວຽນເຕິນຢຸງ ພ້ອມກັບບັນດາທ່ານຜູ້ແທນ. ພາບ: ດຶກຕ໋າມ/VNA
ຮຽນບັນດາທ່ານ​ທີ່​ມີ​ກຽດ ແລະ ເພື່ອນມິດ ທີ່ມາຮ່ວມໃນງານມື້ນີ້.
 
ໃນນະໂຍບາຍພົວພັນກັບຕ່າງປະເທດ​ເອັນ​ເອກະລາດ, ​ເປັນ​ເຈົ້າ​ຕົນ​ເອງ, ຫັນ​ເປັນ​ຫລາຍ​ທິດ, ຫັນ​ເປັນ​ຫລາຍ​ຮູບ​ແບບຂອງ ຫວຽດນາມ, ອາຊຽນ ເປັນເສົາຄຳ້ໜຶ່ງ -ເປັນຍຸດທະສາດ ທີ່ບຸລິມະສິດໜຶ່ງທີ່ສຳຄັນ.
 
ຕະຫລອດ​ໄລຍະ 20 ປີໃນການຮ່ວມ​ເດີນທາງກັບອາຊຽນ, ດ້ວຍ​ທິດ​ນໍາ​ທີ່​ວ່າເຂົ້າຮ່ວມຢ່າງ​ເປັນ​ເຈົ້າ​ການ, ຢ່າງຕັ້ງໜ້າ ແລະ ມີຄວາມຮັບຜິດຊອບ ຫວຽດນາມ​ໄດ້​ປະຕິບັດ​ຢ່າງ​ເຂັ້ມ​ງວດ ​ແລະ ມີ​ຜົນ​ສໍາ​ເລັດ​ບັນດາຄຳໝັ້ນສັນຍາ ແລະ ພັນທະໜ້າທີ່ຂອງສະມາຊິກ, ເປັນໜຶ່ງໃນບັນດາປະເທດທີ່ນຳໜ້າໃນການປະຕິບັດບັນດາຄຳໝັ້ນສັນຍາກໍ່ສ້າງປະຊາຄົມເສດຖະກິດ ອາຊຽນ ແລະ ມີການປະກອບ ສ່ວນທີ່ສຳຄັນໃຫ້ແກ່ການພັດທະນາ ແລະ ການ​ເຕີບ​ໃຫຍ່ເຂັ້ມ ແຂງຂອງ ສະມາຄົມ, ໄດ້ຮັບການຮັບຮອງ ແລະ ຕີລາຄາສູງ ຈາກບັນດາປະເທດຢູ່ພາຍໃນ ແລະ ນອກພາກພື້ນ.
 
ໃນຕໍ່ໜ້າ​ໃກ້ຈະມາເຖິງນີ້, ພວກຂ້າພະເຈົ້າຈະສືບຕໍ່ເພີ່ມທະວີຄວາມສາມາດ ແລະ ລະດົມບັນດາແຫຼ່ງກຳລັງ​ແຮງ, ​ເຄົາລົບ ​ແລະ ປະຕິບັດຢ່າງ​ເຂັ້ມ​ງວດ ຄຳໝັ້ນສັນຍາ ​ໃນ​ການເຊື່ອມໂຍງ ແລະ ຮ່ວມມືຢ່າງແໜ້ນແຟ້ນກັບບັນດາປະເທດເພື່ອ ສ້າງປະຊາຄົມ ອາຊຽນ​ໃຫ້ສຳເລັດຜົນ.
 
ຂ້າພະເຈົ້າຢາກເນັ້ນໜັກເຖິງບົດບາດຄວາມສຳຄັນຂອງບັນດາທ່ານເອກອັກຄະລັດຖະທູດ, ຫົວໜ້າບັນດາອົງການຜູ້ຕ່າງໜ້າ, ບັນດາອົງການ ແລະ ບັນດາ​ທ່ານ​ແຂກເພື່ອນມິດສາກົນວ່າ ຂົວຕໍ່ເຊື່ອມສານລະ​ຫວ່າງປະເທດ, ອົງການຈັດ​ຕັ້ງຕ່າງໆ ຂອງພວກທ່ານກັບ ຫວຽດນາມ ແລະ ຜ່ານ​ຫວຽດນາມ​ນັ້ນ​ແມ່ນ ປະຊາຄົມ ອາຊຽນ.
 
ຂ້າພະເຈົ້າຫວັງວ່າ ທຸກໆ ທ່ານ​ແລະ ​ເພື່ອນ​ມິດ​ທັງຫລາຍຈະສືບຕໍ່ ເສີມຂະຫຍາຍຢ່າງມີ ປະສິດພິຜົນພາລະກໍາ​ທີ່ພິເສດຂອງຕົນນີ້, ພ້ອມໆກັບພວກຂ້າພະເຈົ້າກໍ່ສ້າງປະຊາຄົມ ອາຊຽນ ມີຄວາມສາມັກຄີ, ເຂັ້ມແຂງ, ມີບົດບາດ​ເປັນໃຈກາງຂອງພາກພື້ນ, ເພື່ອສັນຕິພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໂລກ.
* ຫົວຂໍ້ຕັ້ງຂຶ້ນໂດຍຂ່າວພາບຫວຽດນາມ
 ປະຕິບັດໂດຍ: VNA/VNP
 

 
ບັນດາບົດທີ່ຖືກນຳສະເໜີ