28/11/2018 08:50 GMT+7 Email Print Like 0

ນາຍົກລັດຖະມົນຕີ Mahathir Mohamad ຕີລາຄາສູງການຮ່ວມມືລະຫວ່າງບັນດາວິສາຫະກິດ ມາເລເຊຍ ແລະ ຫວຽດນາມ

      ໜຶ່ງໃນບັນດາປັດໄຈສຳຄັນຊ່ວຍໃຫ້ ຫວຽດນາມ ພັດທະນາແມ່ນຄຸນນະທາດດຸໝັ່ນຂະຫຍັນພຽນຂອງປະຊາຊົນ
ຫວ່າງແລ້ວນີ້, ທ່ານນາຍົກລັດຖະມົນຕີ ມາເລເຊຍ Mahathir Mohamad ເຊື່ອໝັ້ນວ່າ: ຫວຽດນາມ ຈະສືບຕໍ່ມີການພັດທະນາກະໂດດຂັ້ນໃນໄລຍະຈະມາເຖິງ, ຕາມນັ້ນແລ້ວ, ທ່ານ Mahathir ຖືວ່າ: ໜຶ່ງໃນບັນດາປັດໄຈສຳຄັນຊ່ວຍໃຫ້ ຫວຽດນາມ ພັດທະນາແມ່ນຄຸນນະທາດດຸໝັ່ນຂະຫຍັນພຽນຂອງປະຊາຊົນ. ກ່າວຄຳເຫັນທີ່ພິທີລົງນາມບົດບັນທຶກຮ່ວມມືລະຫວ່າງກຸ່ມບໍລິສັດ Alphanam ຂອງ ຫວຽດນາມ ກັບກຸ່ມບໍລິສັດ “Ri –Yaz Hotels and Resorts” ຂອງ ມາເລເຊຍ ກ່ຽວກັບການຄຸ້ມຄອງໂຮງແຮມ, ອາພາດເມັນທີ່ມີເຄື່ອງໝາຍການຄ້າ Altara Suites ແລະ Altara Residences ຢູ່ ຫວຽດນາມ, ທ່ານນາຍົກລັດຖະມົນຕີ Mahathir ຖືວ່າ ການເພີ່ມທະວີການຮ່ວມມືລະຫວ່າງວິສາຫະກິດສອງປະເທດຈະປະກອບສ່ວນສຳຄັນເຂົ້າໃນການຊຸກຍູ້ການພົວພັນສອງຝ່າຍລະຫວ່າງ ມາເລເຊຍ ແລະ ຫວຽດນາມ, ພິເສດແມ່ນໃນຂົງເຂດເສດຖະກິດ.
 (ແຫຼ່ງຄັດຈາກ VOV)