27/06/2018 09:31 GMT+7 Email Print Like 0

ນຳໃຊ້ລະບົບບັນດາເຂດອະນຸລັກຮັກສາຄືດັ່ງມາດຕະການຫຼຸດຜ່ອນ,ຮັບມືກັບການປ່ຽນແງປຂອງດິນຟ້າອາກາດຢູ່ຫວຽດນາມ

      ເນື່ອງໃນໂອກາດກອງປະຊຸມສະມັດຊາໃຫຍ່ກອງທຶນສິ່ງແວດລ້ອມທົ່ວໂລກ (GEF) ຄັ້ງທີ 6 ພວມດຳເນີນຢູ່ນະຄອນດ່ານັ້ງ ໃນລະຫວ່າງວັນທີ 23 – 29 ມິຖຸນາ, ທ່ານປະລິຍາເອກ ຟ້າມແອງເກື່ອງ, ຫົວໜ້າກົມອະນຸລັກຮັກສາຊີວະນາໆພັນ, ກົມໃຫຍ່ສິ່ງແວດລ້ອມ, ກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ໄດ້ຕອບສຳພາດຕໍ່ສື່ມວນຊົນກ່ຽວກັບບັນດາບັນຫາກ່ຽວຂ້ອງເຖິງການວາງແຜນຜັງໃຫ້ແກ່ບັນດາເຂດອະນຸລັກຮັກສາ ເພື່ອຮັບມືກັບການປ່ຽນແປງຂອງດິນຟ້າອາກາດ.
      ເມື່ອເຕື້ອງເຖິງບັນດາມາດຕະການເພື່ອວາງແຜນຜັງໃຫ້ແກ່ບັນດາເຂດອະນຸລັກຮັກສາເພື່ອຮັບມືກັບການປ່ຽນແປງຂອງດິນຟ້າອາກາດຢູ່ຫວຽດນາມ, ທ່ານ ຟ້າມແອງເກື່ອງ ຖືວ່າ, ຄວນສຸມໃສ່ເຂົ້າໃນການຄົ້ນຄວ້າ, ຕີລາຄາຢ່າງຮອບດ້ານຈາກການປ່ຽນແປງຂອງດິນຟ້າອາກາດຄືດັ່ງບັນດາມາດຕະການເພື່ອຫຼຸດຜ່ອນ ແລະ ຮັບມືກັບການປ່ຽນແປງຂອງດິນຟ້າອາກາດຢູ່ຫວຽດນາມ. ພ້ອມທັງເປັນເອກະພາບການວາງແຜນຜັງລະບົບເຂດອະນຸລັກຮັກສາ; ຍູ້ແຮງວຽກງານຜັນຂະຫຍາຍການປະຕິບັດບັນດາການວາງແຜນຜັງເຂດອະນຸລັກຮັກສາທີ່ໄດ້ໃຫ້ສັດຕະຍາບັນຕາມທິດຊັບຊ້ອນບັນດາປັດໄຈຈາກການປ່ຽນແປງຂອງດິນຟ້າອາກາດ… ກໍ່ຕາມທ່ານ ຟ້າມແອງເກື່ອງ ແລ້ວ, ຫວຽດນາມ ກໍຄວນຄົ້ນຄວ້າ, ສ້າງເຕັກນິກການວາງແຜນຜັງເຂດອະນຸລັກຮັກສາໃຫ້ເໝາະສົມກັບເງື່ອນໄຂຂອງຫວຽດນາມ, ສືບຕໍ່ຮັບເອົາບັນດາຄວາມຮູ້ສາກົນ; ສ້າງຕັ້ງບັນດາແລວຊີວະນາໆພັນເພື່ອເຊື່ອມຕໍ່ບັນດາເຂດອະນຸລັກຮັກສາ ເພື່ອແນໃສ່ເປີດກວ້າງຊີວະພາບເຊື່ອມຕໍ່ເພື່ອຮັບມືກັບການປ່ຽນແປງຂອງດິນຟ້າອາກາດ.
 (ແຫຼ່ງຄັດຈາກ VOV)