31/10/2018 09:24 GMT+7 Email Print Like 0

ນາຍົກລັດຖະມົນຕີຫງວຽນຊວນຟຸກຈະເຂົ້າຮ່ວມງານຕະຫຼາດນັດນຳເຂົ້າສາກົນຈີນ

      ວັນທີ 30 ຕຸລາ, ແຈ້ງການຂອງກະຊວງການຕ່າງປະເທດຫວຽດນາມ ໃຫ້ຮູ້ວ່າ: ໂດຍໄດ້ຮັບຄຳເຊີນຂອງທ່ານປະທານປະເທດສປ.ຈີນ ສີຈີ້ນຜິງ, ທ່ານນາຍົກລັດຖະມົນຕີ ຫງວຽນຊວນຟຸກ ຈະເຂົ້າຮ່ວມງານຕະຫຼາດນັດນຳເຂົ້າສາກົນຈີນ ຄັ້ງທີ 1 ຢູ່ຊຽງໄຮ, ປະເທດຈີນ ໃນລະຫວ່າງວັນທີ 04 – 05 ພະຈິກ.

ທ່ານນາຍົກລັດຖະມົນຕີ ຫງວຽນຊວນຟຸກ
(ພາບປະກອບ: baotainguyenmoitruong.vn)
      ງານຕະຫຼາດນັດນຳເຂົ້າສາກົນຈີນ 2018 (CIIE) ໂດຍກະຊວງການຄ້າຈີນ ຈັດຕັ້ງປະຈຳປີ ແລະ ຈະແມ່ນເຫດການສົ່ງເສີມດ້ານການຄ້າທ່ີສຳຄັນຂອງລັດຖະບານຈີນ, ເພື່ອແນໃສ່ເປົ້າໝາຍເປີດປະຕູຕະຫຼາດອອກສູ່ໂລກ, ສ້າງກາລະໂອກາດໃຫ້ບັນດາປະເທດສຳຜັດກັບຕະຫຼາດກວ້າງໃຫຍ່ຂອງຈີນ, ປະກອບສ່ວນຊຸກຍູ້ຂໍ້ລິເລີ່ມ “ໜຶ່ງແລວ, ໜຶ່ງສັ້ນທາງ” ກໍ່ຄືວິວັດທະນາການໂລກາພິວັດ.
 (ແຫຼ່ງຄັດຈາກ VOV)