06/12/2018 08:57 GMT+7 Email Print Like 0

ນາຍົກລັດຖະມົນຕີຫງວຽນຊວນຟຸກເຂົ້າຮ່ວມເວທີປາໄສປະຕິຮູບແລະພັດທະນາຫວຽດນາມຄັ້ງທີ 1

ວັນທີ 05 ທັນວາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມເວທີປາໄສປະຕິຮູບ ແລະ ພັດທະນາຫວຽດນາມ 2018 (VRDF) ຄັ້ງທີ 1, ດ້ວຍຫົວຂໍ້ວ່າ “ວິໄສທັດໃໝ່, ກຳລັງໜູນໃໝ່ໃຫ້ແກ່ການເຕີບໂຕດ້ານເສດຖະກິດໃນສັງກາດໃໝ່”.


ທ່ານນາຍົກລັດຖະມົນຕີຫງວຽນຊວນຟຸກເຂົ້າຮ່ວມເວທີປາໄສປະຕິຮູບແລະພັດທະນາຫວຽດນາມຄັ້ງທີ 1

(ພາບ: VGP)

ເວທີປາໄສໄດ້ຮັບການຈັດຕັ້ງເພື່ອແນໃສ່ປຶກສາຫາລືຢ່າງກ້ວາງຂວາງກ່ຽວກັບບັນດາຂົງເຂດທີ່ກ່ຽວຂ້ອງເຖິງການປະຕິຮູບ ແລະ ສ້າງລະບອບລະບຽບການໃໝ່, ເໝາະສົມກັບພື້ນຖານເສດຖະກິດການຕະຫຼາດຕາມກຳນົດທິດສັງຄົມນິຍົມ ແລະ ການພັດທະນາແບບຍືນຍົງຢູ່ຫວຽດນາມ.

        ບັນດາເນື້ອໃນຕົ້ນຕໍຂອງເວທີປາໄສຄັ້ງນີ້ລວມມີ: ປະກາດນະໂຍບາຍແມ່ກ່ຽວກັບເສດຖະກິດຫວຽດນາມ; ປຶກສາຫາລືກ່ຽວກັບວິໄສທັດຫວຽດນາມ ໃນສະພາບການໂລກມີການປ່ຽນແປງຢ່າງວ່ອງໄວ; ປຶກສາຫາລືເພື່ອແກ້ໄຂສິ່ງກີດຂວາງ ແລະ ຊຸກຍູ້ກຳລັງໜູນເຕີບໂຕໃໝ່ຂອງຫວຽດນາມ ແມ່ນປ່ຽນແປງໃໝ່ຢ່າງມີຫົວຄິດປະດິດສ້າງ ບົນພື້ນຖານອຸດສາຫະກຳ 4.0 ແລະ ປຶກສາຫາລືກ່ຽວກັບການພັດທະນາເສດຖະກິດພາກເອກະຊົນ.

        ຈຸດພົ້ນເດັ່ນຂອງ VRDF ແມ່ນສະເໜີນະໂຍບາຍແມ່ກ່ຽວກັບເສດຖະກິດຫວຽດນາມ. ນີ້ແມ່ນເອກະສານລວບລວມບັນດາແຜນນະໂຍບາຍຂອງພັກ ແລະ ລັດ, ອັບເດດບັນດາທ່າອ່ຽງ, ການຜັນແປໃໝ່ຂອງໂລກ ແລະ ທາມທາມບົດລາຍງານຫວຽດນາມ 2035 ຂອງທະນາຄານໂລກ ເພື່ອແນໃສ່ແນະນຳນະໂຍບາຍພັດທະນາຂອງຫວຽດນາມ ໄລຍະກາງ ແລະ ໄລຍະຍາວ.

(ແຫຼ່ງຄັດຈາກ VOV)