09/12/2018 13:10 GMT+7 Email Print Like 0

ນາຍົກລັດຖະມົນຕີ ຫວຽດນາມ ພົບປະກັບສະມາຄົມວາງແຜນຜັງພັດທະນາຕົວເມືອງ ຫວຽດນາມ

ຕອນບ່າຍວັນທີ 07 ທັນວາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ພົບປະກັບຄະນະຜູ້ແທນສະມາຄົມວາງແຜນຜັງພັດທະນາຕົວເມືອງ ຫວຽດນາມ  ເນື່ອງໃນໂອກາດສະເຫຼີມສະຫຼອງ 20 ປີແຫ່ງວັນສ້າງຕັ້ງສະມາຄົມ, 

 ນາຍົກລັດຖະມົນຕີ ຫງວຽນຊວນຟຸກ ພົບປະກັບສະມາຄົມວາງແຜນຜັງພັດທະນາຕົວເມືອງ ຫວຽດນາມ (ພາບ: VGP)
ທີ່ການພົບປະ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ: ພັກ, ລັດ, ລັດຖະບານຍາມໃດກໍ່ເອົາໃຈໃສ່ເຖິງວຽກງານວາງແຜນຜັງຕົວເມືອງ, ຖືນີ້ແມ່ນວຽກງານສຳຄັນທີ່ສຸດໃນການພັດທະນາປະເທດຊາດເວົ້າລວມ ແລະ ການພັດທະນາຕົວເມືອງເວົ້າສະເພາະ. ທ່ານນາຍົກລັດຖະມົນຕີສະເໜີໃຫ້ ສະມາຄົມຈົ່ງມີການຕິດພັນກັບໂຄງການ, ແຜນນະໂຍບາຍຂອງປະເທດຊາດກ່ວາ ເພື່ອໃຫ້ຄຳປຶກສາ, ໄຈ້ແຍກຕີລາຄາ. ຄວນຕັ້ງໜ້າໝູນໃຊ້ວິທະຍາສາດເຕັກໂນໂລຊີເຂົ້າໃນວຽກງານວາງແຜນຜັງການພັດທະນາຕົວເມືອງໃນຍຸກສະໄໝການປະຕິວັດອຸດສາຫະກຳ 4.0; ກຳແໜ້ນທ່າອ່ຽງທັນສະໄໝໃນການວາງແຜນຜັງພັດທະນາຕົວເມືອງຂອງໂລກ ເພື່ອໝູນໃຊ້ໃຫ້ເໝາະສົມກັບສະພາບຕົວຈິງຂອງປະເທດ ໃນການພັດທະນາຕົວເມືອງ ຫວຽດນາມ ໃຫ້ເໝາະສົມ.
(ແຫຼ່ງຄັດຈາກ VOV)