29/01/2019 09:24 GMT+7 Email Print Like 0

ນາຍົກລັດຖະມົນຕີຫງວຽນຊວນຟຸກແລະການນຳພັກ,ລັດຖະຫວາຍທູບທຽນອາໄລຫາປະທານໂຮ່ຈິມິນ

ທ່ານນາຍົກລັດຖະມົນຕີ ຫງວຽນຊວນຟຸກ ພ້ອມກັບການນຳບັນດາຄະນະ, ກະຊວງ, ຂະແໜງການ, ທ້ອງຖິ່ນ ແລະ ປະຊາຊົນໝັ້ນໝາຍວ່າ ຈະສືບຕໍ່ພ້ອມກັນສາມັກຄີ, ຜ່ານຜ່າທຸກຄວາມຫຍຸ້ງຍາກທີ່ຢູ່ຕໍ່ໜ້າ, ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງແນວຄິດ, ຄຸນສົມບັດ, ວີຖີຊີວິດປະທານໂຮ່ຈິມິນ

(ທ່ານນາຍົກລັດຖະມົນຕີຫງວຽນຊວນຟຸກ ແລະ ການນຳພັກ,ລັດຖະຫວາຍທູບທຽນອາໄລຫາປະທານໂຮ່ຈິມິນ)
 

ເນື່ອງໃນໂອກາດສະເຫຼີມສະຫຼອງ 89 ປີແຫ່ງວັນສ້າງຕັ້ງພັກກອມມູນິດຫວຽດນາມ, 50 ປີແຫ່ງການປະຕິບັດຄຳພິໄນກຳຂອງປະທານໂຮ່ຈິມິນ ແລະ ເນື່ອງໃນໂອກາດບຸນປີໃໝ່ປີກຸນ 2019, ວັນທີ 27 ມັງກອນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ພ້ອມກັບທ່ານອະດີດປະທານສະພາແຫ່ງຊາດ ຫງວຽນຊິງຮຸ່ງ, ພ້ອມກັບບັນດາການນຳ, ອະດີດການນຳພັກ, ລັດ, ແນວໂຮມປະເທດຊາດຫວຽດນາມ… ໄດ້ມາຖະຫວາຍທູບທຽນ, ດອກໄມ້ອາໄລຫາ, ສະແດງຄວາມຮູ້ບູນຄຸນຕໍ່ຄຸນງາມຄວາມດີອັນໃຫຍ່ຫຼວງຂອງປະທານໂຮ່ຈິມິນ, ຜູ້ນຳທີ່ມີຄວາມປີຊາສາມາດຂອງພັກ ແລະ ປະຊາຊົນຫວຽດນາມ, ເປັນອາຈານຜູ້ຍິ່ງໃຫຍ່ຂອງການປະຕິບັດຫວຽດນາມ, ນັກວິລະຊົນປົດປ່ອຍຊາດ, ນັກວັດທະນະທຳທີ່ມີຊື່ສຽງຂອງໂລກ ຢູ່ພະວິຫານບູຊາປະທານໂຮ່ຈິມິນ ທີ່ພູ ບາວີ່, ຮ່າໂນ້ຍ.

        ຕໍ່ໜ້າດວງວິນຍານຂອງປະທານໂຮ່ຈິມິນ, ທ່ານນາຍົກລັດຖະມົນຕີ ຫງວຽນຊວນຟຸກ ພ້ອມກັບການນຳບັນດາຄະນະ, ກະຊວງ, ຂະແໜງການ, ທ້ອງຖິ່ນ ແລະ ປະຊາຊົນໝັ້ນໝາຍວ່າ ຈະສືບຕໍ່ພ້ອມກັນສາມັກຄີ, ຜ່ານຜ່າທຸກຄວາມຫຍຸ້ງຍາກທີ່ຢູ່ຕໍ່ໜ້າ, ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງແນວຄິດ, ຄຸນສົມບັດ, ວີຖີຊີວິດປະທານໂຮ່ຈິມິນ ນຳປະເທດຊາດພັດທະນາໃນປີ 2019, ເຊິ່ງແມ່ນປີທີ່ທົ່ວພັກ, ທົ່ວປວງຊົນ ແລະ ທົ່ວກອງທັບສະເຫຼີມສະຫຼອງ 50 ປີແຫ່ງວັນປະຕິບັດຕາມຄຳພິໄນກຳຂອງປະທານໂຮ່ຈິມິນ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດຕາມຄວາມຫວັງຂອງເພີ່ນຕອນຍັງມີຊີວິດທີ່ວ່າ ຈະກໍ່ສ້າງ “ປະເທດຫວຽດນາມ ໃຫຍ່ໂຕໂອຖົງ ແລະ ສວຍງາມກວ່າ”.

(ແຫຼ່ງຄັດຈາກ VOV)